King Story

 King Story

రోడ్ మీద సమోసా కూడా కొనుక్కుని తినలేని వాడి ముందు.. ఈరోజు నగరంలోని ధనికులంతా ఎందుకు చేతులు కట్టుకుని నిలబడ్డారు? ఎందుకు అతనిని అందరూ వాళ్ళు తమ ఇంటి అల్లుడిని చేసుకోవాలి అని చూస్తున్నారు.. భారతదేశంలో కోట్లమంది వింటున్న ఈ కథని.. మీరు కూడా ఉచితంగా వినండి…

Chapter 1 

   "Are you serious?, మీరు నాతో జోక్ చెయ్యడం లేదు కదా?" లోపలి నుండి తన్నుకొస్తున్న ఉద్వేగాన్ని అదుపు చేసుకుంటూ అడిగాడు సాగర్.

"It's not a joke మిస్టర్ సాగర్ అగ్నిహోత్రి. ఈరోజు నుండి మీరు కింగ్ ఆఫ్ అగ్నిహోత్రి ఫ్యామిలీ. ఓహ్ సారీ actually కింగ్ అఫ్ హైదరాబాద్. Now యు అర్ ది రిచెస్ట్ పర్సన్" కన్ఫర్మ్ చేస్తూ చెప్పాడు ఫోన్ లో అవతలి వైపు మాట్లాడుతున్న బ్యాంకర్ దినేష్

"But...how is it possible?"నమ్మలేనట్లుగా అడిగాడు సాగర్.

"Nothing is impossible మిస్టర్ సాగర్. ఒకప్పుడు మీరు వసుధ గ్రూప్ ఆఫ్ ఇండస్ట్రీస్ లో కొన్న షేర్స్, ఇప్పుడు సడన్ గా పెరిగి మీకు అదృష్టాన్ని తెచ్చిపెట్టాయి. ఈ విషయం తెలిస్తే మీ తాతగారు మిమ్మల్ని చూసి ప్రౌడ్ గా ఫీలవుతారు" ఉత్సాహంగా చెప్పాడు దినేష్.

తన తాతగారి పేరు వినగానే అప్పటిదాకా సాగర్ ముఖంపై ఉన్న నవ్వు ఒక్కసారిగా మాయమయ్యింది. 

"మూడేళ్ల క్రితం ఈ షేర్స్ కొన్నందుకే, ఆయన నన్ను ఇంటి నుండి గెంటేశారు. అది మీరు మర్చిపోయినట్లున్నారు." అని నిరాశగా అన్నాడు సాగర్.

"ఇప్పుడు అదే షేర్స్ మిమ్మల్ని కుబేరున్ని చేశాయి సర్. ఈ విషయం తెలిస్తే ఇప్పుడే.. ఆయనే మళ్ళీ మిమ్మల్ని ఇంట్లోకి ఇన్వైట్ చేస్తారు." అన్నాడు దినేష్.

సాగర్ చిన్నగా నవ్వి, "చూద్దాం...ఇంతకీ ఈ విషయం అందరికీ తెలిసిపోయిందా?" అని అడిగాడు.

"ఇంకా లేదు. కానీ మీ ఫ్యామిలీకి తప్పకుండా తెలిసిపోతుంది. ఎందుకంటే ఇప్పుడు మీరిప్పుడు హైద్రాబాద్ లోనే richest person. కాబట్టి తెలియకుండా ఆపడం అసాధ్యం." అని నవ్వుతూ అన్నాడు దినేష్.

ఇంతలో, "సాగర్...సాగర్...ఇప్పటిదాకా ఇక్కడే ఉన్నావ్ కదా. ఇంతలో ఎక్కడికి వెళ్ళిపోయావ్?" అని ఖంగుమంటూ వినిపించింది శైలజారెడ్డి కంఠం.

ఆమె గొంతు వినగానే అలెర్ట్ అయిన సాగర్ హడావుడిగా, "ఓకే దినేష్. ఈ విషయాన్ని మీరెవరికీ చెప్పకండి. కొన్ని రోజుల వరకు దీనిని సీక్రెట్ గా ఉంచాలనుకుంటున్నాను."అని చెప్పాడు.

"Sure sir. I can understand." అన్నాడు దినేష్.

"థాంక్యూ" అంటూ సంతోషంగా ఫోన్ కట్ చేసిన సాగర్, తృప్తిగా నవ్వుకుంటూ, కిందకి దిగి కిచెన్ లోకి వెళ్ళాడు.

అతన్ని చూడగానే చిరాగ్గా ముఖం చిట్లించిన శైలజ, "ఒక్కపని కూడా సరిగ్గా చెయ్యలేవా. అన్నీ సగం సగం పనులేనా? సింక్ లో సగం గిన్నెలు అలాగే ఉన్నాయి. క్లీన్ చెయ్యకుండా ఎక్కడికి వెళ్లావ్?" అని ఆమె అజమాయిషీ ప్రదర్శిస్తూ అడిగింది.

"సారీ అత్తయ్యా, సడన్ గా ఏదో కాల్ వస్తె..." అని అతను చెబుతూ వుండగానే, "హా... మరి నువ్వు ఈ స్టేట్ సీఎం కదా. నీ కోసం మినిస్టర్స్ అందరూ వెయిట్ చేస్తూ ఉంటారు. నువ్వు ఫోన్ మాట్లాడకపోతే వాళ్ళ పనులన్నీ ఆగిపోతాయి." వెటకారంగా మాట్లాడుతూ అడ్డుకుంది శైలజ.

ఆమె మాటలకు అప్పటికే అలవాటు పడిపోయిన సాగర్, 

"సారీ అత్తయ్య. నేను ఇప్పుడే క్లీన్ చేస్తాను." అంటూ సింక్ దగ్గరకు వెళ్ళి గిన్నెలు కడగడం మొదలు పెట్టాడు.

"క్షణం తీరిక లేదు. దమ్మిడీ ఆదాయం లేదు అన్నట్లు ఉంది నీ వరస. రెండేళ్ల నుండి ఇంట్లోనే ఖాళీగా పడి తింటున్నావ్. ఒక్క పనైనా సరిగ్గా చేస్తావా అంటే... అదీ లేదు.అసలు నీ లాంటి వాడు నా కూతురికి, వాళ్ళ నాన్నగారికి ఎలా నచ్చాడో నాకు ఇప్పటికీ అర్దం కాదు." అని రోజూ పాడే పాటే మళ్ళీ మొదలు పెట్టింది శైలజ.

రెండేళ్ల క్రితం శైలజ కూతురు అఖిలను ఇష్టపడి పెళ్లి చేసుకున్నాడు సాగర్. అఖిల తెలివైన, అందమైన అమ్మాయి. తమ ఫ్యామిలీకి చెందిన కంపెనీలోనే మామూలు అసిస్టెంట్ పోస్ట్ లో జాయిన్ అయ్యి, ప్రస్తుతం అదే కంపెనీలో ఎండీ స్థాయికి చేరుకుంది. కొంచెం కోపం ఎక్కువే అయినా, మనసు చాలా మంచిది. ఆమె కోసమే ఆ ఇంట్లో ఇల్లరికపు అల్లుడిగా ఉండిపోయాడు సాగర్. కానీ ఇప్పుడు ఆ బంధం కూడా తెగిపోవడానికి సిద్ధంగా ఉన్న గాలిపటంలా అటూ ఇటూ ఊగుతోంది.

"నేను చెప్పేది ఏమైనా వింటున్నావా? లేదా?" అని శైలజ అరుపులతో ఈ లోకంలోకి వచ్చాడు సాగర్.

"హా.. వింటున్నా అత్తయ్యా. చెప్పండి" గిన్నెలు క్లీనింగ్ పూర్తవడంతో నాప్కిన్ తో చేతులు తుడుచుకుంటూ అన్నాడు సాగర్.

"పాడిందే పాటరా, పాచిపళ్ళ దసరా అని... రోజూ ఎన్ని సార్లు చెప్పమంటావ్. పెళ్ళయ్యి రెండేళ్లవుతుంది. కనీసం ఇప్పటికైనా, ఒక మగాడిలా నాలుగు డబ్బులు సంపాదించే మార్గం చూడు. నీ వల్ల నేను, నా కూతురు తలెత్తుకోలేకపోతున్నాం. ఎక్కడికి వెళ్ళినా శైలజా రెడ్డి అల్లుడు పనికిరాని వాడంట అని ముఖానే అంటున్నారు." అంది శైలజ.

"ట్రై చేస్తున్నా అత్తయ్యా. తప్పకుండా ఒక మంచి జాబ్ తెచ్చుకుంటాను." అని అన్నాడు సాగర్.

"అదేదో త్వరగా తెచ్చుకో. లేదంటే నీ జాబ్ పోస్టింగ్ కన్నా ముందు, నా కూతురి husband పోస్ట్ నుండి తప్పుకోవాల్సి వస్తుంది." అని సీరియస్ గా చెప్పి తన గదిలోకి వెళ్ళింది శైలజ.

ఆమె వెళ్ళగానే, తుఫాను వెలిసిపోయిన ఫీలింగ్ రావడంతో, సాగర్ ఒక్కసారి గట్టిగా ఊపిరి పీల్చుకుని వదిలాడు.

+++++

పనులన్నీ పూర్తి చేసుకుని గదిలోకి వచ్చేసరికి సాగర్ మొబైల్ రింగ్ అవుతోంది. స్క్రీన్ వైపు చూసిన అతను, అది తన తాతయ్య శరత్ చంద్ర దగ్గర్నుండి వస్తున్న కాల్ అని చూసి, ఆశ్చర్యపోయాడు.

'మూడేళ్ల నుండి ఎలా ఉన్నావ్? ఏమైపోయావని కనీసం ఒక్క కాల్ కూడా చెయ్యలేదు. కానీ ఈరోజు కాల్ చేస్తున్నాడంటే, షేర్స్ వాల్యూ పెరిగిన విషయం తెలిసిపోయి ఉంటుందా ?' అని అనుకున్నాడు.

ఆ విషయం తలచుకోగానే అతనికి నవ్వొచ్చింది. కాల్ లిఫ్ట్ చెయ్యకుండా ఫోన్ పక్కన పడేసాడు.

