సీతారామం....

 సీతారామం....

కరెక్టుగా 80 ఏళ్లక్రితం హాలివుడ్ లో సిటిజెన్ కేన్ అని సినిమా వచ్చింది. బిలియనీర్, పత్రికాధిపతి అయినా హీరో కేన్ మరణసమయంలో ఒక పదం ఉచ్చరిస్తాడు. ఆ పదం వెనుక కారణాలను అన్వేషించే క్రమంలో కేన్ బాల్యం నుండి అతను జీవితంలో పైకెదగిన క్రమంగురించి చూపిస్తారు ఫ్లాష్ బ్యాక్ రూపంలో...

ఈ సినిమా విడుదలయ్యాక సంచలన విజయం సాధించింది. ఒక వ్యక్తి జీవితంలో రహస్యాకోణాలు తెలుసుకోవటం వీక్షకులకు ఎప్పటికి ఆసక్తిదాయకమే. అది ప్రముఖులైతే ఇక చెప్పాల్సిన పనిలేదు.

ఈ స్క్రీన్ ప్లే ఫార్ములాను మొదట పట్టుకుంది నాగ్ అశ్విన్ మహానటి సినిమాలో ఉపయోగించాడు. అసలు సావిత్రి బయోగ్రఫీ అంత గొప్పదేం కాదు. తెలిసి తెలిసి ఉమనైజర్, రెండో పెళ్లి వాడిని చేసుకుంది. డబ్బు పట్లక్రమశిక్షణ లేదు. తాగుడుకు బానిసయ్యింది. తన జీవితాన్ని తనే నాశనం చేసుకుంది. మరి ఈ కథ సినిమాగా ఎలా మెటీరియలైజ్ అయ్యింది అంటే సిటీజెన్ కేన్ స్క్రీన్ ప్లే ఫార్ములాయే. ఒక ప్రముఖ వ్యక్తిని అన్వేషిస్తూ ఒక జంట లేదా వ్యక్తులు తాము అన్వేషించే వ్యక్తి యొక్క వివరాలు సేకరించటం ఆ వ్యక్తి జీవితంలోని మలుపులు, ట్విస్టులు ప్రేక్షకుల ఆసక్తిలోని టెంపో తగ్గకుండా ఉపయోగపడతాయి. కథకుడు ఇక్కడే సగం విజయం సాధిస్తాడు. మిగతాది సంగీతం, నటినటుల ప్రతిభా విశేషాలమీద ఆధారపడి ఉంటుంది.

ఇక్కడ సీతారామం దర్శకుడు హను రాఘవపూడి ఇదే టెక్నిక్ ఉపయోగించాడు. ఎత్తుగడ కూడా సీతను వెతకటంతో ప్రారంభించి రామ్ ఎక్కడ ఉన్నాడో తెలుసుకోవటంతో కథ ముగుస్తుంది. రష్మిక, తరుణ్ భాస్కర్ వెదుకులాటలో మధ్యమధ్యలో పెద్దగా ట్విస్టులేం ఉండకపోయినా దుల్కర్ సల్మాన్, మృణల్ ఠాకూర్ ల మధ్య అందమయిన సుందర దృశ్యాకావ్యం లాంటి ప్రేమ సన్నివేశాలు అతి సుందరంగా అనిపిస్తాయి. బహుశా ఈ సినిమా పర్యవేక్షణ నాగ్ అశ్విన్ దే అయ్యుంటుంది. హను రాఘవపూడి మీద మణిరత్నం ప్రభావం ఎక్కువగా ఉన్నట్టుంది. మొదటి సినిమా అందాలరాక్షషిలోనే అర్ధం అవుతుంది. హీరోహీరోయిన్లు నాలుగడుగుల దూరంలో ఉన్నా ఘాట్టిగ గీతాంజలి సినిమా స్టయిల్ లో మాట్లాడటం వగైరా...

