ఉప్పు డబ్బా మజాకా...

 ❤️😀❤️

ఉప్పు డబ్బా మజాకా...

~ ~ ~ ~ ~

      "ఏమండీ! వంటయింట్లో ఉప్పు డబ్బా ఉంది కాస్త తీసుకుని రండి."

భార్య భర్త తో చెప్పింది.

భర్త వంటింట్లో ఉప్పుడబ్బా కోసం వెతికాడు. కానీ కనిపించ లేదు.

"ఉప్పు డబ్బా లేదు ఇక్కడ...వెతికి చూశాను...కనిపించలేదు" అన్నాడు భర్త..

"అనుకున్నా అప్పుడే...మీకు ఎదురుగా ఉన్న వస్తువులే కనిపించవు..ఇక వంటయింట్లో ఉన్న ఉప్పుడబ్బా కనిపిస్తుందా? నా పిచ్చికాని" అంటూ మొదలెట్టింది భార్య.

"మీ అమ్మ ఎలా పెంచిందో ఇన్నిరోజులు...ఒక్క పనికి పనికిరారు.. నా ఖర్మ ఇంతే!" సాగదీసింది..

"మళ్ళీ పేరుకు పెద్ద మేనేజరు ఉద్యోగం వెలగ పెడుతున్నారు.. మీకింద 50 మంది పనిచేస్తారు...ఆ ఉద్యోగం ఎలా చేస్తున్నారో ఏం పాడో, వాళ్ళు మీతో ఎలా వేగుతున్నారో, మీ బాసు మిమ్ములను ఎలా భరిస్తున్నారో ఏమిటో" ఇంకా గొణుగుతూనే ఉంది భార్య.

 " మిమ్మల్ని నాకు కట్టపెట్టిన..మా పుట్టింటివాళ్ళని అనాలి ముందు...జీవితాంతం వేగక తప్పదు" అంటూ విరుచుకు పడింది భార్య.

"నిజంగానే ఉప్పుడబ్బా లేదు ..ప్రామిస్! అంటూ బ్రతిమలాడాడు భర్త...

" ఇలాంటి సమాధానం వస్తుందని ముందే ఉహించాను..ముందుజాగ్రత్త చర్యగా ఉప్పుడబ్బా తెచ్చి పక్కనే పెట్టుకున్నాను...మిమ్మల్ని ఏమి అడిగినా ఇంతే అని నాకు తెలుసుగా!" అంది భార్య.

భర్త:🤔😢😓😥

ప్రతి ఒక్క భర్తకు సమర్పణం...😂😂😂

భర్త ను ఉతికి ఆరేసే కార్యక్రమం పెట్టుకున్నాక...దేవుడు కూడా కాపాడలేడు... 

అయ్యో!పాపం....😟😟😟😟

Just for fun ...చదివి నవ్వుకోండి అంతే!😂😂😂