కుటుంబం
జీవన తరంగాలు ఎగసి పడుతున్నాయి.
అంతరంగాలను దూరం చేస్తున్నాయి.
జీవనశైలి ఏనాడో మారిపోయింది.
విదేశాలలో ఉద్యోగాలకోసం కొందరు,
జీవనోపాధికోసం, పట్టణాలకు వలసలు కొందరు,
ఉమ్మడికుటుంబాలకు దూరమైనవారే.
ఓ వైపు,అధిక ధరలు,పెరిగిన పన్నులు,
ఆర్ధిక స్థోమతను కృంగదీస్తుంటే,
స్వార్థపూరిత ప్రయోజనాలు మరోవైపు.
కుటుంబ వ్యవస్థను చిన్నా,భిన్నం
చేసాయి.
గౌరవ మర్యాదలకు,సంస్కృతి సాంప్రదాయాలకు,
ఓ పాఠశాల కుటుంబ వ్యవస్థ.
అమ్మనాన్న,అన్నదమ్ములు,అక్కాచెల్లెళ్లతో,
ఆనందంతో,కళ కళలాడిన లోగిళ్ళు ఏవి.
ఇరుకు గదులతో,మనసును ఇరుకు చేసారు.
నాకు నువ్వు, నీకు నేను.
మనిద్దరికి ఓ శిశువు.
అమ్మనాన్నలు,అత్తమామలు
మనిద్దరికి బరువు.
వృద్ధాశ్రమంలో చేర్చేద్దాం అంటూ..
కుటుంబ వ్యవస్థను ఏనాడో బ్రష్షు పట్టించారు.
అనురాగం,ఆప్యాయతలకు అది ఒక నిలయం.
సంస్కారం,సాంప్రదాయాలకు అది ఒక ఆలయం.
కుటుంబ వ్యవస్థ బాగుంటేనే,
సమాజాభివృద్ది చెందుతుంది.
🙏🙏🙏
No comments:
Post a Comment