ఇక కథ విషయానికి వస్తే సినిమా కథేమి గొప్పగా అనిపించదు. కానీ దుల్కర్ సల్మాన్ ఉన్నాడే... ఆద్యంతం తన నటనతో కట్టిపడేస్తాడు. క్లీన్ షేవ్ తో అందంగా, హుషారయినా నటనతో ఆకట్టుకుంటాడు.  దుల్కర్ కాక ఇంకో హీరోను ఊహించలేము అన్నంత బాగా చేశాడు. తండ్రిలాగే మంచి కంఠస్వరం చాలామంది తెలుగు హీరోలకన్నా ఉచ్చారణ బాగుంది. నానీ, శర్వానంద్ లు హీరో అయ్యుంటే సినిమా ఇంతబాగా ఉండేది కాదని ఖచ్చితంగా చెప్పగలను. హీరోయిన్ పెద్ద అందగత్తె కాదు కానీ తన నటనతో మెస్మరైజ్ చేస్తుంది. ముఖ్యంగా ప్రకాష్ రాజ్ తో రామ్ గురించి మాట్లాడేటప్పుడు రోజా సినిమాలో మధుబాల గుర్తుకురాక మానదు. చెప్పాను కదా హను మీద మణిరత్నం ప్రభావం ఉందని. ఈ సినిమాకు సంగీతం మైనస్ అనే చెప్పవచ్చు. పాటలు బాగుండి ఉంటే మణిరత్నం రోజా లెవెల్ లో ఉండేది. వెన్నెల కిషోర్, మురళీశర్మ, గౌతమ్ వాసుదేవ్, వారిపరిధిలో బాగా చేశారు. ప్రియదర్శి, సునీల్, రాహుల్ రవీంద్రన్ లవి జస్ట్ గెస్ట్ క్యారెక్టర్స్. ఇక్కడ ముఖ్యంగా చెప్పుకోవాల్సిన క్యారెక్టర్ సుమంత్, అటు పాకిస్తానీ సైన్యం మంచిదే ఇటు రామ్ మంచివాడే మధ్యలో విష్ణును అంటే సుమంత్ ను విలన్ ను చేసిపారేశారు. మంటల్లో చిక్కుకున్న అమ్మాయికోసం రామ్ వెళితే అసలు అక్కడ ఉండకుండా సుమంత్ వెళ్ళొపోవచ్చు కానీ రామ్ కోసం ఆగి తను బలి అయ్యాడు. తన కుటుంబం కోసం దేశద్రోహ చర్యకు పాల్పడుతాడు. సగటు మనిషిలాగా ఆలోచించాడు. చివర్లో కోర్టు మార్షల్ కు భయపడి ఆత్మహత్య చేసుకుంటాడు. సుమంత్ హీరో క్యారెక్టర్లకోసం పాకులాడకుండా ఇలాంటి సపోర్టింగ్ క్యారెక్టర్ లతో మంచి నటుడుగా గుర్తింపు తెచ్చుకోవచ్చు.

సినిమా చూడొచ్చు... బోర్ కొట్టదు. 

తల్లిదండ్రులే అలవాట్లే పిల్లలకు బాటలు

తల్లిదండ్రులే అలవాట్లే  పిల్లలకు బాటలు

*పిల్లలపై అత్యంత ప్రభావం చూపేది కుటుంబం, కుటుంబ వాతావరణం, తల్లిదండ్రుల ప్రవర్తన, వారి పెంపకం.*

*కానీ ఈ వాస్తవాన్ని అంగీకరించేందుకు, ఆ బాధ్యతను అంగీకరించేందుకు మనం సిద్ధంగా లేము.*

*ఎందుకంటే మన పిల్లలు తప్పుదారి పట్టడానికి మనమే కారణమని అంగీకరించలేము.*

*తల్లిదండ్రులందరూ తప్పు చేశారనను, చేస్తున్నారనను. పెళ్లయ్యాక పిల్లలు పుట్టడం సహజంగా జరిగే చర్య.*

*కానీ పిల్లల పెంపకం అంత సులువుగా, సహజంగా జరిగే చర్య కాదు. అదో సైన్స్, ఆర్ట్. ఏ వయసులో పిల్లలు ఎలా పెరుగుతారో, ఎలా ఆలోచిస్తారో, ఎలా స్పందిస్తారో తెలియకుండానే, తెలుసుకోకుండానే పిల్లల్ని పెంచేస్తున్నాం. ఫలితమే ఇలాంటి సమస్యలు.*

*#మరిఈతప్పులెవరివి?*

*ఉదయం లేచింది మొదలు మొబైల్ లేదా ల్యాబ్ టాప్ పై గడిపే తండ్రి తన కూతురు మొబైల్ ఫోన్ కు అడిక్ట్ అయ్యిందంటూ కౌన్సెలింగ్ కు తీసుకువెళ్లి తున్నారు. ఆ మొబైల్ కొనిచ్చిందెవరు? ఎవర్ని చూసి ఆమె మొబైల్ వాడకం నేర్చుకుంది? నువ్వు చేస్తుంది ఏంటి డాడీ అని ఆ అమ్మాయి అడిగితే ఆ తండ్రి ఏం సమాధానం చెప్తాడు?*

