ప్రభుత్వమా స్పందించు

*ఉపాధ్యాయులారా, విద్యార్థుల తల్లితండ్రులారా .....బయటకు రండి*

*ప్రభుత్వమా స్పందించండి*

*విద్యార్థులారా జాగ్రత్త*

〰️〰️〰️〰️〰️〰️〰️〰️〰️〰️〰️

1. హైదరాబాద్ సిటీ లో ప్రైవేట్ పాఠశాలలు .. కొంత  మంది పిల్లలు ఒకరి పై ఒకరు దాడి చేసుకోవడం పరిపాటిగా మారిపోయింది . ఈ మధ్య జరిగిన ఘటనలో ఒక విద్యార్ధి మృతి చెందాడు. 

2.అదొక ప్రభుత్వ రెసిడెన్షియల్ పాఠశాల . అక్కడి 8 -10      తరగతుల విద్యార్థుల ప్రవర్తన చాలా బిన్నంగా మారిపోయిందని , ఏమి చేయాలో తెలియడం లేదని  టీచర్లు తలలు పట్టుకొంటున్నారు. విద్యార్థులు వారం- 15     రోజులకు ఒక సారి వంతుల వారీగా  ఇంటికి వెళ్లాలని పట్టుపడుతున్నారు . రెండు మూడు రోజులు ఇంట్లో ఉండి తిరిగి వస్తున్నారు . వచ్చేటప్పుడు రహస్యంగా మొబైల్స్ తీసుకొని వస్తున్నారు . ఆ మొబైల్ నిండా ఏవో డౌన్ లోడ్ చేసుకొని వచ్చి రాత్రి  పూట,  టీచర్ ల కళ్లుకప్పి చూస్తున్నారు . ఇది ఆ పాఠశాల ప్రిన్సిపాల్ నాతొ చెప్పిన విషయం. "ఏమి చెయ్యాలో చెప్పండి , ఒక పక్క పదవ తరగతి విద్యార్థులకు పరీక్షలు ముంచుకొని వస్తున్నాయి" అని ఆమె వాపోయారు . ఆ విద్యార్థులు రహస్యంగా చూస్తున్నది నీలి చిత్రాలు అని సులభంగా అర్థం అయ్యిపోతుంది .

   

3. అనంతపూర్ జిల్లా లో ఒక ప్రభుత్వ పాఠశాల . పదవ తరగతి విద్యారులు తాగి పాఠశాలకు రావడం పరిపాటిగా మారిపోయింది . పాఠశాల లో టీచర్ ల పై దౌర్జన్యాలు సహజమయిపోయింది  . పాఠశాల ఫర్నిచర్ ను  ధ్వసం చేయడం , ఒకరిపై మరొకరు దాడి చేసుకోవడం తరచూ జరుగుతోంది . వీరిని చూసి టీచర్ లు హడలి పోతున్నారు . చివరకు టీచర్ ల పై వీరు పోలీస్ స్టేషన్ కు వెళ్లారు . 

   

    

4.బెంగళూరు నగరం . ఆన్లైన్ క్లాసుల్లో పిల్లలు మహిళా టీచర్ ల శరీర భాగాలను వర్ణిస్తూ స్క్రీన్ షాట్ లు పోస్ట్ చేయడం .. వీటిని చూసి తట్టుకోలేక టీచర్ వృత్తిని వదిలి పలు మహిళా టీచర్లు వెళ్లిపోవడం .. లాంటి  ఘటనలు బాగా ఎక్కువగా జరిగాయి . 

5. హైదరాబాద్ సిటీ . తల్లితండ్రి మెడికల్ షాప్ నడుపుతున్నారు  కొడుకు పదవ తరగతి . రాత్రి రెండింటి  దాక తలుపు వేసుకొని మొబైల్ తో ఏదో చేస్తాడు . ప్రశ్నిస్తే తల్లితండ్రిని కొట్టాడు . ఒక సారి రాత్రి ఒంటి గంట దాక తల్లితండ్రిని బయటకు తోసి డోర్ లాక్ చేసేశాడు, ఏడుస్తాడు, మేడపైకి వెళ్లి దూకేస్తానంటాడు . అతని స్కూల్ లో తొమ్మిదో తరగతి అమ్మాయి అతనితో రాత్రి ఒంటి గంట దాక వీడియో చాట్ చేస్తుంది . అది ఎలాంటి చాట్ అనేది తల్లితండ్రులకు తెలియదు . 

