ఓ కుర్రాడు కోపంతో ఇల్లు వదిలి వచ్చేశాడు
ఎంత కోపంతో వచ్చాడంటే.. తను చూసుకోలేదు తనకాళ్లకు వాళ్ల నాన్న బూట్లు వేసుకు వచ్చేశాడని.
కొడుక్కి ఒక మోటార్ సైకిల్ కొనలేని వాడు కొడుకు ఇంజనీర్ కావాలని కలలు కనడం ఎందుకో..
అంటూ తండ్రిని తిట్టుకుంటూ మరీ ఇంటినుండి బయటికి వచ్చేశాడు.
చాలా పెద్దవాడినయ్యాక గాని ఇంటికి తిరిగి వెళ్ళను అని గట్టిగా నిశ్చయించుకున్నాడు.
ఇంటి నుండి వచ్చేప్పుడు కోపం కొద్దీ… ఎప్పుడూ ముట్టుకోనివ్వని వాళ్ల నాన్న పర్సు
కొట్టుకోచ్చేశాడు
అమ్మకి కూడా తెలియకుండా రాసే లెక్కలన్నీ దాంట్లోనే
ఉంటాయని వాడి నమ్మకం.
నడుస్తుంటే బూట్లలో ఏదో తగులుతోంది . కరుస్తూ ఉన్నట్టు ఉంది . బూటు లోపల సాఫ్ట్ గా లేదు .
వాడి మడమ నొప్పెడుతోంది .
అయినా అతని కోపం దానిని లెక్కచెయ్యనివ్వలేదు .లోపల తడి తడి గా అనిపించింది .
కాలు ఎత్తి చూశాడు....బూటు అడుగున చిన్న కన్నం..కుంటుతూనే బస్ స్టాండ్ వచ్చాడు ఎటైనా వెళ్లిపోదామని..!!
బస్ స్టాండ్ విచారణ కౌంటర్లో వాకబు చేస్తే తెలిసింది...ఇంకో గంట దాకా బస్ ఏదీ లేదని
సరే ఏంచేస్తాం. అప్పటి దాకా …నాన్న పర్సు లో ఏం ఉందో చూద్దామని పర్సు తెరిచాడు ఈ కుర్రాడు .
ఆఫీసు లో 40,000 అప్పు తీసుకున్న లోన్ రశీదు ,
కొడుకు కోసం కొన్న లాప్ టాప్ బిల్లు,
ఆఫీసుకు వచ్చేటప్పుడు శుభ్రమైన బూట్లుతో రమ్మని మేనేజర్ ఇచ్చిన మెమో
పాత స్కూటర్ తెండి – కొత్త మోటార్ సైకిల్ తో వెళ్ళండి . గొప్ప ఎక్చేంజ్ మేలా అని రాసి ఉన్న కరపత్రం..
ఇవి కనబడ్డాయి కుర్రాడికి తండ్రి పర్సులో…
వాటిని చూసాక ఈ కుర్రాడి కళ్ళు చెమర్చాయ్
వెంటనే ఇంటికి పరుగు పెట్టాడు .
సోల్ లేని ఆ బూట్లు ఈసారి నొప్పి కలిగించలేదు .
ఇళ్లంతా వెతికాడు, కానీ ఇంట్లో
నాన్న లేడు. స్కూటరూ లేదు .
అతడికి తెలిసిపోయింది.....
నాన్న తన స్కూటర్ తీసుకొని
ఎక్స్చేంజ్ మేలా కు వెళ్లాడని..
అతి ప్రేమగా చూసుకుంటున్న
తన స్కూటర్ ను అక్కడిచ్చి..
తన కోసం బైక్ తేడానికే ఖచ్చితంగా వెళ్లాడని…
ఆ కుర్రాడి కళ్ళు చెమరుస్తున్నాయి.
పరుగు పరుగున ఎక్స్చేంజ్ ఆఫర్ ఇస్తున్న చోటికి వెళ్ళాడు .
వాళ్ల నాన్న అక్కడే ఉన్నాడు,
ఎక్స్చేంజ్ షాపు కుర్రాడితో బేరం ఆడుతున్నాడు.
ప్రస్తుతం యూత్ కి బాగా ఇష్టమైన
మోడల్ బైక్ ఏదో చూపించు..
దాని మీద నా కొడుకు హీరో లా
ఉండాలి అని చెబుతున్నాడు..
వెనకాలే నిల్చుని తండ్రి మాటలు వింటూ ఏడుస్తున్న ఆ కొడుకు కన్నీరు తండ్రి భుజాల మీద పడసాగింది.
అప్పుడు తండ్రి వెనక్కి తిరిగి చూసాడు.
అప్పుడు ఆ అబ్బాయి నాన్నని కౌగిలించుకొని
”వద్దు నాన్నా ! వద్దు నాన్నా !
నాకు మోటార్ సైకిల్ వద్దు నాన్నా.."
అంటూ ఏడవసాగాడు !
ఇంటికి వెళుతూ వెళుతూ…
తండ్రి కోసం కొత్త షూస్ కొని తీసుకువెళ్ళారు
ఆ తండ్రీకొడుకులిద్దరూ….!
మీకోసం
తన జీతాన్నే కాదు...
జీవితాన్నీ దారపోసి....
సర్వస్వాన్నీ సమర్పించిన
ఆయన
త్యాగాన్ని గుర్తించండి !
బంధాన్ని గౌరవించండి !!
మనసారా ప్రేమించండి !!!
మన పిల్లలకు మన ఆస్తులు కాదు...విలువలతో కూడిన ధర్మాలు ఇవ్వండి....మన సంస్కృతీ
సాంప్రదాయాల గొప్పదనం చెప్పండి.
🌿🌼🙏🙏తండ్రి ప్రేమని అర్థంచేసుకున్న ప్రతి ఒక్క కొడుకుకి అంకితం🙏🌼🌿
No comments:
Post a Comment