*చదువుకోసం, బంగారు భవిష్యత్తు అందించేందుకు కొడుకుని చిన్నప్పటినుంచీ ఇంటికి దూరంగా రెసిడెన్షియల్ స్కూళ్లు, కాలేజీల్లో చదివించిన తల్లిదండ్రులు ఇప్పుడు అమెరికాలో స్థిరపడిన కొడుకు తమను పట్టించుకోవడం లేదని బాధపడుతూ కౌన్సెలింగ్ కు వచ్చారు. బంధాలు, అనుబంధాలకు దూరంగా మార్కులు, ర్యాంకులకు దగ్గరగా పెంచి, ఇప్పుడు ఏడిస్తే ఏం లాభం?*

*కెనడాలో స్థిరపడిన ఓ భారతీయ కుటుంబం తమ కూతురు ఆల్కహాల్ కు అడిక్ట్ అయ్యిందంటూ సంప్రదించారు. కానీ తాగడం తమ దగ్గరినుంచే నేర్చుకుందనే విషయం దాచిపెడతారు. ఎవర్ని మోసం చేసేందుకు?*

*విజయవాడకు చెందిన ఓ వ్యాపారకుటుంబం తమ కూతురికి రోజుకు మూడు వేలు, ఎస్, రోజుకు మూడువేలు పాకెట్ మనీ ఇచ్చారు. అంత పాకెట్ మనీ ఇవ్వడం గర్వంగా ఫీలయ్యారు. ఇప్పుడదే సమస్యగా మారింది. కౌన్సెలింగ్ కు వచ్చారు.  దేనికి డబ్బు ఖర్చు పెట్టాలో, ఎక్కడ పొదుపుగా ఉండాలో తల్లిదండ్రులకే తెలియకపోతే ఆ పిల్లకెలా తెలుస్తుంది?*

*సౌత్ ఆఫ్రికాలో ఉద్యోగం చేస్తున్న యువకుడు ఒంటరితనంతో బాధపడుతున్నానంటూ సంప్రదించాడు. తన కుటుంబ సభ్యులు తన సంపాదన కోసమే చూస్తున్నారు తప్ప తనను పట్టించుకోవడంలేదని ఏడ్చేశాడు.*

*తిరుపతికి చెందిన ఓ తండ్రి అమెరికాలో చదువుతున్న కొడుక్కి కారు కొనిపెట్టాడు.  అతను దారితప్పి ఇండియాకు వచ్చేశాడు. ఏం చేయాలో తెలియని పరిస్థితుల్లో కౌన్సెలింగ్ కు తీసుకొచ్చారు. చదువుకునే కొడుక్కి కారు ఎందుకనే ప్రశ్న తండ్రికి రాలేదు. అవసరానికి (nead ) ఆడంబరానికి (want) మధ్య తేడా తెలీకుండా పెంచి ఇప్పుడు బాధపడితే ఏం ప్రయోజనం*

*#ఏం_నేర్పిస్తున్నాం?*

*కొడుకు ప్రాజెక్టు వర్క్ కోసం ఆపీసు నుంచి ప్రింట్లు తీసుకొచ్చే తండ్రి పరోక్షంగా అతనికి ఏం నేర్పిస్తున్నాడు?*

*నచ్చిన చీర కొనుక్కుని ఆ విషయం భర్తకు చెప్పొద్దని చెప్పే తల్లి ఆ కూతురుకి ఏం నేర్పిస్తుంది?*

*పిల్లల ఎదురుగా భర్త లేదా భార్యతో గొడవపడటం ద్వారా మీరేం నేర్పిస్తున్నారు?*

*ఇంటికి బంధువులు వచ్చినప్పుడు నవ్వుతూ ఆహ్వానించి, వారు వెళ్లిపోగానే విమర్శించే మీనుంచి పిల్లలు ఏం నేర్చుకుంటారో తెలుసా?*

*లంచాలు తీసుకుంటూ ఏసీబీకి పట్టుబడిన తల్లిపై బిడ్డలకు ఏం గౌరవం ఉంటుంది?*

*పిల్లలు చదువుతుండగా మీరు tv చూస్తుంటే వారిపట్ల మీకేం శ్రద్ధ ఉన్నట్లు?*

*పిల్లల్ని కూర్చోబెట్టుకుని జబర్దస్త్ లాంటి షోలు చూస్తూ ఎంజాయ్ చేస్తుంటే విలువలు ఎక్కడినుంచి వస్తాయి?*