రెండు నిమిషాల్లోనే మళ్ళీ మొబైల్ రింగ్ అవడం మొదలు పెట్టింది. ఈసారి అతని బాబాయ్ వైభవ్ కాల్ చేస్తున్నాడు. అది చూసిన సాగర్, 'డబ్బొచ్చిందని తెలియగానే వీళ్ళందరూ నన్ను బాగా మిస్ అవుతున్నట్లున్నారు.' అని అనుకుని, 'అసలు ఇంతకీ నాకెంత డబ్బు వచ్చిందో నేను అడగడం మర్చిపోయాను. ముందు ఒకసారి అకౌంట్ లో బ్యాలన్స్ చెక్ చేద్దాం.' అనుకుంటూ లేచి వెళ్ళి తన కబోర్డ్ లో ఉన్న పాత వాలెట్ ను వెదికి అందులో నుండి బ్లాక్ కార్డ్ ను బయటికి తీసాడు.

'మూడేళ్లుగా ముట్టుకోవడానికి కూడా పనికిరాని ఈ కార్డ్ ఇప్పుడు నా తలరాతను చెప్పబోతుంది.' అనుకుంటూ దానిపై ఉన్న కస్టమర్ సర్వీస్ నంబర్ కు కాల్ చేసాడు.

"బ్లాక్ కార్డ్ వీఐపీ కస్టమర్ కేర్ కి కాల్ చేసినందుకు ధన్యవాదములు. నేను మీకు ఏ విధంగా సహాయపడగలను?" అంటూ అందమైన వాయిస్ వినిపించింది.

"హాయ్, నా పేరు సాగర్ అగ్నిహోత్రి. నా అకౌంట్ లో బ్యాలన్స్ ఎంతుందో తెలుసుకోవాలనుకుంటున్నాను." డైరెక్ట్ గా పాయింట్ కి వస్తూ అడిగాడు సాగర్.

"Sure sir, మీ అకౌంట్ డీటైల్స్ చెప్తారా?" అని Requesting గా అడిగింది ఆ అమ్మాయి.

ఒక్క నిమిషంలోనే డీటెయిల్స్ ఇచ్చిన సాగర్, ఆమె చెప్పే సమాధానం కోసం చెవులు రిక్కించి ఎదురు చూస్తున్నాడు.

రెండు నిమిషాల తర్వాత, "హలో మిస్టర్ సాగర్ అగ్నిహోత్రి. Sorry for delay. If u don't mind మీరు డైరెక్ట్ గా బ్యాంక్ కి వచ్చి మీ డీటైల్స్ తెలుసుకుంటారా? మీ అమౌంట్ system లో ఉన్న digits లో చూపించడం లేదు." అని చెప్పింది.

"What? మీరేమంటున్నారు?" ఆశ్చర్యంగా అడిగాడు సాగర్.

"Sorry for inconvenience మిస్టర్ సాగర్. ఒక్కోసారి అకౌంట్ బ్యాలన్స్ ఎక్కువగా ఉండటం వల్ల కూడా ఇలా జరగొచ్చు. May be you are the richest person." అని అంది.

ఆ మాట వినగానే సాగర్ పట్టరాని సంతోషంతో, "okay. Thankyou" అని కాల్ కట్ చేసి, "యాహూ...కంప్యూటర్ digits కి కూడా అందని అమౌంట్ అంటే ఇక మనకి తిరుగులేదు. ఈరోజు నుండి I am the king" అని అనుకున్నాడు.

ఇంతలో, "సాగర్, ఎక్కడున్నావ్. అఖిల వచ్చే టైం అయింది. వచ్చి కాఫీ పెట్టు" అంటూ వినిపించింది శైలజ గొంతు.

ఆ గొంతు వినగానే అతను నవ్వుకుంటూ, 'ఒకవేళ నేను నిజంగా కింగ్ అయినా కూడా ఈ అత్తయ్య మాత్రం, నెక్స్ట్ మినిట్ లోనే "కింగ్ గారు, ఒక కప్పు కాఫీ తీసుకురండి" అంటుదేమో.' అనుకుంటూ, కిచెన్ లోకి వెళ్ళాడు.

*******

సాయంత్రం అయిదు గంటలవుతుండగా ఆఫీస్ నుండి ఇంటికొచ్చిన అఖిల, అలసటగా సోఫాలో వాలిపోయింది. 

ఆమె అడుగుల శబ్దంతోనే అఖిల ఇంటికి వచ్చిందని గుర్తుపట్టిన సాగర్, వేడి వేడిగా ఉన్న కాఫీ కప్ తీసుకుని వెళ్లి ఆమె ముందు పెడుతూ, "గుడ్ ఈవెనింగ్ అఖిల" అని అన్నాడు. 

"గుడ్ ఈవెనింగ్ సాగర్" అని చిన్నగా నవ్వుతూ కాఫీ తీసుకున్న ఆమె, ఒక్కసారి ఆ అరోమాను గుండెల నిండా పీల్చి, కాఫీ సిప్ చేసింది."How was the day." అని ఆమె పక్కనే కూర్చుంటూ అడిగాడు సాగర్.

"హ్మ్మ్... not bad" ముభావంగా చెప్పింది అఖిల.

"ఆఫీస్ లో ఏదైనా ప్రాబ్లెమా?" అనుమానంగా అడిగాడు సాగర్.

ఆమె ఏదో చెప్పబోతుండగానే, "ఏదైనా ప్రాబ్లెమ్ ఉంటే మాత్రం, నువ్వు తీర్చేస్తావా ఏంటి? అలా అయితే ఆమెకు ఉన్న అసలైన ప్రాబ్లెమ్ నువ్వే" అంటూనే అక్కడికి వచ్చి వాళ్ళ ఎదురుగా కూర్చుంది రజిత.

ఆమె అఖిల బెస్ట్ ఫ్రెండ్. చిన్నప్పటి నుండి వారిద్దరూ కలిసి పెరగడం వలన ఆ ఇంట్లో ఆమెకు స్వతంత్రం ఎక్కువ. అందుకే ఏ మాటైనా ఇట్టే అనేస్తుంది.

"ఏయ్ రజిత...నువ్ నోర్ముసుకోవే" వెంటనే ఆమెను అడ్డుకున్న అఖిల, "సాగర్... నువ్వు వెళ్ళి ఇంకో కాఫీ తెస్తావా." అని అడిగింది.

"హ్మ్మ్..." అంటూ అక్కడి నుండి లేచిన సాగర్, రజిత వైపు సీరియస్ గా చూసి, "అప్పుడే తయారయ్యింది. కాసేపు కూడా అఖిలతో ప్రశాంతంగా కూర్చోనివ్వదు." అని మనసులోనే చిరాకుపడుతూ వెళ్ళాడు.

అయిదు నిమిషాల్లోనే కాఫీ తీసుకుని వస్తున్న సాగర్ కు, లివింగ్ రూమ్ లో రజిత మాట్లాడుతున్న మాటలు చెవిన పడటంతో అక్కడే ఆగిపోయాడు.

"ఏయ్ అఖిల. నువ్వెందుకు ఇంకా అతన్ని భరిస్తున్నావ్. నువ్వు ఎంత వెయిట్ చేసినా అతను మారడు. ఇలా ఇంట్లో కూర్చుని కాఫీలు పెట్టడం, గిన్నెలు కడగటానికి అలవాటు పడిపోయాడు. నా మాట విని అతనికి డివోర్స్ ఇచ్చి, నీ లైఫ్ నువ్వు చూసుకో." అని అంది రజిత.

ఆ మాటలు విన్న సాగర్, చేతిలో ఉన్న కాఫీ కప్ ను గట్టిగా పట్టుకుంటూ అఖిల సమాధానం కోసం ఏదురు చూసాడు.

రెండు నిమిషాల పాటు మౌనంగా ఉన్న అఖిల, ఆ తర్వాత నిట్టూరుస్తూ, "రెండేళ్ల క్రితం నాకు తెలిసిన సాగర్ ఇలా ఉండేవాడు కాదు రజిత. చాలా కాన్ఫిడెంట్ గా, లైఫ్ పట్ల focused గా ఉండేవాడు. అందుకే డాడీ అతన్ని పెళ్లి చేసుకోమనగానే వెంటనే ఓకే చెప్పాను. కానీ అతను సడన్ గా ఇలా ఎందుకు మారిపోయాడో అర్దం కావడం లేదు." అని అంది.

"అప్పుడెలా ఉన్నాడు. ఇప్పుడెలా ఉన్నాడు అని లెక్కలు వేసుకుంటూ నీ లైఫ్ waste చేసుకోకు. Be practical. అతని వల్ల నీకు కొంచెం కూడా use లేదు. ఇంకా ఎందుకు ఆలోచిస్తున్నావ్." విసుగ్గా అడిగింది రజిత.

"ఎందుకంటే నేను కూడా answer చెప్పలేను రజిత. రెండేళ్ల మా relationship లో అతను నన్నెప్పుడూ బాధ పెట్టలేదు. అలా అని భర్తగా secured feeling కూడా కలిగించలేదు. కానీ అతను మంచివాడు రజిత. కొంచెం టైం ఇస్తే మళ్ళీ నార్మల్ అవుతాడని అనిపిస్తుంది. పైగా అతనికి నేనంటే చాలా ప్రేమ." అంది అఖిల.

"మరి నీకు అతనంటే ప్రేముందా?" వెంటనే అడిగింది రజిత.

ఆ ప్రశ్నకు సమాధానం చెప్పలేనట్లు నిస్సహాయంగా చూసింది అఖిల.

అప్పుడు రజిత నవ్వి,"పిచ్చి అఖిల. ఒకరి మీద జాలితో చేయడానికి ఇది దానం కాదు. నీ లైఫ్. భార్యభర్తల బంధంలో లవ్ ఒక్కటే important అనే మాట కథల్లో చెప్పుకోవడానికే బాగుంటుంది. లైఫ్ లో వర్క్ అవుట్ అవ్వదు. అది నీ విషయంలో క్లియర్ గా ప్రూవ్ అయ్యింది. ఇప్పటికైనా దైర్యంగా ఒక డెసిషన్ తీసుకో."అని అంది.

