ప్రతిరోజు తెలుగు ప్రగతికి వెలుగు

ప్రతిరోజు తెలుగు ప్రగతికి వెలుగు

    నేడు తెలుగు వాళ్ల పిల్లలు ఇంగ్లీష్ పిల్లలైపోయారు

ఇంట్లో ఇంగ్లీష్ బల్లో ఇంగ్లీష్ ఇంక తెలుగు ఎక్కడుంది?

అని ప్రశ్నించుకుంటే సమాధానం తెలుగు వాళ్లకే తెలియాలి

ఇంగ్లీష్ రాకుంటే కూడు లేదు గుడ్డ లేదు గూడు లేదు అన్నట్లు మారిపోయింది ప్రస్తుతం

కారణం ఏమంటే కార్పొరేట్లో చదివి కంట్రీ వదిలి వేరే కంట్రీ కి వెళ్లి పొడిచేద్దామనే పోరాటం

ఈ పోరాటానికి తల్లిదండ్రులే పునాదైతే మరోవైపు ప్రైవేట్ ఇన్స్టిట్యూషన్లు

ఇలా ఇంటిలోన ఇంగ్లీష్ బల్లోన ఇంగ్లీష్ అయితే తెలుగు బిడ్డకు తెలుగు ఎక్కడ వస్తుంది?

 తెలుగు బిడ్డను ఇంగ్లీష్ బిడ్డగా తయారు చేసే తల్లిదండ్రులారా మీరే చెప్పండి

పాపం మీరేం చెప్తారు లేండి

మీ చుట్టూ లోకం మిమ్మల్ని ప్రేరేపిస్తుంటే మీరు మాత్రం ఏం చేస్తారు

ఇంగ్లీష్ మాట్లాడితేనే గొప్ప, అని అందరూ ఇంగ్లీషే మాట్లాడుతుంటే మీరు మాత్రం ఏం చేస్తారు

ఇంగ్లీష్ వస్తేనే జాబ్ వస్తుందంటే మీ పిల్లల్ని మీరు ఇంగ్లీష్ నేర్పించక తెలుగు నేర్పిస్తారేంటి

ఇంగ్లీషు వాళ్ళు వెళ్లారనుకుంటున్నారా లేదు ఇండియా మొత్తాన్ని ఇంగ్లీషు వాళ్లని చేశారు వాళ్లు అసాధ్యులు

అమ్మ అని నేర్పాల్సిన మనం

మమ్మీ అని నేర్పిస్తుంటే

మరి అమ్మ అనే మాట రాబోయే కాలంలో పుస్తకాల్లోనే చూడాల్సి వస్తుందేమో దాని అర్థం డిక్షనరీస్లో వెతకాల్సి ఉంటుందేమో

అన్ని ఇంగ్లీషులోనే పలికితిమి

అన్ని ఇంగ్లీషులోనే చదివితిమి

అన్ని ఇంగ్లీష్ మయమే అయిపోయా

మరి ఇలా అయితే మరి తెలుగునెలా బ్రతికించుకోవాలి

తెలుగుకి తెరదించాల్సిందేనా?

ఒకప్పుడు తెలుగు భాష ఉండేది అని రాబోయే తరం చెప్పుకోవాల్సిందేనా?

తెలుగు గ్రంథాలు, తెలుగు మేధావులు, తెలుగు రాజులు అందరూ కనుమరుగేనా?

 ఆలోచించండి తెలుగుని ఎలా వెలుగొందేనా చెయ్యాలని

ఆలోచించండి తెలుగు వాళ్ళై

తెలివిగలవాలై

తెలుగు తేనెను రుచిచూసిన వాళ్ళై

తెలుగు తెగువ చూపే వాళ్ళై

ఆలోచించండి

తెలుగు వెలగాలంటే

తెలుగు వాళ్లే పరిశ్రమలు సృష్టించాలి

తెలుగు వాళ్లే పరిపాలకులవ్వాలి

అప్పుడే తెలుగు మళ్లీ బడిలో పుడుతుంది అమ్మ ఒడిలో పుడుతుంది ప్రతి బిడ్డ నాలుకపై పుడుతుంది

తెలుగు తేట పదం

తెలుగు కమ్మని మాట

ఇంగ్లీష్ చదువుల మధ్య తెలుగు నేర్పిద్దాం

తల్లిదండ్రులారా

ఉపాధ్యాయులారా

పెద్దలారా

రోజుకో గంట తెలుగు పద్యం పలికించండి

తెలుగు గద్యం వినిపించండి

తెలుగు కథ చదివించండి

తెలుగు వాళ్ళ గురించి చెప్పండి

తెలుగు పై ఆసక్తి కలిగేలా పిల్లలతో తెలుగు తేనెలలికే మాట మాట్లాడండి

ఇంగ్లీష్ మబ్బులు ఎన్ని కమ్మిన తెలుగు సూర్యుడిలా వెలగాలి

తెలుగు పి యుగాంతం లేదు తెలుగు ఎప్పుడు అమరత్వమే అమృతత్వమే

జైయొస్తు తెలుగు తల్లి జైయవచ్చు మా తెలుగు తల్లి జైయ్యొస్తూ..

అక్షర దోషాలుంటే క్షమించండి తెలుగుని ప్రేమించండి తెలుగులో మాట్లాడండి తెలుగు వాళ్లగా జీవించండి..

అందరూ బాగుండాలి అందులో మనం ఉండాలి......