*మార్కులు, ర్యాంకుల గురించి కాకుండా ఇతర విషయాల గురించి మీరెప్పుడైనా మాట్లాడారా? వారి ఇష్టాయిష్టాలేమిటో తెలుసుకున్నారా? అసలు వారికిష్టమైన కోర్సు చదవనిచ్చారా?*

*చదువుల పేరుతో లక్షలకు లక్షలు ఖర్చుచేస్తున్న తల్లిదండ్రులు తమ పిల్లలకు సరైన తీరులో ఆలోచించడం నేర్పిస్తున్నారా? దానికోసం రూపాయైనా ఖర్చు చేస్తున్నారా?*

*అసలు పిల్లల్ని ఎలా పెంచాలో మీకు తెలుసా? అందుకోసం కనీసం ఒక్క పుస్తకమైనా కొని చదివారా? ఒక్క వీడియో అయినా చూశారా? ఒక్క క్లాసయినా విన్నారా?*

*అవసరానికి, ఆడంబరానికి మధ్య ఉన్న తేడా మీ పిల్లలకు తెలిసేలా చేశారా?*

*సరదాకు, విచ్చలవిడి తనానికి తేడా ఏమిటో వివరించారా?*

*వారి జీవితానికి వారే బాధ్యులని ఎన్నడైనా చెప్పారా?*

*మీ పిల్లలు చెడిపోవడానికి మీడియా, సోషల్ మీడియా, టెక్నాలజీనే కారణమని తిడుతూ మీరు మీ బాధ్యతనుంచి తప్పించుకుంటున్నారని ఎన్నడైనా గుర్తించారా?*

*మీ పిల్లలు మిమ్మల్ని నిరంతరం గమనిస్తుంటారని, మిమ్మల్నే అనుసరిస్తారని, వారిపై అన్నింటికంటే మీ ప్రభావమే ఎక్కువని తెలుసుకోండి. అన్నిటికీ సమాజాన్ని తిట్టడం మానేసి మార్పు మీనుంచి, మీ ఇంటినుంచి మొదలుపెట్టండి.* 

7 ప్రశ్నలకు చాలా అద్భుతంగా జవాబు చెప్పిన "గురువు."

 🍁 *7 ప్రశ్నలకు చాలా అద్భుతంగా జవాబు చెప్పిన "గురువు."* 🍁

🌿*1వ ప్రశ్న:* ప్రపంచంలో ఏది పదునైనది?

*జ:* చాలా మంది కత్తి అని చెప్పారు. 

*గురువు:* కాదు,మనిషి నాలుక, ఎందుకంటే ఈ నాలుక తో మనుషులు ఇతరుల మనస్సును, వాళ్ళ నమ్మకాలను విరగ్గొట్టేస్తారు.

🌿*2వ ప్రశ్న:* మనకు అత్యంత దూరంలో వున్నది ఏమిటి ?

*జ:* చాలా మంది చంద్రుడు ,సూర్యుడు ,గ్రహాలూ

*గురువు:* మనకు అత్యంత దూరంలో వున్నది గడిచిపోయిన కాలం.

ఎంత ప్రయత్నించినా ఆ కాలాన్ని తీసుకురాలేము,

ఆ కాలంలోకి వెళ్లలేము.అందుకే వున్న ఈ సమయాన్నే మంచి పనులకు సద్వినియోగం చేసుకోవాలి. ఎంత డబ్బు వున్నా కూడా మనం గడిచిన కాలంలోకి వెళ్లలేము.

🌿*3వ ప్రశ్న:* ప్రపంచంలో అత్యంత పెద్దది ఏది?

*జ:* చాలా మంది పర్వతం ,సూర్యుడు ,భూమి ఇలా ఎన్నో అంటారు.

*గురువు:* ప్రపంచంలో పెద్దది మన పాపమే.

🌿*4వ ప్రశ్న:* ప్రపంచంలో కఠినంగా,బరువుగా ఉండేది ఏది ?

*జ:* చాలామంది,వజ్రము ఇనుము,ఏనుగు అని చెప్పారు.

*గురువు:* కఠినమైనది అనేది *"మాట ఇవ్వడం"*

మాట ఇవ్వడం తేలికే కానీ నిలబెట్టుకోవడమే చాలా కష్టం.