"హ్మ్మ్... చూద్దాంలే... ఇక ఈ టాపిక్ వదిలెయ్." అంది అఖిల.

"సరే నీ ఇష్టం. ఇంతకీ ఆఫీస్ లో కొత్త ప్రాజెక్ట్ ఏదో టేకోవర్ చేసానన్నావ్. ప్రోగ్రెస్ ఎలా ఉంది?" అని అడిగింది రజిత.

ఆ ప్రశ్న వినగానే అఖిల నీరసపడిపోతూ,"ఇప్పుడు అదే పెద్ద ప్రాబ్లెమ్ నాకు. వాళ్ళ కాంట్రాక్ట్ కి రెడీ చేసిన డేటాలో ఎర్రర్ వచ్చింది. అది గమనించకుండానే మన కంపెనీ ప్రొడక్ట్స్ టీమ్, ప్రొడక్ట్స్ రెడీ చేసి వాళ్ళకి పంపించారు. వాళ్ళ requirement కి,మన ప్రొడక్ట్స్ రీచ్ అవ్వకపోవడంతో వాళ్ళు ఇప్పుడు compensation గా, 40 crores అడుగుతున్నారు. అది కట్టకపోతే కంపెనీ పరిస్థితి కొంచెం కష్టమే. మన దగ్గర ఇప్పుడు అంత ఫండ్స్ కూడా లేవు. One week లో అంత డబ్బు ఎలా కట్టాలో తెలియడం లేదు. ఎందుకో కొంచెం భయంగా ఉంది రజిత" అంది.

ఆమె గొంతులో వినిపించిన భయం సాగర్ ను అక్కడ నిలబడనివ్వలేదు. వెంటనే లోపలికి వెళ్లిన సాగర్, తన చేతిలోని కప్ ను రజితకు ఇచ్చి, వెళ్లి అఖిల పక్కనే కూర్చుని, "అఖిల, లోపలికి వస్తూ అనుకోకుండా నీ మాటలు విన్నాను. ఆఫీస్ లో ఏదో ప్రాబ్లెమ్ అంటున్నావ్. ఆ డబ్బు నేనిస్తాను. నువ్వు టెన్షన్ పడకు" అని అన్నాడు.

ఆ మాట వినగానే రజిత ఒక్కసారిగా పెద్దగా నవ్వుతూ, "బాబూ బాద్ షా. నువ్వు హెల్ప్ చెయ్యడానికి అది నలభై రూపాయలు కాదు. నలభై కోట్లు. కనీసం నీ లైఫ్ లో ఒక కోటి రూపాయలైనా కళ్ళారా చూసావా?" అని వెటకారంగా అడిగింది.

"రజిత ప్లీజ్...నువ్వాగు" అని ఆమెను ఆపిన అఖిల, సాగర్ వైపు చూసి, "థాంక్స్ సాగర్, కానీ ఇది నీ వల్ల కాదులే. నా trails ఏవో నేను చేస్తాను." అని చెప్పి అక్కడ నుండి లేచి వెళ్ళిపోయింది. 

"పాపం హీరో... హెల్ప్ చెయ్యడానికి వచ్చాడు" అని ఈసడించుకుంటూ రజిత కూడా వెళ్ళిపోయింది.

********

'అఖిలకు ఎలాగైనా హెల్ప్ చెయ్యాలి. రేపు ఉదయాన్నే బ్యాంక్ కి వెళ్లి అకౌంట్ లో ఎంత అమౌంట్ ఉందో తెలుసుకోవాలి.' అనుకుంటూ బెడ్ పై పడుకున్నాడు సాగర్. 

ఇంతలో అతని మొబైల్ రింగయ్యింది. మళ్ళీ అతని బాబాయి దగ్గర్నుండి కాల్ వస్తూ ఉండటంతో, "ఉదయం నుండి ఇది వందో సారి. వీళ్ళకి ఇంత సడన్ గా నాపై ఇంత ప్రేమ ఎందుకో. లిఫ్ట్ చెయ్యకపోతే ఈ రాత్రి నిద్ర కూడా పోనిచ్చేలా లేరు." అనుకుంటూనే చిరాగ్గా కాల్ లిఫ్ట్ చేసి "హలో" అని అన్నాడు.

"సాగర్...ఎలా ఉన్నావ్?"అటువైపు నుండి ఆప్యాయంగా అడిగాడు వైభవ్.

"ఎందుకు ఫోన్ చేశారు?" అతని ప్రశ్నకు సమాధానం చెప్పకుండా అడిగాడు సాగర్

"నీకింకా కోపం తగ్గినట్లు లేదు" అని మామూలుగా మాట్లాడటానికి ప్రయత్నించాడు వైభవ్.

"విషయమెంటో చెప్తారా? ఫోన్ పెట్టేయమంటారా?" విసుగ్గా అన్నాడు సాగర్.

"వద్దు. చెప్తాను. రేపు ఒకసారి నువ్వు మనింటికి వస్తావా? నీతో మాట్లాడాలి." అని అడిగాడు వైభవ్.

ఆ మాట వినగానే సాగర్ కి మూడేళ్ల క్రితం జరిగిన సంఘటన గుర్తొచ్చింది. 

"నువ్వు ఈ ఇంట్లో ఉండటానికి వీల్లేదు. ఇక నీకు అగ్నిహోత్రి ఫ్యామిలీకి ఎలాంటి సంబంధం లేదు. గెటౌట్" అంటూ తన తాతయ్య శరత్ చంద్ర అరిచిన అరుపులు అతని చెవుల్లో ఇంకా వినబడుతున్నాయి.

దాంతో సాగర్ విరక్తిగా నవ్వి, "మనిల్లా? అదెక్కడుంది?" అని అన్నాడు.

"రేయ్ సాగర్. అలా మాట్లాడకు. రేపు ఒక్కసారి నన్ను కలువు. నీకు చాలా విషయాలు చెప్పాలి. నువ్వు ఇక్కడ లేని మూడేళ్ళలో ఏవేవో జరిగిపోయాయి. ఇప్పుడు ఈ ఇంటికి నువ్వు చాలా అవసరం." అని అన్నాడు.

ఆ మాట వినగానే సాగర్ నుదురు అనుమానంతో ముడుచుకుంది. The great అగ్నిహోత్రి ఫ్యామిలీ వారసుడైన వైభవ్ నోటి నుండి అలాంటి మాటలు అతను ఊహించలేదు.

అందుకే కొంచెం మెత్తబడుతూ, "సరే. నేను రేపు కలుస్తాను" అని అన్నాడు సాగర్.

"థాంక్స్ రా. థాంక్యూ సో మచ్. అయితే రేపు నేనే కాల్ చేస్తాను" అన్నాడు వైభవ్.

"సరే" అంటూ ఫోన్ పెట్టేసిన సాగర్ మనసు గతంలోకి జారిపోయింది.

*******

అత్తగారింట్లో అవమానాలు పడుతున్న సాగర్ గతం ఎలాంటిది?

తన భార్యకు హెల్ప్ చేసి ఆమె ప్రేమను పొందాలనుకుంటున్న సాగర్ కోరిక నెరవేరుతుందా?

ప్రేమ ఉందో, లేదో తెలియని బంధాన్ని అఖిల నిలుపుకుంటుందా?

 

ఈ ప్రశ్నలకు సమాధానాలు తెలుసుకోవాలంటే నెక్స్ట్ ఎపిసోడ్ వినాల్సిందే.. 

Chapter 2

వైభవ్ దగ్గర్నుండి కాల్ రావడంతో మూడేళ్ల క్రితం జరిగిన సంఘటనలను గుర్తు చేసుకున్నాడు సాగర్.

ఆరోజు...

"సాగర్...సాగర్...." అని అరుస్తూ,ఆవేశంగా ఇంటికి వచ్చిన శరత్ చంద్ర, తన చేతిలో ఉన్న పేపర్స్ ను హాల్లో కూర్చుని ఉన్న సాగర్ ముఖాన విసిరి కొట్టాడు.

"ఏమైంది తాతయ్య. ఎందుకంత కోపంగా ఉన్నారు" చెల్లా చెదురుగా పడిన పేపర్స్ ను అయోమయంగా చేతిలోకి తీసుకుంటూ అడిగాడు సాగర్.

"నేను వద్దని చెప్పినా కూడా, వసుధ గ్రూప్ లో షేర్స్ ఎందుకు కొన్నావ్?" కోపంగా అడిగాడు శరత్ చంద్ర.

అప్పటికే అతని అరుపులకు సాగర్ బాబాయిలు గౌరీశంకర్, వైభవ్ కూడా బయటికి వచ్చారు.

"అది growing కంపెనీ తాతయ్య. డెఫినెట్ గా షేర్స్ పెరుగుతాయి.." అని చెప్పాడు సాగర్.

"అవునా...అయితే విను...నువ్వు ఇన్వెస్ట్ చేసిన ఆ growing కంపెనీ ఇప్పుడు దివాళా తీసే స్టేజ్ కి పడిపోయింది. ఆ కంపెనీ షేర్స్ కి, చిత్తు కాగితానికి తేడా లేదు. దాని వల్ల మన కంపెనీ ఫండ్స్ లెవెల్ ప్రమాదంలో పడింది. దీనికంతటికీ కారణం నువ్వు కొన్న ఆ షేర్స్." అని అన్నాడు శరత్ చంద్ర.

ఆ మాటకు సాగర్ తో పాటు అతని బాబాయిలు కూడా షాకయ్యారు. 

అప్పుడు శరత్ చంద్ర మళ్ళీ మాట్లాడుతూ, "నేను వద్దని చెప్పినా ఆ షేర్స్ కొని తప్పు చేశావ్. కాబట్టి దాని నష్టాన్ని కూడా నువ్వే భరించాలి" అని అన్నాడు.

సాగర్ ఆ మాటకు అర్థం కానట్లుగా చూసి, "అంటే.. ఏం చెయ్యాలి తాతయ్య?" అని అడిగాడు.