    

6.హైదరాబాద్  గాంధీ నగర్ . పదవ తరగతి అబ్బాయి . రాత్రంతా పబ్ జి ఆడుతాడు . ఆన్లైన్ క్లాసులకు హాజరు కాడు. స్కూల్  కు వెళ్ళడు. తలుపులు తీయడు, అందరినీ బెదిరిస్తాడు . 

7 .హైదరాబాద్ ఎల్బీ నగర్ . ఆ అబ్బాయి పాఠశాలలో నీలి చిత్రం చూస్తూ  టీచర్ కు పట్టుపడ్డాడు . ప్రశ్నించిన  టీచర్ పై దాడి చేసి స్కూల్ నుంచి పారిపోయాడు . మరో ఘటనలో ఇద్దరు పిల్లలు పాఠశాల కు వాటర్ బాటిల్ లో వోడ్కా కలుపుకొని వచ్చి దొరికి పోయారు . 

    

8. నల్గొండ జిల్లా లో ఒక మారుమూల గ్రామానికి చెందిన ఒక అబ్బాయి . ఆ ఊళ్ళో   సిగ్నల్స్ సరిగ్గా రావు . ఆన్లైన్ క్లాసుల కోసం  ఆ అబ్బాయి మరో ఇద్దరి కి సిటీ లో రూమ్ తీసి అక్కడ వసతి ఏర్పాటు చేశారు . ఆ అబ్బాయికి విస్కీ తాగడం అలవాటు అయ్యింది . ఇప్పుడు పాఠశాల ప్రారంభం అయ్యింది . విస్కీ తాగితే కానీ స్కూల్ కు వెళ్లనని,  కాదంటే ఆత్మ హత్య   చేసుకొంటానని బెదిరిస్తున్నాడు . 

   

9 .విజయవాడ - తొమ్మిదో తరగతి విద్యార్థిని . స్కూల్ కు సిగరెట్లు తెచ్చి పట్టుబడింది . 

  

10. నూటికి అరవై మంది విద్యార్థుల చదువు గాడి తప్పింది . ఎక్కాలు , కింది తరగతుల ఫండమెంటల్స్ మరిచి పోయారు . చదువుకొనే తత్వం పోయింది . చదువు పై ద్యాస లేదు . క్లాసులో పాఠాలు వినరు . 

   

11. నీలి చిత్రాలు చూడడం , సెక్స్ చాట్ , నగ్న వీడియో చాట్ లు , మద్యపానం , ధూమపానం , గంజాయి లాంటి మాదక ద్రవ్యాల వినియోయోగం ఇలాంటివి అలవాటుగా  మారిపోయింది . టీచర్ ల పై దౌర్జన్యాలు పరిపాటిగా మారిపోయింది . 

ఇలాంటి ఘటనలు మచ్చుకు కొన్ని మాత్రమే .....

 ఇవన్నీ చెప్పుకొంటే తమ పాఠశాల పరువుకు ఎక్కడ భంగం వాటిల్లుతుందో,  ఎక్కడ అడ్మిషన్స్ దెబ్బతింటాయో అని ప్రైవేట్ పాఠశాలలు,  అసలు  ఏమీ జరగనట్టు నటిస్తున్నాయి . ప్రభుత్వ పాఠశాలల ఉపాధ్యాయులు ఇలాంటి ఘటనల తో ఎలా వ్యవహరించాలో తెలియకుండా తలలు పట్టుకొంటున్నారు . కడుపు చించుకొంటే కాళ్లపై పడుతుందని కొందరు , ఇవన్నీ పట్టించుకోకుండా  ఇది తమ పని కాదు అని మరికొందరు . 

