నేను-నా స్నేహితుడు చివరలో స్నేహితుడి కొడుకు
నేను నా ఫ్రెండ్ ఒక హోటల్ కి వెళ్లాం
"నేను పర్స్ తేవటం మర్చిపోయాను .."బిల్ రాగానే నేను అన్నాను .
మా ఫ్రెండ్ గాడు షాక్ అయ్యాడు "జోకా .."
అడిగాడు .
"దేవుడి తోడు ..."అని మళ్ళీ జేబులు వెతికాను .
"ఇవేళ్టికి నువ్వు ఇచ్చేయ్ బిల్ " . అన్నాను .
స్ట్రోక్ వచ్చినవాడిలా బిల్ కేసి చూసాడు .
ఆరు వందలపైనేవుందిఅమౌంట్ ..
బావున్నాయి అని వాడు రెండు మసాలా దోశలు తినేసాడు
"నీ ఫోన్ లో గూగుల్ పే , పెటియం వుండాలిగా .."అడిగాడు
"వుండేవి ..తీసేసాను ..నువ్వే ఎదో దారి ఆలోచించు "అన్నాను .వెధవ కి రోగం కుదరాలి .
వెర్రిగా బుర్ర గోక్కుని "సర్లే ..మా వాడి కి ఫోన్ చేస్తాను .."లేచి బల్లచుట్టు తిరుగుతూ వాడి కొడుక్కి ఫోన్ చేసాడు
మనసులో ఆనందిస్తూ వాడు వద్దన్నా నేను మళ్ళీ రెండు కాఫీ లకి ఆర్డర్ ఇచ్చాను ..వాడు సైలెంట్ గా తాగాడు .
"అనవసరం గా స్వీట్ కూడా తిన్నాను .."అన్నాడు వాడు .
"తినాలిఅనిపించింది ..తిన్నావు ..తప్పేముంది "ఓదార్పుగా అన్నాను
కాఫీ బిల్ కూడా వచ్చి చేరింది .
తడిసి మోపెడు అయ్యింది.
అంతలో వాడి కొడుకు హడావిడిగా వచ్చాడు ...
"అంకుల్ ...డాడీ చెప్పినట్టే మీ ఇంటికెళ్లి మీరు పర్సు మర్చిపోయి , తెమ్మన్నారు అని ఆంటీ ని అడిగాను .. ఆవిడ ఏమందో తెలుసా ..పర్స్ ఇదిగో అని ఇస్తుంటే మీ అంకులే అక్కర్లేదు ..అక్కర్లేదు అని తీసుకు వెళ్ళ లేదు బాబూ ..అని ఇచ్చారు .."
వాడు పర్సు నా ముందు పెట్టాడు .😳
మా ఫ్రెండ్ గాడు నాకేసి చూసాడు 😎.
నేను తలదించి పర్సు కేసి చూసాను .
"కష్టపడి అంకుల్ మర్చి పోయిన పర్స్ తెచ్చావ్ ..నువ్వు కూడా ఎం కావాలో తిను .."
అన్నాడు వాడు.
తండ్రిని మించిన కొడుకు ..
ఆర్డర్ ఇవ్వటం మొదలెట్టాడు ....🤦
No comments:
Post a Comment