"ఆస్తిలో నీ వాటాను నువ్వు వదులుకోవాలి. ఇక నుండి నీకు ఈ అగ్నిహోత్రి ఫ్యామిలీకి ఎలాంటి సంబంధం ఉండకూడదు. నీకు మిగిలే అస్తి కేవలం నువ్వు కొన్న షేర్స్ మాత్రమే" అని గంభీరంగా ఎటో చూస్తూ చెప్పాడు శరత్ చంద్ర.

అతనిలో సాగర్ వల్ల డబ్బు నష్టపోయామనే బాధ కన్నా, అతను తన మాట లెక్కచేయకుండా, సొంత నిర్ణయం తీసుకున్నాడనే కోపం ఎక్కువగా కనిపించింది.

తండ్రి మాట వినగానే, వైభవ్, గౌరీశంకర్ ఇద్దరూ షాకయ్యారు.

వెంటనే వైభవ్ రిక్వెస్టింగ్ గా , "నాన్నా... ఒక్కసారి ఆలోచించండి. అన్నయ్యా, వదిన అబ్రాడ్ లో ఉన్నారు. ఇలాంటి టైమ్ లో ఈ నిర్ణయం తీసుకోవడం...." అంటూ సంకోచంగా ఆగిపోయాడు.

"వాళ్ళు ఇక్కడ ఉన్నా సరే. ఇదే నా ఫైనల్ డెసిషన్. నా నిర్ణయం నచ్చని వాళ్ళు ఎవరైనా సరే, వాళ్ళు కూడా వాడితో పాటే వెళ్ళిపోవచ్చు" అని చెప్పి, ఒకసారి సాగర్ వైపు చూసి, 

"నువ్వు తీసుకున్న సొంత నిర్ణయాలు ఎప్పుడూ ఇలాగే ఉంటాయి. కాబట్టి లైఫ్ లో మళ్ళీ own డెసిషన్ తీసుకునే దైర్యం చెయ్యకు." అని చెప్పి, సాగర్ కి మాట్లాడే అవకాశం కూడా ఇవ్వకుండా అక్కడి నుండి వెళ్ళిపోయాడు.

ఆ తర్వాత సాగర్ ఆ ఇంటి నుండి అడుగులు బయట పెట్టాడు. కానీ ఆ సంఘటన సాగర్ లో కాన్ఫిడెన్స్ ను దెబ్బతీసింది. తన నిర్ణయాలు ఎప్పుడూ తప్పుగానే ఉంటాయనే భయాన్ని కలుగ చేసింది. అందుకే ఆ రోజు నుండి సాగర్ మళ్ళీ ఇంత వరకూ ఏ పనీ చెయ్యలేక, భయంతో ఇంట్లోనే ఉండిపోయాడు.

కానీ ఆరోజు తీసుకున్న నిర్ణయం, మూడేళ్ల తర్వాత అతనిలో మళ్ళీ పోయిన నమ్మకాన్ని, దైర్యాన్ని తిరిగి తెచ్చేలా చేసింది.

జరిగిన సంఘటనలు గుర్తు చేసుకున్న సాగర్ మెల్లగా నిద్రలోకి జారుకున్నాడు.

******

తర్వాత రోజు ఉదయాన్నే....

ఆఫీస్ కి రెడీ అయిన అఖిల బ్రేక్ఫాస్ట్ చేస్తోంది

"బేబీ... నేను ఈరోజు ఫ్రెండ్స్ తో బయటికి వెళ్ళాలి. నీ కార్ తీసుకెళ్తాను. నువ్వు క్యాబ్ లో వెళ్ళిపో" అని కిందకి వచ్చిన శైలజ డైనింగ్ టేబుల్ దగ్గర కూర్చుంటూ అఖిలతో చెప్పింది.

"ఓకే మమ్మీ" అని చెప్పింది అఖిల.

ఆ తర్వాత అయిదు నిమిషాల్లోనే శైలజ బయటికి వెళ్ళిపోయింది. 

"సాగర్....నేను కూడా ఆఫీస్ కి వెళ్తున్నా. బై" అని చెప్పిన అఖిల అనుకోకుండా తల పైకెత్తి చూసి, ఆశ్చర్యంగా అలాగే నిలబడిపోయింది.

రోజూ టీ షర్ట్, normal bottom లో ఉండే సాగర్, ఆరోజు ఫార్మల్ white shirt, black ప్యాంట్ లో, సెట్ చేసినట్లున్న హెయిర్ స్టైల్ తో మ్యాన్లీగా రెడీ అయ్యి, స్టైలిష్ గా కిందకు దిగి వచ్చి అఖిల ఎదురుగా నిలబడి "ఎలా ఉన్నాను?" అని అడిగాడు.

అతని ప్రశ్నకు తేరుకున్న అఖిల, "బాగున్నావ్. కానీ ఎక్కడికి రెడీ అయ్యావ్?" అని అడిగింది

"ఈరోజు నేను నిన్ను డ్రాప్ చేస్తాను." అని చేతిలో తన ఓల్డ్ మోడల్ బజాజ్ చేతక్ బండి కీ ని, చూపిస్తూ చెప్పాడు సాగర్.

"నన్ను డ్రాప్ చెయ్యడానికి ఇంతలా రెడీ అయ్యి వచ్చావా?" చిన్నగా నవ్వుతూనే అడిగింది అఖిల.

"మరి ఏమనుకున్నావ్. నీతో నా ఫేవరెట్ బండి మీద కలిసి వెళ్లాలనుకోవడం నా డ్రీమ్. కానీ నువ్వేమో రోజూ కార్ లో వెళ్తావ్. ఈరోజు అత్తయ్య పుణ్యమా అని నీ కార్ వెళ్ళిపోయింది. అందుకే ఈ అవకాశాన్ని నేను మిస్ చేసుకోకూడదని వెంటనే వెళ్ళి రెడీ అయ్యి వచ్చాను." నవ్వుతూ చెప్పాడు సాగర్.

"ఈ చిన్న డ్రైవ్ కే చిన్న పిల్లాడిలా ఆనందపడిపోతున్నావా?" బయటికి నడుస్తూ అంది అఖిల.

"ఇష్టమైన వాళ్లతో కలిసి వెళ్ళామా, లేదా అనేది ముఖ్యం. డ్రైవ్ చిన్నదా, పెద్దదా అనేది కాదు." అంటూనే వెళ్లి తన బండిని తీశాడు సాగర్.

ఆ మాటకు అఖిల ముఖంలో నవ్వు ఒక్కసారిగా మాయమయ్యింది. అయినా ఏం మాట్లాడకుండా వెళ్లి సాగర్ వెనుకే బండిపై కూర్చుంది.

"అఖిల..మన పెళ్ళైన తర్వాత ఇదే మొదటిసారి. మనిద్దరం ఇలా కలిసి వెళ్లడం." డ్రైవ్ చేస్తూనే సంతోషంగా చెప్పాడు సాగర్.

"హ్మ్మ్" ముభావంగా అంది అఖిల.

"నువ్వు హ్యాపీగా లేవా?" తన ముందున్న అద్దంలో నుండి వెనుక ఉన్న అఖిల ముఖంలో ఎక్స్ప్రెషన్ గమనిస్తూ అడిగాడు సాగర్.

"సాగర్, అనవసరమైన మాటలాపి కొంచెం ఫాస్ట్ గా డ్రైవ్ చెయ్. కొంచెం అర్జెంట్ మీటింగ్ ఉంది." అని చేతికున్న వాచ్ ను చూసుకుంటూ సీరియస్ గా చెప్పింది అఖిల.

దాంతో సాగర్ మాట్లాడాలనుకున్న మాటలన్నీ అతని గొంతులోనే ఆగిపోయాయి.

*******

"సాగర్ వస్తానన్నాడా?" బెడ్ పై వెనక్కి సర్దుకుని కూర్చుంటూ నీరసంగా అడిగాడు శరత్ చంద్ర.

"ఇక్కడికి వస్తాడో, రాడో తెలియదు. కలుస్తానని మాత్రం చెప్పాడు." బెడ్ పక్కనే ఉన్న క్యాబినెట్ డ్రా లో నుండి టాబ్లెట్ తీసి శరత్ చంద్రకు ఇస్తూ చెప్పాడు వైభవ్.

"వాడికి నాలాగే పంతం ఎక్కువ. ఈ ఇంటి ముఖం మళ్ళీ చూడడు." శూన్యంలోకి చూస్తూ అన్నాడు శరత్ చంద్ర.

"మీరు బాధపడకండి నాన్నా. వాడిని కలిసి ఎలాగైనా ఇక్కడికి తీసుకురావడానికి ట్రై చేస్తాను." అని చెబుతూ వాటర్ గ్లాస్ శరత్ చంద్ర చేతికి ఇచ్చాడు వైభవ్.

"వాడు రాడని నాకు తెలుసు. కనీసం మనకు సహాయం చెయ్యడానికైనా ఒప్పుకుంటాడో, లేదో. ఇప్పుడు వాడు తప్ప మనకు మరో మార్గం లేదు." వైభవ్ చేతిని పట్టుకొని భయంగా చూస్తూ అన్నాడు శరత్ చంద్ర.

"వాడిని ఎలా ఒప్పించాలో నేను ఆలోచించాను నాన్న. తప్పకుండా అన్నీ అనుకున్నట్లుగానే జరుగుతాయి. నువ్వు ఎక్కువగా ఆలోచించకుండా టాబ్లెట్ వేసుకుని రెస్ట్ తీసుకో" అన్నాడు వైభవ్.

మనసులో ఆలోచనలతోనే టాబ్లెట్ వేసుకున్నాడు శరత్ చంద్ర.

********

అఖిల సొల్యూషన్స్ అని రాసి ఉన్న ఆఫీస్ ముందు బండిని ఆపాడు సాగర్.

వెంటనే బండి దిగిన అఖిల, "ఇక నువ్వు ఇంటికెళ్లు" అని చెప్పి వెనక్కి తిరిగింది.

"ఒక్క నిమిషం అఖిల"అన్నాడు సాగర్.

వెనక్కు తిరిగి ఏంటన్నట్లు చూసింది అఖిల.