 ఏదైనా సంఘటన జరిగితే దాన్ని క్రైమ్ రిపోర్టర్ ద్వారా క్రైమ్ వార్తల పేజీ లో కవర్ చేసి మీడియా  అక్కడితో వదిలేస్తోంది . ప్రభుత్వానికి రాజకీయ పార్టీలకు ఇలాంటివి పట్టవు . రాజకీయ నాయకులు బూతులు మాట్లాడుకొంటూ బిజీ గా వున్నారు . తల్లి తండ్రులు "మా బిడ్డ ముద్దు , ఇవన్నీ ఎక్కడో సప్త సముద్రాల అవతల  మర్రి చెట్టు తొర్రలో  జరిగే ఘటనలు మనకు సంబంధం లేదు" అనుకొంటున్నారు . సొంత ఇంట్లో వ్యవహారం  ముదిరి పాకాన పడితే అప్పుడు నాలాంటి వాడిని లేదా సైకియాట్రిస్ట్ ను కలవడానికి పరుగులు పెడుతున్నారు . 

స్కూళ్ళు , టీచర్ లు , పేరెంట్స్ , మీడియా , ప్రభుత్వం .. అందరూ నటిస్తున్నారు . "అసలు సమస్యే కాదు.. ఏదైనా  ఉంటే దానంతకు అదే సర్దుకొంటుంది" అనుకొంటున్నారు . వీరి నటనకు ఆస్కార్ అవార్డు తప్పక లభిస్తుంది . 

కాకపోతే ఇలాగే వదిలిస్తే   స్కూల్స్ లో కాలేజీ ల లో జంబలకిడి పంబ సినిమా లో బాబు మోహన్ పోలీస్ గా క్లాస్  నడిపినట్టు,  పోలీస్  బందోబస్తు తో క్లాస్ నడపాల్సిన  నడపాల్సిన రోజులు వచ్చేస్తాయి  . బాల క్రిమినల్స్ పుట్టుకొని వచ్చేస్తున్నారు . పరువుగల కుటుంబాల కు చెందిన మహిళలు టీచర్ వృత్తి లోకి రారు . 

*నిద్ర లేవండి . నటించడం మానండి . సమస్య ఉంది అని గుర్తించడం సమస్యకు మొదటి పరిష్కారం .*

1 . పాండమిక్ కాలంలో ఆన్లైన్ క్లాసుల పుణ్యమా అంటూ విద్యార్థులు సెల్ ఫోన్ లకు , ఇంటర్ నెట్ చీకటి  ప్రపంచం లో దొరికే సకల మలినాలకు, విషాలకు అలవాటు పడిపోయారు . ఈ పరిస్థితి ని ఎలా చక్క దిద్దాలో టీచర్లందరికీ శిక్షణ ఇవ్వాలి . 

2 . సెల్ ఫోన్ అడిక్షన్, జంక్ ఫుడ్ అడిక్షన్ , నీలి చిత్రాలు ఇలాంటివి ఇరవై ఒకటవ శతాబ్దం పిల్లలు  అందునా ముఖ్యంగా  కరోనా అనంతర సమాజపు పిల్లల వ్యసనాలుగా  మారిపోయాయి . వీటికి సంబందించిన విషయాల పై సైద్ధాంతిక పోరాటం జరగాలి . ఇలాంటి పాఠాలను టెక్ట్ బుక్స్ లో భాగంగా చేయాలి . 

౩. పిల్లలకు కౌన్సిలింగ్ చేయడానికి ప్రతి విద్యాసంస్థలో ఏర్పాట్లు జరగాలి . క్రైమ్ దారిలో వెళ్లిన వారితో కఠినంగా వ్యవహరించాలి . 

ఇప్పుడున్న చట్టాలను సమీక్షించాలి . 

ప్రజల్లో చైతన్యం ఉంటేనే మీడియా అంతకు మించి ప్రభుత్వాలు స్పందిస్తాయి . 

పాఠశాలలకు, ఉపాధ్యాయులకు ప్రజల మద్దతు , నైతిక బలం ప్రభుత్వాల్లో కదలిక తేవాలి.

〰️〰️〰️〰️〰️〰️〰️〰️〰️〰️〰️

విన్నవిస్తూ🙏🏻...

మీ ...ఉపాధ్యాయలు.