🌿*5వ ప్రశ్న:* ప్రపంచంలో తేలికైనది ఏది?

*జ:* దూది,గాలి,ఆకులు అని చెప్పారు 

*గురువు:* ప్రపంచంలో తేలికైనది అనేది ఒకరిని చూసి వ్యంగ్యంగా మాట్లాడడం.

🌿*6వ ప్రశ్న:* మనకు దగ్గరగా వున్నది ఏది?

*జ:* తల్లి తండ్రులు, స్నేహితులు,బంధువులు అని చెప్పారు. 

*గురువు:* మనకు దగ్గరగా ఉండేది మన చావు.

అందరూ దూరమైనా కూడా ఎప్పుడో ఒకప్పుడు చావు అనేది ఖచ్చితం.

అది పుట్టుకతోనే మనవెంట వచ్చింది.

🌿*7వ ప్రశ్న:* ప్రపంచంలో సులువైనది ఏది ?

*జ:*తినడం ,పడుకోవడం, తాగడం,తిరగడం 

*గురువు:* ప్రపంచంలో సులువైనది అనేది మరొకరి మనస్సును విరగ్గొట్టడం, ఇంతకంటే సులువు ఏదీ లేదు.🍁

🌻🌻🌻🌻🌻🌻🌻🌻🌻🌻🌻🌻🌻🌻

ఉచిత ఆరోగ్య సలహాలు

 ఉచిత ఆరోగ్య  సలహాలు

 

35+ సం. వచ్చేసరికి మహిళల్లో ఈస్ట్రోజెన్ అనే హార్మోన్ తగ్గిపోతుంది.

అందువలన శరీరానికి కాల్షియమ్ ను గ్రహించే శక్తి తగ్గుతుంది.

కాల్షియమ్ శరీరంలో తగ్గితే ఆస్టియోపొరోసిస్ అనే వ్యాధి వస్తుంది.

కాల్షియమ్ ఎక్కువ ఉన్నఆహారం తీసుకోవాలి. శరీరానికి 1200 మిగ్రా కాల్షియమ్ అవసరం.

కాల్షియమ్ ఆకుకూరల్లో ఎక్కువగా ఉంటుంది. కాబట్టి ఆకుకూరలు బాగా తీసుకోవాలి.

శరీరం కాల్షియమ్ ను గ్రహించాలంటే విటమిన్ డి3 మరియు వ్యాయామం అవసరము.

విటమిన్ డి3 ప్రొద్దున సూర్యోదయం అప్పుడు వచ్చే సూర్య కిరణాల్లో ఉంటుంది.

కావున ప్రొద్దున పూట సూర్యరశ్మి శరీరానికి తగిలేలా వ్యాయామం చేస్తే శరీరం కాల్షియమ్ ను గ్రహించుకుంటుంది.

లేకుంటే కాల్షియమ్ ట్యాబ్లేట్లు మ్రింగవలసి ఉంటుంది.

40+ సం. దాటినవారు ఎక్కువ సమయం కూర్చుని ఉంటారు. అందువలన కండరాలు పటుత్వం కోల్పోయి ముసలితనం వస్తుంది.

ఇది అరికట్టడం కొరకు ప్రోటీన్లు ఎక్కువగావున్న ఆహారం తీసుకోవాలి.

ఉదాహరణకు పప్పు, మొలకలు, బాదం గింజలు లాంటివి .

1 కిలో శరీర బరువుకు 1.5 గ్రా.చొప్పున మాంసకృత్తులు తీసుకోవాలి. ఉ. దా 60కేజీ బరువున్నవారు 90 గ్రా ప్రోటీన్ తీసుకుంటే సరిపోతుంది.

మరో ముఖ్య విటమిన్ - విటమిన్ బి 12. శరీరానికి రోజుకు 2.4 మైక్రో.గ్రా బి-12 కావాలి.

విటమిన్ బి 12, శరీర ఆరోగ్యాన్ని పరిరక్షించేందుకు,ఎర్ర రక్తకణాల వృద్ధికి, మెదడు సరిగా పనిచేయడానికి అవసరం.

బి 12, పాలు,పెరుగు,చీజ్ ,గుడ్లు, చేపలు, చికెను మొదలైన వాటిలో లభిస్తుంది.