"మనసులో నువ్వు ఎలాంటి టెన్షన్స్ పెట్టుకోవద్దు. అన్నీ నువ్వు కోరుకున్నట్లే జరుగుతాయి. నీ ఆఫీస్ ప్రాబ్లెమ్ కూడా సాల్వ్ అయిపోతుంది. హ్యాపీగా ఉండు." అని అన్నాడు సాగర్.

అతని మాటలకు అఖిల కొంచెం వింతగా చూసి, "ఈరోజు నీకేమైంది. విచిత్రంగా బిహేవ్ చేస్తున్నావ్?" అని అడిగింది.

ఆ మాటకు సాగర్ ఏదో చెప్పబోతుండగా ఇంతలో అక్కడకు వచ్చి ఆగింది బ్లాక్ కలర్ లగ్జరీ కార్. 

అందులో నుండి బయటకు దిగాడు మల్హోత్రా కంపెనీ చైర్మన్ రాణా మల్హోత్రా. ఆరడుగుల ఎత్తు, చూడటానికి తెల్లగా కళ్ళకు గాగుల్స్ తో ఉన్న అతన్ని చూడగానే, గుర్తు పట్టిన అఖిల, "గుడ్ మార్నింగ్ రాణా" అని విష్ చేసింది.

"హేయ్ అఖిల...గుడ్ మార్నింగ్ బేబీ" అంటూనే వెళ్లి సైడ్ నుండి హగ్ చేసుకున్నాడు రాణా.

అది చూసిన సాగర్ కోపంగా, "వీడెవడో కాస్త తేడా గాడిలా ఉన్నాడే" అనుకుంటూ బండి స్టాండ్ వేసి కిందకి దిగాడు.

"రాణా, He is my husband మిస్టర్ సాగర్" 

"సాగర్, ఇతను రాణా మల్హోత్రా. మల్హోత్రా కంపెనీ చైర్మన్" మన కంపెనీలో invest చేయడానికి ఇంట్రెస్ట్ చూపించారు." అంటూ ఒకరికొకరికి పరిచయం చేసింది.

"హలో" అంటూ షేక్ హ్యాండ్ కోసం చేతిని ముందుకు చాచాడు సాగర్.

కానీ రాణా అతన్ని పట్టించుకోకుండా, "హేయ్... అఖిల నీకోసం ఒక గిఫ్ట్ తెచ్చాను. చూస్తే నువ్వు డెఫినెట్ గా surprise అవుతావ్." అంటూ తన పక్కనే ఉన్న అసిస్టెంట్ వైపు చూసాడు.

వెంటనే తన చేతిలోని బాక్స్ ను రాణాకి ఇచ్చాడు అతని అసిస్టెంట్ శేఖర్.

దాన్ని ఓపెన్ చేసి అఖిల ముందు పెడుతూ, "చూడు.. ఏం తీసుకొచ్చానో" అని అన్నాడు.

అందులో మిలమిలా మెరిసిపోతున్న డైమండ్ నెక్లెస్ కనిపించడంతో ఒక్క క్షణం పాటు ఆశ్చర్యంతో తన కళ్ళను తానే నమ్మలేక పోయింది అఖిల. అది తనకు ఎంతో ఇష్టమైన విక్టోరియా డైమండ్ నెక్లెస్.

సాగర్ కూడా ఆ నెక్లెస్ ను చూసాడు. చూడగానే అది ఫేక్ డైమండ్ నెక్లెస్ అని, గ్రహించిన సాగర్ ఆ విషయాన్ని వెంటనే అఖిలతో చెప్పాలనుకున్నాడు 

కానీ ఇంతలో "అఖిల.. గిఫ్ట్ నీకు నచ్చిందా?" నవ్వుతూ అడిగాడు రాణా.

"గిఫ్ట్ చాలా బాగుంది మిస్టర్ రాణా. థాంక్యూ " అంటూ బాక్స్ క్లోజ్ చేసి, "బట్ ఇది ఒరిజినల్ విక్టోరియా డైమండ్ నెక్లెస్ కాదు. ఫేక్. నాకు ఫేక్ ఇష్టం ఉండదు. నా ఛాయిస్ ఎప్పుడూ ప్యూర్ అండ్ ఒరిజినల్ వాటి పైనే ఉంటుంది. అది వస్తువులైనా, మనుషులైనా." అని చెప్పి ఆ బాక్స్ ను తిరిగి రాణా చేతికి ఇచ్చింది.

"ఫేక్ అని తీసి పారెయ్యకు అఖిల. విక్టోరియా డైమండ్ ఒరిజినల్ దొరకడం ఇంపాజిబుల్. దాని మోడల్ లో ఈ ఫేక్ చేయించడానికి కూడా రెండు కోట్లు ఖర్చయింది. తెలుసా?" అని తనను తాను సమర్ధించుకుంటూ అన్నాడు రాణా.

"ఎంత ఖర్చుపెడితే ఏం ప్రయోజనం మిస్టర్ రాణా. ఫేక్ ఎప్పుడూ ఒరిజినల్ అవ్వదు. Anyways thank you for your gift. ఇక మనం లోపలికి వెళ్లి మీటింగ్ స్టార్ట్ చేద్దాం. లేట్ అవుతుంది." అంటూనే, సాగర్ వైపు తిరిగి, "సాగర్... ఇక నువ్వు బయల్దేరు" అని చెప్పి లోపలికి నడిచింది.

ఆ క్షణం అఖిలను చూస్తే సాగర్ కి గర్వంగా అనిపించింది. ఇలాంటి రాణాలు ఎంతమంది వచ్చినా, ఎన్ని విక్టోరియా డైమండ్ నెక్లెస్ లు ఇచ్చినా ఆమెను కదిలించలేరని అనుకున్నాడు.

అంతలోనే అతని చూపు రాణాపై పడింది. వెంటనే అతని ఎదురుగా వెళ్లి, చిన్నగా నవ్వి,"పాపం. రెండు కోట్లు waste అయినట్లున్నాయి. ఇలాంటి ఆటలు ఇంకెవరి దగ్గరైనా ట్రై చెయ్. నా అఖిల దగ్గర కాదు." అని అన్నాడు.

కానీ రాణా కొంచెం కూడా భయపడకుండా, "నేను ఆట ఆడాలని డిసైడ్ అయితే, winner ను కూడా నేనే అని ఫిక్స్ అయిపోయినట్లే బ్రో. పాప రెండు కోట్లకు పడకపోతే ఏమయ్యింది? నలభై కోట్లకు పడి తీరాల్సిందే కదా?" అని నవ్వుతూ సాగర్ కళ్ళలోకి చూసి కళ్ళెగరేసాడు.

ఆ మాట వినగానే సాగర్ కోపంగా ముందుకు వెళ్ళి, రాణా కాలర్ పట్టుకుని, "రేయ్, ఆమె నా భార్య." అని అన్నాడు.

రాణా ఒక్క క్షణం సాగర్ చేతి వైపు కోపంగా చూసి, మళ్ళీ అంతలోనే చిన్నగా నవ్వి,"ఆమె నీ భార్య అని నువ్వనుకుంటున్నావు మిస్టర్ సాగర్. కానీ నువ్వు తన భర్త అని ఆమె అనుకోవాలి కదా?" అని అన్నాడు.

"నువ్వు చాలా ఎక్కువ మాట్లాడుతున్నావ్?" అని కళ్ళలో నిప్పులు కురిపిస్తూ చెప్పాడు సాగర్.

"లైట్ తీస్కో బ్రో... పైసా సంపాదించడం చేతకాని వాడికి ఇంత కోపం అస్సలు మంచిది కాదు." అంటూనే అతని చేతిని విడిపించుకుని, షర్ట్ ను సర్దుకుని లొపలికి నడిచాడు రాణా.

"చాలా ఓవర్ చేశావ్ రాణా మల్హోత్రా. ఇరవై నాలుగు గంటలు గడిచే సరికి నిన్ను నడి వీధిలోకి లాగకపోతే నా పేరు సాగర్ అగ్నిహోత్రి కాదు." అని కోపంగా పిడికిలి బిగిస్తూ నిర్ణయం తీసుకున్నాడు సాగర్.

"సార్, అదేంటి సార్, ఆ సాగర్, అఖిల గారి భర్త అని తెలిసి కూడా అంత దైర్యంగా మాట్లాడారు?" రాణా వెనుకే నడుస్తున్న అతని అసిస్టెంట్ శేఖర్ కంగారుగా అడిగాడు.

"వాడు కేవలం పేరుకే భర్త. ఆ ఇంట్లో ఉన్న కుక్కకి ఇచ్చే రెస్పెక్ట్ కూడా వాడికి ఇవ్వరు. మనం వాడి గురించి పట్టించుకోవాల్సిన అవసరం లేదులే. వదిలెయ్" అన్నాడు రాణా.

"అంటే... ఇప్పుడు అఖిల గారి కోసం నిజంగా నలభై కోట్లు ఇవ్వబోతున్నారా సర్." అనుమానంగా అడిగాడు శేఖర్.

"రేయ్... అఖిల బేబీ ఇంకా ఫ్రెష్... కాబట్టి మనం ఆమె కోసం ఎంత ఖర్చయినా పెట్టొచ్చు. ఒక్కసారి అది మన చేతుల్లో చిక్కితే, ఈ నలభై కోట్లుకి వడ్డీతో సహా వసూలు చెయ్యొచ్చు" అన్నాడు రాణా.

"అదెలా సార్?" ఆశ్చర్యంగా అడిగాడు శేఖర్.

"ఆ అఖిల ఎవరనుకున్నావ్. ముక్తాగ్రూప్ చైర్మన్ ముక్తాదేవి మనవరాలు." అని చెప్పాడు రాణా.

ఆ మాట విని షాక్ అయిన శేఖర్, "ముక్తాదేవి మనవరాలా? మరి నలభై కోట్ల కోసం మిమ్మల్ని ఎందుకు అప్రోచ్ అయ్యింది సర్. ముక్తా దేవి గారినే హెల్ప్ అడగొచ్చు కదా?" అని అనుమానంగా అడిగాడు.

"రేయ్ శేఖరూ, నీకు ఇన్ని అనుమానాలేంట్రా? అయినా నువ్వు నా అసిస్టెంట్ వా? నేను నీ అసిస్టెంట్ నా? ఇన్ని questions అడుగుతున్నావ్?" విసుగ్గా అన్నాడు రాణా.

