*సెల్ఫ్ డబ్బా ఏమో కానీ సెల్ఫీడబ్బా ప్రమాదమే*
*〰️〰️〰️〰️NaReN〰️〰️〰️〰️*
సెల్ఫీ ఒక అనివార్యమైన
అంటు వ్యాధి.
ప్రాణాలు అరచేతిలో పెట్టుకోవడం అంటే ప్రాణభీతితో కాదు, ప్రాణ చిలకను మర్రి తొర్రలో కాదు, గుప్పెట్లో పెట్టుకోవడమే!.
ఉన్న చోటు నుంచే ఏడేడు సముద్రాలు తిరిగి రావడం.
కాళ్లే కాదు, కళ్ళు కదపకుండా
దుర్భిణికి కళ్ళప్పగించేయడం!
సమూహంలో ఉన్నా, ఏకాంతంలో ఉన్నా, ఒక సెల్ఫీ తీసుకోవటం అరచేతి దురద తీర్చుకోవడం!
కొన్నిసార్లు సెల్ఫీ ఒక ప్రాణాంతక సాహస కృత్యం! మనిషికి బొటన వేలు ఒకప్పుడు వేటకు
అవసరమైతే నేడు అది
ఒక తీరని తీట.
ఫోను ఒక ఆత్మ,
సెల్ఫీ దాని నీడ.
తల్లి గర్భంలో ఉన్నప్పుడే ఆ పద్మవ్యూహం పరిచయం.
అందుకే అభినవ అభిమన్యులకు ఫోను ఒక సహజ కవచకుండలం. కవ్వించే సెల్ఫీ ఊబి.
స్వచ్ఛంద ఆత్మార్పణానికి ప్రేరణ. సెల్ఫీ పిచ్చి ముదిరితే,
వెంటిలేటర్ బెడ్డొకటి రిజర్వుడ్!!
〰️〰️〰️〰️〰️〰️〰️〰️〰️〰️〰️
పసుపులేటి నరేంద్రస్వామి
No comments:
Post a Comment