ఉప్పు, చక్కర, క్రొవ్వు పదార్ధాలు తగ్గిస్తే మంచిది. అధిక ఉప్పు అధిక రక్తపోటుకు, కీళ్ల నొప్పులకు దారి తీసే అవకాశం ఉంది.

అలాగే చక్కర ఊబకాయానికి, కొంత ఎముకల దృఢత్వం తగ్గడానికి కారణమవుతుంది.

అధిక క్రొవ్వు గుండె పోటుకు కారణం కావచ్చు.

అన్నిటికన్నా ముఖ్యంగా నీరు ఎక్కువ తీసుకోవడం అవసరం.

దాహమైనా కాక పోయిన నీళ్లు త్రాగడం అవసరం.

40+ సం దాటినవారు ఎక్కువగా మతిమరుపు వచ్చిందని అంటూ ఉంటారు. ఒక సర్వే ప్రకారం వీళ్ళు నీళ్లు తక్కువ తీసుకోవడం కూడా మతిమరుపుకు ఉన్న కారణాల్లో ఒకటని తేలింది.

చక్కగా పండ్లు, కూరలు, ఆకుకూరలు, మొలకలు, తృణధాన్యాలతో కూడిన మితాహారాన్ని తీసుకుంటూ,శరీరానికి తగినంత వ్యాయామాన్ని ఇస్తే సరిపోతుంది.

ధన్యవాదములు 🙏

గొంతులో క‌ఫం పేరుకుపోయిందా?

 గొంతులో క‌ఫం పేరుకుపోయిందా?

 ఈ ఒక్క చిట్కాచాలు

గొంతులో క‌ఫం పేరుకుపోవ‌డం.పిల్ల‌లు, పెద్ద‌లు అనే తేడా లేకుండా ఎంద‌రినో స‌ర్వ సాధార‌ణంగా వేధించే స‌మ‌స్య‌ల్లో ఇది ఒక‌టి.

అందులోనూ ప్ర‌స్తుత చ‌లి కాలంలో ఈ స‌మ‌స్య మ‌రింత తీవ్రంగా ఉంటుంది.గొంతులో క‌ఫం పేరుకోవ‌డం వ‌ల్ల ద‌గ్గు, శ్వాస స‌రిగ్గా తీసుకోలేక‌పోవ‌డం, చికాకు, మింగ‌డానికి తీవ్ర‌మైన ఇబ్బంది, ఛాతి నొప్పి వంటి స‌మ‌స్య‌ల‌ను ఫేస్ చేయాల్సి ఉంటుంది.

అందుకే క‌ఫాన్ని త‌గ్గించుకునేందుకు నానా ప్ర‌య‌త్నాలు చేస్తుంటారు.ఏవేవో మందులు వాడ‌తారు

 మిరియాలు 

 దాల్చిన చెక్క

,శొంఠి  

పిప్పళ్లు 

కరక్కాయ పెచ్చులు

 తీసుకుని మెత్తటి పొడిలా దంచుకోవాలి.

ఇప్పుడు స్ట‌వ్ మీద గిన్నె పెట్టుకుని అందులో గ్లాస్ వాట‌ర్ పోసి హీట్ చేయాలి.వాట‌ర్ కాస్త హీట్ అవ్వ‌గానే.దంచి పెట్టుకున్న  పొడి 2 టీ స్పూన్  వేసి ఐదు నిమిషాల పాటు మ‌రిగించాలి.

ఆపై వాట‌ర్‌ను ఫిల్ట‌ర్ చేసుకుని.అందులో స్పూన్ తేనెను మిక్స్ చేసి చప్పరిస్తూ సేవించాలి.

ఇలా ప్ర‌తి రోజు ఉద‌యాన్నే చేస్తే గ‌నుక గొంతులో పేరుకు పోయిన క‌ఫం మొత్తం క్ర‌మంగా క‌రిగిపోతుంది.అంతే కాదు, ఈ పానియాన్ని తీసుకోవ‌డం వ‌ల్ల‌.అందులోని యాంటీ బాక్టీరియల్, యాంటీ మైక్రోబయల్ లక్షణాలు ద‌గ్గు, జ‌లుబు, గొంతు నొప్పి, గొంతు ఇన్ఫెక్ష‌న్ వంటి స‌మ‌స్య‌ల‌ను నివారిస్తాయి.శ్వాస కోశ‌లో అడ్డంకులు ఉంటే తొల‌గించి.