"సారీ సర్, ఈ ఒక్క విషయం చెప్పండి సర్. లేదంటే టెన్షన్ పెరిగేలా ఉంది." Requesting గా అడిగాడు సాగర్.

"సింపుల్ శేఖరూ. మనల్ని తన కంపెనీలో invest చెయ్యమని అడిగితే అది అఖిల చేసే బిజినెస్ అవుతుంది. అదే ఆ ముక్తాదేవిని డబ్బడిగితే ఆమెను హెల్ప్ అడిగినట్లు అవుతుంది. రెండిటికీ తేడా ఉందిరా. అఖిల బిజినెస్ చెయ్యాలనుకుంటుంది. ఆమె దగ్గర హెల్ప్ తీసుకోవాలనుకోవడం లేదు. దాన్నే సెల్ఫ్ రెస్పెక్ట్ అంటారులే. దాని గురించి నీకు తెలియదు గానీ, ఇక నోర్మూసుకుని మీటింగ్ రూమ్ కి వెళ్దాం పద." అంటూ రూమ్ లోకి నడిచాడు రాణా.

*********

రాణాపై కోపంతో స్కూటర్ ను ఒక్క కిక్ తోనే స్టార్ట్ చేశాడు సాగర్. ఇంతలో అతని ఫోన్ రింగయ్యింది. వైభవ్ దగ్గర్నుండి కాల్ వస్తున్నట్లు చూసి, వెంటనే కాల్ లిఫ్ట్ చేసి "లొకేషన్ షేర్ చెయ్యండి. వస్తున్నాను" అని అన్నాడు.

"లొకేషన్ ఏంట్రా? డైరెక్ట్ గా ఇంటికి రా?" సాగర్ నో చెబుతాడని తెలిసి కూడా, మామూలుగా నటిస్తూ పిలిచాడు వైభవ్.

"ఆ ఇంటికి నాకు ఎలాంటి సంబంధం లేదు. నన్ను కలవాలనుకుంటే వేరే లొకేషన్ పంపించు. లేదంటే నేను వెనక్కి వెళ్ళిపోతాను." అని మొండిగా చెప్పాడు సాగర్.

"సరే, నువ్వు ఇరిటేట్ అవ్వకు. రెండు నిమిషాల్లో లొకేషన్ షేర్ చేస్తాను. వచ్చెయ్" అని చెప్పి ఫోన్ పెట్టేసిన వైభవ్ తన తండ్రి శరత్ చంద్ర గదిలోకి వెళ్ళాడు.

"వాడొచ్చాడా?" ఆశగా పైకి లేవబోతూ అడిగాడు శరత్ చంద్ర.

"లేదు. ఇంటికి రానన్నాడు. అందుకే బయటికి వెళ్లి కలుస్తాను." అన్నాడు వైభవ్.

"పద, నేను కూడా వస్తాను." హడావుడిగా బెడ్ దిగబోతూ చెప్పాడు శరత్ చంద్ర.

వైభవ్ వెంటనే అతన్ని ఆపుతూ, "నాన్నా ప్లీజ్, ఈ పరిస్థితుల్లో నువ్వు తిరగకూడదని డాక్టర్ చెప్పారు కదా? నువ్వేం అవసరం లేదు. నేను వెళ్లి మాట్లాడి పని పూర్తి చేసుకొస్తాను." అన్నాడు 

"వాడు ఒప్పుకోకపోతే?" అనుమానంగా అడిగాడు శరత్ చంద్ర.

"తప్పకుండా ఒప్పుకుంటాడు. వాణ్ణి ఒప్పించే నేను తిరిగొస్తానని నీకు మాటిస్తున్నాను. సరేనా?." అన్నాడు వైభవ్.

"హ్మ్మ్" అనుమానంగానే తలూపాడు శరత్ చంద్ర.

వెంటనే సాగర్ ను కలవడానికి బయల్దేరాడు వైభవ్.

*******

రాణాను 24 గంటల్లో రోడ్డు పైకి లాగాలనే శపథాన్ని సాగర్ నెరవేర్చుకుంటాడా? 

అఖిలను డబ్బు

తో లొంగదీసుకావాలనుకున్న రాణా కల తీరుతుందా?

సాగర్ ని కలిసిన వైభవ్ తాను అనుకున్న పనికి అతన్ని ఒప్పించగలడా? 

******

ఈ ప్రశ్నలకు సమాధానాలు తెలుసుకోవాలంటే నెక్స్ట్ ఎపిసోడ్ వినాల్సిందే.

Chapter 3

సాగర్ ను కలవడానికి వెళ్తున్నానని తన తండ్రితో చెప్పి, బయల్దేరిన వైభవ్, పది నిమిషాల్లో పక్కనే ఉన్న షాప్ లో అతని కోసం వెయిట్ చేస్తున్నాడు.

మరో ఐదు నిమిషాల్లోనే అక్కడికి చేరుకున్న సాగర్, నేరుగా వెళ్లి వైభవ్ ఎదురుగా ఉన్న చైర్ లో కూర్చుని "విషయం ఏంటో చెప్పు?" అని డైరెక్ట్ గా అడిగాడు.

"చెప్తాలే కానీ, ముందు నువ్వెలా ఉన్నావో అది చెప్పు" అని అడిగాడు వైభవ్.

"పరామర్శలు అవసరం లేదు. పాయింట్ కి రండి" సీరియస్ గా అన్నాడు సాగర్.

"చూస్తుంటే నీ కోపం ఇంకా పోయినట్లు లేదు. ఓకే. నీ టైం waste చెయ్యను. మాకు నీ నుండి ఒక హెల్ప్ కావాలి." సాగర్ నే సూటిగా చూస్తూ స్త్రైట్ గా అడిగాడు వైభవ్.

ఆ మాట వినగానే సాగర్ విరక్తిగా నవ్వి, "the great అగ్నిహోత్రి ఫ్యామిలీ కి నాలాంటి ఒక సామాన్యుడి హెల్ప్ కావాలా? వింతగా ఉందే?" అని వెటకారంగా అన్నాడు.

"రేయ్ సాగర్, నీ కోపం పక్కన పెట్టి నేను చెప్పేది ఒక్కసారి పూర్తిగా విను. ఆర్నెల్ల క్రితం వరకు మన కంపెనీ పరిస్థితి బాగానే ఉంది. కానీ ఒక్కసారిగా మనం ఇన్వెస్ట్ చేసిన షేర్స్ అన్నిటిలో భారీగా లాస్ అయ్యాం. వందల కోట్లలో నష్టం వచ్చింది. ఈ విషయం మన కంపెనీలో ఇన్వెస్ట్ చేసిన వాళ్ళకి తెలిసి, వెంటనే తమ డబ్బు తిరిగి ఇవ్వమని ఒత్తిడి చేస్తున్నారు.ఇదంతా తట్టుకోలేక తాతయ్య హెల్త్ దెబ్బతింది. ఆయన ఇరవైనాలుగ్గంటలు అదే ఆలోచిస్తూ భయంతో టెన్షన్ పడుతున్నారు. ఆయన చేతుల్లో ఎదిగిన కంపెనీ. ఇప్పుడు కళ్ళముందే కూలిపోతే ఆయన తట్టుకోలేరు. అందుకే ఇప్పుడు నువ్వు మన కంపెనీలో invest చేస్తే, పరిస్థితులన్నీ చక్కబడతాయి. ఏమంటావ్?" అని ఆశగా సాగర్ కళ్ళలోకి చూస్తూ అడిగాడు వైభవ్.

అతను చెప్పింది విన్న సాగర్ కి, వాళ్ళు తనను పిలిచింది తనపై ప్రేమతో కాదని, తన దగ్గరున్న డబ్బు కోసమని పూర్తిగా అర్థమైంది. 'అందుకే మానవ సంబంధాలన్నీ కేవలం ఆర్థిక సంబంధాలే అని కార్ల్ మార్క్స్ ఎప్పుడో చెప్పాడు.' అని నిరాశగా తనలో తానే అనుకుని, వైభవ్ వైపు చూసి, "ఎంత డబ్బు కావాలి" తన ముందున్న కాఫీని సిప్ చేస్తూ అడిగాడు సాగర్.

"800 కోట్లు" సింపుల్ గా చెప్పాడు వైభవ్.

ఆ మాట వినగానే, సాగర్ కి ఒక్కసారిగా పొలమారడంతో నోట్లో ఉన్న కాఫీనీ తుంపర్లుగా బయటకు ఉమ్మేసాడు. తర్వాత వెంటనే సర్దుకుని అటూ ఇటూ చూసి, ఎదురుగా ఉన్న టిష్యూ తీసుకుని తుడుచుకుంటూ, "ఏంటి బాబాయ్, జోక్ చేస్తున్నావా? అంత డబ్బు నాదగ్గర ఎక్కడుంది?" అని అడిగాడు.

"సాగర్... నీకు తాతయ్యపై ఎంత కోపం ఉన్నా, ఇలా డబ్బు లేదని చెప్పి తప్పించుకోకు. నువ్వు వసుధ గ్రూప్ లో ఇన్వెస్ట్ చేసిన షేర్స్ పెరిగి నీకు money వచ్చిందని మాకు తెలుసు. ఇప్పుడు నువ్వు హైద్రాబాద్ లోనే ద రిచెస్ట్ పర్సన్. నీకు 800 కోట్లు పెద్ద లెక్క కాదు." అని అన్నాడు వైభవ్.

ఆ మాటకు సాగర్ ఆశ్చర్యపోతూ, 'ఎనిమిది వందల కోట్లు లెక్క కాదా? అంటే నా అకౌంట్ లో ఇంత పెద్ద అమౌంట్ ఉందా? ముందు అర్జెంట్ గా బ్యాంక్ కి వెళ్లి డీటెయిల్స్ తెలుసుకోవాలి.' అని తనలో తానే అనుకున్నాడు సాగర్ 

"ఏంటి సాగర్ ఆలోచిస్తున్నావ్. ఇది మన ఫ్యామిలీ కంపెనీ అని మర్చిపోకు. దాన్ని నిలబెట్టుకోవాల్సిన బాధ్యత నీక్కూడా ఉంది." ఎమోషనల్ గా సాగర్ ను కన్విన్స్ చెయ్యడానికి చూసాడు వైభవ్.

