మీ అంత్యక్రియల తర్వాత ఏం జరుగుతుందో తెలుసా?
కొన్ని గంటల్లో ఏడుపుల శబ్దం పూర్తిగా ఆగిపోతుంది.
కుటుంబ సభ్యులు, బంధువుల కోసం భోజనాలు తయారు చేయించి వడ్డీంచడంలో బిజీగా ఉంటారు
మీ మనవళ్లు మనవరాండ్రు అటుఇటు పరిగెడుతూ ఆడుకుంటూ ఉంటారు.
యువతీయువకులు ఒకరినిఒకరు పలకరించుకొని వారి చదువుల గురించి చెప్పి ఫోన్ నంబర్లను మార్చుకునే పనిలో ఉంటారు
వయసు మళ్ళిన కొందరు లోకాబిరామాయణం మాట్లాడుకుంటూ, టీ తాగుతూ సమయం గడపుతారు
మీ అంత్యక్రియలు జరిపిన తరువాత మిగిలిన వ్యర్ధాలను మీ ఇంటి నుంచి దూరంగా విసిరి పరిసరాలను పాడుచేసి ఉంటారని భావించి మీ పొరుగువారు కోపంగా ఉంటారు.
అత్యవసర పరిస్థితి కారణంగా వ్యక్తిగతంగా రాలేకపోవడంపై మీ బంధువొకరు మీ కుమార్తెతో ఫోన్‌లో మాట్లాడుతూంటారు
మరుసటి రోజు, కొంతమంది బంధువులు వెళ్లిపోతారు మిగిలిన వారిలో ఒకరు కూరలో తగినంత ఉప్పు లేదని ఆనాటి విందులో ఫిర్యాదు చేసుండొచ్చు.
అంత్యక్రియల ఖర్చు భరించే మీవారిలో ఒకరు మీఅంత్యక్రియలకు అవసరానికి మించి ఎక్కువ ఖర్చు చేశారని దెబ్బలాడవచ్చు.
జనం మెల్లగా ఒకరొకరు వెళ్లిపోవడం మొదలవుతుంది..
మీరు చనిపోయారని తెలియక కొంత కాలం మీ ఫోన్‌కి కొన్ని కాల్స్ రావచ్చు.
మీ ఆఫీస్ వాళ్ళు మీస్థానంలో వేరొకరిని నియమించుకొనే పనిలో ఉంటారు
మీ మరణ వార్త విన్న ఒక వారం తరువాత, కొంతమంది ఫేస్‌బుక్ స్నేహితులు, విచారంతో మీచివరి పోస్ట్ ఏమిటో తెలుసుకోవడానికి ఆసక్తిగా వెతుకవచ్చు.
అత్యవసర సెలవు ముగిసిన రెండు వారాల్లో మీ కొడుకు / కుమార్తె తిరిగి ఆఫీస్/వ్యాపార పనులకు వెళ్ళిపోతారు.
మీ జీవిత భాగస్వామి నెలతిరిగే సరికల్లా, అన్ని మర్చిపోయి ఎదోఒక సీరియల్ చూస్తూ గడుపుతుండవచ్చు.
మీ బంధువులు సినిమాలుచూస్తూ, షికార్లు చేస్తూ సరదాగా కాలం గడుపుతూ ఉంటారు.
ప్రతి ఒక్కరు సాధారణజీవితం గడుపుతుంటారు .
ఒక పెద్ద చెట్టు యొక్క వాడిపోయిన ఆకు రాలిపోయినట్టుగా, మీరు జీవించి, చనిపోయే దాని మధ్య కూడా పెద్ద తేడా లేనట్లు, అంతా మామూలుగా, చాలా వేగంగా, చాలా సాధారణంగా అన్ని జరిగిపోతుంటాయి..
వానలు మొదలవుతాయి, ఎలక్షన్స్ వస్తాయి, పోతాయి, బస్సులల్లో జనాలు ఎప్పటిలాగే గుంపులు, గుంపులుగా ప్రయాణిస్తుంటారు, ఏదోఒక నటి పెళ్లి జరుగుతుంది, పండగలు వస్తుంటాయి, అనుకున్న సమయానికి వరల్డ్ కప్ క్రికెట్ జరుగుతోంది, చివరికి మీ పెంపుడు కుక్కపిల్ల కూడా పిల్లలను పెడుతుంది, రోజులు అలా గడిచిపోతుంటాయి.
మీ మరణం వల్ల ఏది ఆగదు, అన్ని సర్వ సాధారణంగా జరిగిపోతుంటాయి.
ఆశ్చర్యకరంగా..
ఈ ప్రపంచంలోని అందరూ అతి త్వరగా నిన్ను పూర్తిగా మరచిపోతారు.
ఈలోగా మీ మొదటి సంవత్సరం వర్ధంతి వస్తుంది, మీ వాళ్ళు ఘనంగా జరుపుకుంటారు.
ఏదో ఒక రోజు, పాత ఫోటోలు చూస్తూ, మీ స్నేహితుడొకరు మిమ్మల్ని గుర్తుపట్టవచ్చు,
మీ ఊరిలో, మీకు పరిచయమున్న వేలాది మందిలో, ఒక వ్యక్తి మాత్రమే మీ గురించి చాలా అరుదుగా ఎవరితోనైనా మాట్లాడి ఉండవచ్చు..
రెప్పపాటు కాలంలో ఏళ్లు గడిచిపోతాయి, మీ గురించి మాట్లాడేవారు ఉండరు.
ఒకవేళ పునర్జన్మ నిజమైతే మీరు వేరే చోట జీవించి ఉండవచ్చు. లేకపోతే, ఏమీకాని మీరు మీకు తెలియని ఏదోలోకంలో, ఎక్కడో చీకటిలో మగ్గిపోతుండోచ్చు
ఇప్పుడు చెప్పండి..
ఈ ప్రజలు మిమ్మల్ని సులభంగా మరచిపోవాలని ఎదురు చూస్తున్నారు..
మరి మీరు దేని కోసం ఆరాటపడుతున్నారు?
మరియు మీరు ఎవరి గురించి ఆందోళన చెందుతున్నారు?
మీ జీవితంలో ఎక్కువ భాగం, సుమారు 80%, మీ బంధువులు మరియు ఇరుగుపొరుగు మీ గురించి ఏమనుకుంటున్నారో అని మీరు ఆలోచిస్తారు..
వారిని సంతృప్తి పరచడానికి మీరు జీవితాన్ని గడుపుతున్నారా?
దాని వల్ల ఉపయోగం లేదు.
వాళ్ల కోసమే అని కాకుండా వారికి మీరెంటో అర్థం అయ్యేలా చేయండి.
జీవితం ఒకటే మిత్రమా, దానిని జీవించు......
నలుగురితో జీవించు.....
😊😊
No comments:
Post a Comment