తల్లితండ్రులకు లేఖ

 తల్లితండ్రులకు లేఖ 

కోయింబత్తూర్ లోని ఒక పాఠశాల వేసవి సెలవులు ప్రకటిస్తూ తల్లితండ్రులకు ఒక లేఖ రాసింది. 

చదివితే అలాంటి మంచి విద్యాబుద్ధులు నేర్పించే పాఠశాలలో చదివించాలి పిల్లల్ని. 

ఆ లేఖ సారాంశం తర్జుమా చేసి ఇస్తున్నాను . నచ్చితే కాపీ పేస్ట్ చేసుకొని మీ వాల్ మీద , వాట్సాప్ లోనూ పంపించండి.

మోదుగు సైదులు

 ప్రియమైన తల్లితండ్రులారా,

గత పదినెలలుగా మీ పిల్లల్ని చక్కటి పౌరులుగా తీర్చిదిద్దడానికి మా శాయశక్తులా కష్టపడ్డాం.పిల్లలు పాఠశాలకు రావడానికి తహతహలాడేలా చేయడంలో విజయం సాధించాం అని చెప్పుకునే స్థాయికి చేరుకున్నాం. రాబోయే రెండు నెలలు , మీరు, పిల్లల సహజ సంరక్షకులు వారితో గడుపుతారు. పిల్లల్ని తీర్చిద్దిడానికి కొన్ని ఉపయోగపడే కొన్ని చిట్కాలు మీతో పంచుకుంటున్నాము వారి సెలవులు ఆనందంగా, ఉపయుక్తంగా ఉండడానికి. 

1. రోజూ రెండు పూటలా వారితో కలిసి భోజనం చేయండి. వారికి రైతులు పడే కష్టాలను వివరించండి. ఎంత శ్రమిస్తే పంట చేతికి వస్తుందో తెలియచేయండి. పదార్థాలు వృధా చెయ్యకుండా తర్ఫీదు ఇవ్వండి.

2. వాళ్ళు తిన్న భోజనం ప్లేటు ఎత్తడం, కడుక్కోవడం నేర్పించండి. వాళ్లకు శ్రమ విలువ తెలుస్తుంది. పని విలువ అర్ధమౌతుంది. మన పని మనం చేసుకోవడం నామోషీ కాదని తెలుస్తుంది.

3. పిల్లల్ని వంటింట్లోకి రానివ్వండి. వాళ్ళ సలాడ్స్ వాళ్లనే చేసుకొనివ్వండి. 

4.ప్రతిరోజూ ఐదు కొత్త ఆంగ్ల పదాలు నేర్చుకునేటట్టు చూడండి.

5.  మీ ఇంటి చుట్టుపక్కల వారితో పరిచయం చేసుకోమనండి. వాళ్ళతో ఒక అనుబంధం ఏర్పడనివ్వండి.

6. అమ్మమ్మ, బామ్మ , తాతగార్లతో కొన్నిరోజుల పాటు గడపనివ్వండి. పెద్దవారితో ఒక చక్కటి అనుబంధం ఏర్పడనివ్వండి. పెద్దవారి ప్రేమాభిమానాలు వారికి చాలా ఉపయోగం.

7. మీ పిల్లల్ని మీరు పనిచేసే చోటుకు తీసుకెళ్లండి. మీరెంత కష్టపడి పనిచేయడమే కాదు, వారికి మీ కష్టార్జిత విలువ తెలుస్తుంది.

8. వారం వారం జరిగే సంతకు తీసుకెళ్లండి. జాతర ఉంటే చూపించండి 

9. వాళ్ళకి మొక్కలు నాటడం , మొక్కల సంరక్షణ లాంటి పనులు చేయించండి.

పెరట్లో కానీ కుండీలలో కానీ విత్తనాలు నాటించండి. వాళ్లకు చెట్ల గురించి, వాటి ప్రాముఖ్యత గురించి తెలియచేయండి. చెట్లు వృక్షాలు వారి జీవితంలో అంతర్భాగం అనే అవగాహన ఏర్పరచండి.

10. మీ చిన్ననాటి ఆనుభవాలను వారికి తెలియచేయండి.మీ కుటుంబ చరిత్ర గురించి అవగాహన కల్పించండి.

11. పిల్లలు సెలవులు పూర్తిగా ఇంట్లో ఉండకూడదు , బయట అడుకోవాలి అని ప్రోత్సహించండి. పిల్లలకు ఆటల్లో గాయపడడం సహజం, అలాగే ఆటలాడితే మురికిగా అవ్వడం కూడా సాధారణం. వాళ్ళకి నొప్పి తెలీనివ్వండి. అస్తమాను సోఫాyలో, కుర్చీల్లో కూర్చుంటే బద్దకస్తులుగా తయారౌతారు. 

12. పెంపుడు జంతువులు పెంచుకొనివ్వండి.

ఆలోచించండి...