అది విన్న సాగర్, ఈసారి అతని ముఖం మీదే నవ్వుతూ, "మన కంపెనీనా? మూడేళ్ల క్రితమే నాకు ఈ కంపెనీతో గానీ, ఈ ఇంటితో గానీ సంబంధం లేదని చెప్పేశారు కదా. మళ్ళీ ఇంత హఠాత్తుగా అది నా కంపెనీ ఎప్పుడయ్యింది? సారీ బాబాయ్. నేను ఈ పని చెయ్యలేను." అని చెప్పి అక్కడ నుండి లేచాడు సాగర్.

వైభవ్ వెంటనే, "సాగర్, నువ్వు ఊరికే ఈ హెల్ప్ చేయాల్సిన పని లేదు. దీనికి బదులుగా మీ పిన్ని పేరు మీద ఉన్న స్వప్మలోక్ ఎంటర్టైన్మెంట్ కంపెనీని నీ పేరు మీద రాస్తాను." అని అన్నాడు.

ఆ మాట వినగానే సాగర్ అక్కడే ఆగి, వైభవ్ వైపు నమ్మలేనట్లుగా చూసాడు. దానికి కారణం స్వప్నలోక్ గ్రూప్ ఇప్పుడు ఎంటర్టైన్మెంట్ ఇండస్ట్రీలో నంబర్ వన్ కంపెనీ. పెద్ద పెద్ద స్టార్స్ అందరూ ఆ కంపెనీకి సైన్ చేసి, ప్రమోట్ చేసుకుంటూ ఉంటారు. అలాంటి కంపెనీ ఇస్తాననడంతో సాగర్ కొంచెం ఆశ్చర్యపోయి, "దీనికి పిన్ని ఒప్పుకుంటుందా?" అని అడిగాడు.

"అవన్నీ నేను చూసుకుంటాను. నీకు డీల్ ఓకేనా?" అని అడిగాడు వైభవ్.

సాగర్ ఒక్క క్షణం ఆలోచించి, "ఇట్స్ ఎ గుడ్ డీల్ బాబాయ్. నో చెప్పడానికి మనసు రావడం లేదు. కానీ నాకు దీనితో పాటు ఇంకా కొన్ని కండిషన్స్ ఉన్నాయి." అని అన్నాడు .

"ఏం కండిషన్స్?" ముఖం చిట్లిస్తూ అడిగాడు వైభవ్.

"నంబర్ వన్, నాకు ఒరిజినల్ విక్టోరియా డైమండ్ నెక్లెస్ కావాలి. అది కూడా ఇంకో ఆరు గంటల్లో." అని అన్నాడు.

"ఏంటి? విక్టోరియా డైమండ్ నెక్లెస్ ఆ ? అది రేర్ పీస్ కదా. ప్రపంచం మొత్తంలో ఆ పీస్ లు అయిదే ఉన్నాయని విన్నాను. పైగా దాని వాల్యూ దాదాపు యాభై కోట్లు ఉంటుంది. అలాంటిది ఆరు గంటల్లో ఎలా తీసుకొస్తాను? అని అన్నాడు వైభవ్.

"అదంతా నాకు తెలియదు బాబాయ్. నాకు ఆ నెక్లెస్ కావాలి" అని క్లియర్ గా చెప్పాడు సాగర్.

దాంతో వైభవ్ అతని వైపు కొంచెం కోపంగా చూసి, "సరే, నీ రెండో కండిషన్ ఏంటి?" అని అడిగాడు.

"మల్హోత్రా గ్రూప్ రాత్రికి రాత్రే దివాళా తీయాలి. దాని చైర్మన్ రాణా మల్హోత్రా ఈ రోజు రాత్రికి నడిరోడ్డు పైకి రావాలి" అని చెప్పాడు సాగర్.

ఆ మాట వినగానే పక్కనే బాంబ్ పడ్డట్లుగా అదిరి పడ్డ వైభవ్ "ఏం మాట్లాడుతున్నావ్ సాగర్? మల్హోత్రా గ్రూప్ సిటీలో టాప్ కంపెనీ. దాని చైర్మన్ రాణా కూడా సామాన్యుడు కాదని విన్నాను." అని కంగారుగా చెప్పాడు వైభవ్.

"నువ్వేం చేస్తావో, ఎలా చేస్తావో నాకు తెలియదు బాబాయ్. రేపు తెల్లారేసరికల్లా ఈ రెండు పనులు పూర్తై పోవాలి. అప్పుడే నువ్వు అడిగిన ఇన్వెస్ట్మెంట్ చేస్తాను. అలాగే స్వప్నలోక్ రిజిస్ట్రేషన్ కూడా రేపే పూర్తవుతుంది." అని చెప్పి, ఇక అతనికి మాట్లాడే అవకాశం ఇవ్వకుండా బయటికి నడిచాడు సాగర్.

వైభవ్ నోట మాట రానట్లు సాగర్ వెళ్ళిన వైపే చూస్తూ నుంచున్నాడు.

వైభవ్ ఖచ్చితంగా తాను చెప్పిన పనులన్ని పూర్తి చేస్తాడని సాగర్ కి తెలుసు. ఎందుకంటే ఇప్పుడు అతనికి సాగర్ తప్ప మరో ఆప్షన్ లేదు. 

దాంతో అతను ఉత్సాహంగా కాఫీ షాప్ నుండి బయటకు వచ్చి, 'ముందు, అఖిల కంపెనీకి అవసరమైన నలభై కోట్లు ఆమె అకౌంట్ కి ట్రాన్స్ఫర్ చెయ్యాలి. అఖిల హ్యపీగా ఫీలవుతుంది.' అని అనుకుంటూ తన మొబైల్ బయటికి తీసాడు.

ఇంతలో మెసేజ్ టోన్ టింగ్ మంటూ మోగింది. అది అఖిల దగ్గర నుండి వచ్చిన మెసేజ్ కావడంతో సాగర్ వెంటనే దాన్ని ఓపెన్ చేసాడు. "ఈ రోజు ఈవెనింగ్ సురేఖ ఆంటీ ఇంట్లో ఫ్యామిలీ ఫంక్షన్ ఉంది. మనం తప్పకుండా వెళ్ళాలి. నీ అకౌంట్లో థర్టీ థౌజండ్ ట్రాన్స్ఫర్ చేస్తున్నా. మంచి సూట్ కొనుక్కుని టైం కి ఇంటికి వచ్చెయ్" అని ఉంది.

అది చూసి సాగర్ నవ్వుకుంటూ, "నేను నీకు నలభై కోట్లు transfer చెయ్యాలనుకుంటే నువ్వు నాకు థర్టీ థౌజండ్ ట్రాన్స్ఫర్ చేసావా డార్లింగ్." అనుకుని నవ్వుకున్నాడు.

********

అఖిల సొల్యూషన్స్ మీటింగ్ హాల్ లో....

సాగర్ కి అమౌంట్ transfer చేసిన అఖిల, తన మొబైల్ పక్కన పెట్టి, అప్పుడే లోపలికి వచ్చిన రాణాను మర్యాదగా ఇన్వైట్ చేస్తూ, "ప్లీజ్ టేక్ యువర్ సీట్ మిస్టర్ రాణా" అని అంది.

రాణా నవ్వుతూ వెళ్లి చైర్ లో కూర్చున్నాడు. 

వెంటనే అఖిల లేచి తాను చేస్తున్న ప్రాజెక్ట్ గురించి అతనికి ఎక్స్ప్లెయిన్ చేస్తూ, పవర్ పాయింట్ ప్రజెంటేషన్ ఇవ్వడం మొదలు పెట్టింది. 

ఫార్మల్ సూట్ లో ఉన్న అఖిల అందాలను వెనుక నుండే ఆస్వాదిస్తున్న రాణా, ఆమె చెప్పే ప్రాజెక్ట్ కన్నా, ఆమె బాడీ మెజర్మెంట్స్ పై ఎక్కువ దృష్టి పెట్టాడు.

పది నిమిషాల్లో ప్రజెంటేషన్ పూర్తి చేసిన అఖిల, చైర్ లో కూర్చుని, "well మిస్టర్ రాణా. That's my project. లాస్ట్ టైం ఈ ప్రాజెక్ట్ లో కొన్ని ఎర్రర్స్ వచ్చిన మాట నిజం. బట్ మేం వాటిని కరెక్ట్ చేసి ప్రొడక్షన్ రీస్టార్ట్ చేస్తున్నాం. ఈసారి ప్రాజెక్ట్ తప్పకుండా సక్సెస్ అవుతుందని నమ్మకం మాకుంది. మీరేమంటారు?" అని అడిగింది.

"ఆఫ్కోర్స్ అఖిల. మీ ప్రాజెక్ట్ నాకు బాగా నచ్చింది. వెరీ ఇంప్రెసివ్. నేను తప్పకుండా ఇందులో ఇన్వెస్ట్ చేస్తాను." అని వెంటనే చెప్పాడు రాణా.

"థాంక్యూ, మిస్టర్ రాణా. థాంక్యూ సో మచ్" అని exciting గా చెప్పింది అఖిల. 

'రాణా ఇందులో మనీ ఇన్వెస్ట్ చేస్తే, ఆ ఫండ్స్ తో ముందు ప్రాబ్లెమ్ నుండి బయటపడొచ్చు.' అని మనసులోనే లెక్కలు వేసుకుంది.

"అయితే మనిద్దరం ఇక నుండి కలిసి బిజినెస్ చేయబోతున్నాం కాబట్టి, మనం ఈ మూమెంట్ ను సెలబ్రేట్ చేసుకోవాలి అఖిల. So ఈ రోజు నైట్ నేను ఇవ్వబోతున్న పార్టీకి నువ్వు తప్పకుండా రావాలి." నవ్వుతూ అడిగాడు రాణా.