ఊపిరి ఫ్రీగా ఆడేలా చేస్తాయి.మ‌రియు ఛాతిలో నొప్పి, మంట వంటి స‌మ‌స్య‌ల‌ను సైతం త‌గ్గిస్తాయి.

అల్సర్‌ ఎందుకొస్తుందో తెలుసా..?

Stomach ulcers: అల్సర్‌ ఎందుకొస్తుందో తెలుసా..?

 గాడితప్పిన ఆహారపు అలవాట్లు.. తీవ్రమైన ఒత్తిడి, ఆందోళనలు, పొగ, మద్యం వ్యసనంతో కడుపులో అల్సర్లు ఏర్పడుతాయి. పొట్టలోని మ్యూకోజ్‌ పొరకు చిరుగులు ఏర్పడటంతో తరచూగా తీవ్రమైన మంట, కడుపునొప్పి వస్తుంటుంది. ఆహారం తీసుకున్న తర్వాత ఈ సమస్య మరింత ఎక్కువగా ఉంటుంది. పొట్టలో వేధించే అల్సర్లకు చికిత్స, దాని తీరుతెన్నులను  గ్యాస్ట్రో ఎంటరాలజిస్టు డాక్టర్‌ సోమశేఖర్‌రావు వివరించారు.

సమస్యలు ఇలా ఉంటాయి..

* పెద్ద పేగుల్లో అల్సర్లు ఎక్కువగా వస్తున్నాయి. దీర్ఘకాలికంగా ఈ సమస్య ఉంటుంది. చిన్న పేగుల్లోనూ అల్సర్లు వస్తాయి.

* బ్యాక్టీరియా ఇన్‌ఫెక్షన్లతో అల్సర్లు ఏర్పడుతున్నాయి. కలుషిత ఆహారం, నీటితో వస్తుంది. అధికంగా పెయిన్‌ కిల్లర్‌ వాడినా రానున్నాయి. 

* అన్నం తినగానే కడుపులో నొప్పి వచ్చినపుడు అల్సర్లు వస్తాయని తెలుసుకోవాలి.  ట్యాబ్లెట్లు వేసుకుంటే తాత్కాలికంగా తగ్గినా తర్వాత ఇబ్బంది పడొచ్చు. ఎండోస్కోపీ చేస్తే వ్యాధి తీవ్రత తెలుస్తుంది.

* మందులతోనే ఎక్కువగా తగ్గిపోతాయి. మళ్లీ అల్సర్లు రాకుండా జాగ్రత్తలు తీసుకోవాలి. 

* బయటి ఆహారం తీసుకోవద్దు. నీరు శుభ్రంగా ఉండేలా చూసుకోవాలి. ఎక్కడపడితే అక్కడి నీటిని తాగొద్దు.

* గ్యాస్‌ ట్యాబ్లెట్లను దీర్ఘకాలికంగా వాడొద్దు. కారం, మసాలాలు ఎక్కువగా తినొద్దు. సాత్విక ఆహారం తీసుకుంటే మంచిది.

ఆలస్యం నిదానం*

                *ఆలస్యం నిదానం* 

                 ➖➖➖✍️

   

 *మనిషి తన దైనందిన కృత్యాల్లోను, వివిధ కార్యక్రమ ప్రణాళికా రచనలోను రెండు సూత్రాలను ప్రధానంగా గుర్తుకు తెచ్చుకుంటాడు.*

*‘ఆలస్యం అమృతం విషం’ అని, ‘నిదానమే ప్రధానం’ అని..!*

*నిజానికి ఈ రెండు సూత్రాలూ కార్యసాఫల్యానికి అవసరమైనవే. ఆయా సందర్భాలు, సన్నివేశాలు, పరిస్థితులను బట్టి ఈ సూత్రాలను ఆచరణలోకి తేవాల్సి ఉంటుంది.* 

 *ఏదైనా నిర్ణయం తీసుకునేటప్పుడు తన బుద్ధితోనే గాక, తన హితం కోరేవారు, ఆత్మీయుల బుద్ధిని కూడా ఉపయోగించుకోవడం పురోగతి కోరుకునేవాడి  లక్షణం.* 

*తనకు తోచిందే సరైనదని వెనకా ముందూ ఆలోచించకుండా అనుకున్న వెంటనే పని మొదలెట్టడం వైఫల్యానికి, అవమానానికి కారణభూతమవుతుంది. విపరీత ఫలితాలు ఎదుర్కొన్నాక పశ్చాత్తాపం చెందడం చేతులు కాలాక ఆకులు పట్టుకోవడమే అవుతుంది.*

