నిన్న నేడు రేపు

 నిన్న నేడు రేపు

*నిన్న ఏమి తీసుకురాకుండానే*

*వచ్చాము*

*నేడిక్కడ చాలానే సంపాదిస్తున్నాం*

*రేపు ఏమి తీసుకుపోకుండానే*

*వెళ్తాము*

*అసలు లెక్కంతా తప్పే...*

*మనమిక్కడ ఉన్నందుకు*

*ఎంతో కొంత కిరాయి ఇవ్వాలి..*

*కాని మనం కూడబెడుతున్నాం*

*తీసుకురానప్పుడు... తీసుకుపోనప్పుడు*

*ఎందుకీ అనవసరపు అత్యాశలు.. ద్వేషాలు.*

*ఈ ప్రపంచానికి నువు కొంత భారంగా*

*కొన్నేళ్ళు బతికి నప్పుడు*

*ఏమిచ్చావు... ఈ ప్రపంచానికి నువ్వు*

*ఏం చెల్లించావు ... ఈ లోకానికి రుసుము*

*నా వరకైతే పనికొచ్చే నాలుగు మాటలు చెప్పేస్తున్నాను*

*ఇవి నా పొట్ట నింపవని నాకు తెలుసు*

*కాకపోతే కొందరి మనసుల్లో సంతోషాన్ని నింపేస్తాయి*

*మరి కొందరి గుండెల బరువును ఖాళీ చేస్తాయి*

*నువ్వు కూడా ఏదో ఒకటి చెయ్..*

*నాకు తెలుసు నువ్వు చేస్తావని...*

*నీకు అడ్డు పడే స్వార్థాన్ని*

*కొంచెం కొంచెం జరుపు*

*ఈ ప్రపంచం నిన్ను చాలా చాలా దగ్గర చేసుకుంటుంది*