అది వినగానే అఖిల ముఖం సీరియస్ గా మారిపోయింది. అతని ఉద్దేశం ఆమెకు పూర్తిగా అర్థమవుతూనే ఉంది. అయినా కోపాన్ని కంట్రోల్ చేసుకుని, "సారీ రాణా, ఈరోజు నాకు ఫ్యామిలీ ఫంక్షన్ ఉంది. రావడం కుదరదు." అని నిర్మొహమాటంగా చెప్పింది.

ఆ మాటకు రాణా ముఖం ఒక్కసారిగా కోపంగా మారిపోయింది. అయినా వెంటనే నవ్వుతూ, "ఇట్స్ ఓకే అఖిల. ఇవ్వాళ కాకపోతే రేపు పార్టీ చేసుకుందాం. ఆ తర్వాతే డీల్ ఫైనల్ చేసి అగ్రిమెంట్ పై సైన్ చేద్దాం. నో ప్రాబ్లెమ్. టేక్ యువర్ ఓన్ టైం" అని ఆమె కళ్ళలోకి చూస్తూ చెప్పాడు.

అతను ఇండైరెక్ట్ గా పార్టీకి వస్తేనే డీల్ ఫైనల్ చేస్తానని చెబుతున్నాడని అర్దం చేసుకుంది అఖిల. దాంతో ఆమె కోపంగా పిడికిలి బిగించడం తప్ప ఏం చెయ్యలేక పోయింది.

'ఇప్పుడు పార్టీకి ఒప్పుకోకపోతే చేతిదాకా వచ్చిన అవకాశం చేజారి పోతుంది. ఒప్పుకుంటే, వీడు వేసే కోతి వేషాలు భరించాలి. ఇప్పుడేం చెయ్యాలి?' అని ఆలోచిస్తూ ఉంది అఖిల.

ఇంతలో ఆమె ఫోన్ లో మెసేజ్ టోన్ రావడంతో స్క్రీన్ వైపు చూసింది. బ్యాంక్ నుండి వచ్చిన ఏదో నోటిఫికేషన్ display అవ్వడంతో, వెంటనే దాన్ని ఓపెన్ చేసింది అఖిల.

అందులో ఆమె అకౌంట్ లో నలభై కోట్లు క్రెడిట్ అయినట్లు ఉండటంతో, ఆమె ఒక్కసారిగా షాక్ అయ్యింది. అంతలోనే పెదాలపై సంతోషంతో చిరునవ్వు కూడా వచ్చింది.

కానీ ఆ అమౌంట్ ఎవరు ట్రాన్స్ఫర్ చేసారు అనే అనుమానం కూడా రావడంతో, వెంటనే కళ్లెత్తి రాణా వైపు చూసింది.

రాణా ముఖంలో ఆమె ఎందుకు నవ్వుతుందో అర్దం కాని అయోమయం కనిపించింది.

ఇంతలో ఆమె ఫోన్ పై మరో మెసేజ్ ప్రత్యక్షమయింది. ఈసారి అది సాగర్ నుండి వచ్చిన మెసేజ్. "అఖిల... నీ అకౌంట్ లోకి ఫార్టీ క్రోర్స్ ట్రాన్ఫర్ అయ్యాయి. ఎక్కడివి? ఏంటి? అని ప్రశ్నలు అడగొద్దు. టైం వచ్చినప్పుడు నేనే చెప్తాను. ముందు వాటితో నీ ప్రాబ్లెమ్ సాల్వ్ చేసుకో" అనే టెక్స్ట్ తో పాటు ఒక స్మైలీ ఏమోజీ కూడా add చేసి ఉంది. 

అది చూడగానే అఖిలకు ఆశ్చర్యం వేసింది. సాగర్ కి ఇంత డబ్బు ఎక్కడి నుండి వచ్చిందో అర్దం కాలేదు. కానీ అతను తప్పు చెయ్యడనే నమ్మకం ఆమెకు దృఢంగా ఉండటంతో అది పెద్ద సమస్యలా అనిపించలేదు.

వెంటనే రాణా వైపు చూసి, "ఓకే మిస్టర్ రాణా. నేను మీ పార్టీకి రావడం లేదు. మీరు నా ప్రాజెక్ట్ లో ఇన్వెస్ట్ చేయాల్సిన అవసరం లేదు. ఇక మీరు బయల్దేరండి." అని చెప్పి, ఆమె కూడా అక్కడి నుండి లేచి బయటకు నడిచింది.

అఖిలకు డబ్బు ఎంత అవసరమో రాణాకు బాగా తెలుసు. అలాంటిది ఆమె సింపుల్ గా నో చెప్పేసి వెళ్ళిపోతూ ఉండటంతో ఆమె attitude కి షాక్ అయ్యాడు. అయినా వెంటనే తేరుకుని, "అఖిల ఒక్కసారి నేను చెప్పేది విను" అంటూ ఆమె వెనుకే వెళ్ళబోయాడు.

ఇంతలో అతని ఫోన్ రింగవడంతో, చిరాగ్గానే కాల్ లిఫ్ట్ చేసి "హలో" అని అన్నాడు.

"సార్, హఠాత్తుగా కొంతమంది ఐటీ డిపార్ట్మెంట్ నుండి రైడ్ కి వచ్చారు..." అని అతను చెబుతూ ఉండగానే మధ్యలో ఫోన్ కట్ అయ్యింది.

రాణా కట్ అయిన ఫోన్ వైపు అయోమయంగా చూస్తూ, "వాట్ నాన్సెన్స్. ఇంత సడన్ గా ఐటీ రైడ్ చేయడమెంటి?" అనుకుంటూ మళ్ళీ కాల్ బ్యాక్ చెయ్యబోయాడు.

కానీ ఇంతలో అతని ఫోన్ మళ్ళీ రింగ్ అయ్యింది. అటువైపు నుండి ఆఫీస్ మేనేజర్ కాల్ చేస్తున్నాడు. అది చూడగానే రాణా మనసు కీడు శంకించడంతో అనుమానంగానే కాల్ లిఫ్ట్ చేసి "హలో" అన్నాడు.

"సర్, మీరెక్కడున్నారు. ఆఫీస్ పై ఐటీ రైడ్ జరుగుతోంది. వాళ్ళు ఆఫీస్ మొత్తం తలకిందులు చేస్తున్నారు. మన ఇల్లీగల్ ప్రాజెక్ట్ కి సంబంధించిన ఫైల్స్, హార్డ్ డిస్క్లు అన్నీ ఇక్కడే ఉన్నాయి. త్వరగా రండి సర్." అని గుసగుసగా చెప్పి వెంటనే ఫోన్ పెట్టేసాడు మేనేజర్.

రాణాకు అసలేం జరుగుతుందో అర్దం కాకపోవడంతో హడావుడిగా బయటికి పరుగెత్తాడు. 

********

సాగర్ వల్ల ప్రాబ్లెమ్ సాల్వ్ అవ్వడంతో సంతోషంగా ఇంట్లోకి అడుగు పెట్టిన అఖిల, "సాగర్....సాగర్..." అని ఉత్సాహంగా పిలిచింది.

"అతను ఇంట్లో ఎక్కడున్నాడు. ఉదయం నుండి ఇంటికి రాలేదు. ఇంట్లో ఎక్కడి పని అక్కడే ఉంది. ఏం రాచకార్యాలు వెలగబెడుతున్నాడో ఏంటో. బయటి నుండి తిరిగొచ్చి నా తల పగిలిపోతుంది. త్వరగా వచ్చి ఒక కాఫీ ఇస్తాడేమోనని ఇందాకటి నుండి ఎదురు చూస్తున్నాను." అని అప్పుడే హాల్లోకి వచ్చిన శైలజ నీరసంగా సోఫాలో కూలబడుతూ చెప్పింది.

'ఉదయం నుండి రాలేదా? అంటే నన్ను ఆఫీస్ లో డ్రాప్ చేసిన తర్వాత ఎక్కడికైనా వెళ్ళాడా?' అనుకుంటూ "సరే మమ్మీ, నేను ఫ్రెష్ అయ్యి వస్తాను." అంటూ గదిలోకి వెళ్లి, చేతిలోని హ్యాండ్ బ్యాగ్ బెడ్ పైకి విసిరేసి, అలసటగా సోఫాలో కూర్చుంది అఖిల.

ఇంతలో ఎదురుగా ఉన్న టీ పాయ్ పై రోజ్ ఫ్లవర్ బొకే తో పాటు, ఏదో గిఫ్ట్ బాక్స్ కూడా కనిపించడంతో, ఆమె నుదురు ఆశ్చర్యంతో ముడుచుకుంది.

"ఇదేంటి?, నా రూంలో ఎవరు పెట్టారు?" అనుకుంటూ బొకే ను చేతిలోకి తీసుకుంది. దానిపై చిన్న నోట్ 

"అందమైన మనసున్న ఆఖిలకి...నేనిస్తున్న మొదటి గిఫ్ట్" అని రాసి ఉంది.

ఆ పాజిటివ్ నోట్ ఆమె పెదాలపై చిరునవ్వు తెచ్చింది. వెంటనే ఫ్రమ్ అడ్రస్ కోసం వెదికింది. కానీ ఆ లైన్ తప్ప ఇంకేం కనిపించలేదు.

దాంతో పక్కనే ఉన్న గిఫ్ట్ బాక్స్ ను చేతిలోకి తీసుకున్న అఖిల, 'ఒకవేళ ఇది కూడా సాగర్ పంపించి ఉంటాడా?' అనే ఆలోచనతో, దానిపై ఉన్న గిఫ్ట్ పేపర్ తీసింది. అది jewellery బాక్స్ లా కనిపించడంతో, అనుమానంగా బాక్స్ ను ఓపెన్ చేసింది.

అందులో కనిపించిన ఐటెం ను చూసి ఆమె ఒక్కసారిగా కళ్ళు పెద్దవి చేసి ఆశ్చర్యంతో నోరు తెరిచింది.

*******

సాగర్ అంత డబ్బు ఎలా ఇచ్చాడో అఖిల కనిపెట్టగలదా?

ఫ్యామిలీ ఫంక్షన్ లో ఏం జరగబోతోంది?

తన పతనానికి కారణం ఎవరో రాణా మల్హోత్రా తెలుసుకోగలడా?