*ఈ తొందరపాటు ప్రతి మనిషి జీవితంలోనూ కనిపిస్తుంది. అదే శోక కారణమవుతుంది. అనుభవజ్ఞుల సలహాలు, సూచనలను విని విశ్లేషించుకుని అహంకరించక, వివేకంతో ముందడుగేసేవాడు కచ్చితంగా కార్యసాధకుడు కాగలడు.* 

 *తొందరపాటు వల్ల జీవితంలో దిద్దుకోలేని అగచాట్లు ఎదురవుతాయి. నిరంతరం దుఃఖం అనుభవించే సంఘటనలూ జరుగుతుంటాయి.* 

 

 *ప్రధానంగా కామక్రోధ లోభమోహాది అరిషడ్వర్గాల వల్ల, మానసిక ఒత్తిళ్ల వల్ల, భావోద్వేగాలకు బానిస కావడం వల్ల తొందరపాటుతో తప్పులు దొర్లుతుంటాయి. ఈ బలహీనతలను అధిగమించి, వివేకంతో సంయమనంతో సమయజ్ఞతతో వ్యవహరించే వాడెప్పుడూ విజేతే అవుతాడు.* 

*ఏ పని ముందు, ఏ పని తరవాత అని ప్రశ్నించుకుంటూ ప్రవర్తించడమే రాజనీతి లక్షణమని వాల్మీకి మహర్షి            ఓ సందర్భంలో  ప్రబోధించాడు.                            కైక తొందరపడి అనాలోచితంగా, అసందర్భంగా దశరథుణ్ని కోరిన రెండు వరాల వల్ల ఎంత అపఖ్యాతి పొందిందో తెలిసిందే.* 

*శకుని పన్నాగాలకు ప్రభావితుడై దుర్యోధనుడు అనేక తొందరపాటు చర్యల వల్ల ఎంతగా ఎన్నిసార్లు భంగపడ్డాడో తెలియనిదెవరికి?* 

 *ధర్మరాజు రాజసూయ యాగం ప్రారంభించిన సందర్భంలో అగ్రపూజకు వాసుదేవుణ్ని ఆహ్వానించినప్పుడు శిశుపాలుడు ఆవేశంతో, అహంకారంతో, పరమాత్మను దుర్భాషలాడి చావును కొనితెచ్చుకున్నాడు.* 

*తార చెప్పిన హిత వాక్యాలను పెడచెవిన పెట్టి వాలి అహంకారంతో సుగ్రీవుడితో యుద్ధానికి తలపడి ధర్మమూర్తి శ్రీరామచంద్రుడి చేతిలో హతుడయ్యాడు.* 

*అనాలోచితంగా, భవిష్యత్తును గురించి ఆలోచించకుండా వేసే ఏ అడుగైనా తొందరపాటు చర్యే అవుతుంది.* 

 *చిన్న చిన్న కారణాలకే దంపతులు విడాకులు తీసుకోవడం, యువత ఆత్మహత్యలకు పాల్పడటం తొందరపాటు వల్లనే.     కొన్ని క్షణాలు ఆలోచించి ‘ఇలా చేయడం అవసరమా?’ అని మనసులో నిదానంగా విశ్లేషించుకుంటే ఇటువంటి అనర్థాలే జరగవు.* 

*ప్రతిదానికీ విపరీతమైన స్పందన, అసందర్భమైన ఉద్రేకం మనిషిని వివేకహీనుణ్ని చేసి దుశ్చర్యలకు ప్రేరేపిస్తాయి.* 

*ఆధ్యాత్మిక శక్తిగల సాధకుడు  తొందరపడి అనుచిత నిర్ణయాలు తీసుకోడు. ‘ఉరకకు, ఉరకకు మనసా, ఉరికితే దొరకదు హంస’ అన్నారు బుధులు.* 

*ఆలోచన లేని ఆచరణ జీను లేని గుర్రంలాంటిది. ప్రణాళిక లేని కార్యం మొదలుపెట్టడమంటే లోతు తెలియని నీళ్లలో దూకడం లాంటిది.* 

*కొద్దిపాటి తొందరపాటే కొండంత సమస్యకు దారితీస్తుంది. మనిషి వినడంలో తొందరపడవచ్చు. అవగాహన చేసుకోవడంలో తొందరపడకూడదు. తొందరపాటు శత్రువుకంటే ప్రమాదకరం!* ✍️