Sunday, June 8, 2025
తండ్రి కూతురు
తండ్రి కూతురు
అన్నీ సర్దుకున్నావా తల్లీ, ఇంకోసారి చూసుకో అక్కడ నువ్వు బయటకు వెళ్లి తెచ్చుకోవడానికి లేదు, నిన్ను బయటకు ఎవరూ తీసుకువెల్లరు మల్లీ ఇబ్బంది పడాల్సి వస్తుంది, మీ అమ్మమ్మ నిన్ను చూడాలంది కాబట్టి నిన్ను పంపిస్తున్నాం.
నిజానికి నిన్ను అక్కడికి పంపించడం నాకు అసలు ఇష్టం లేదు, కాని తప్పట్లేదు అని తన నిస్సహాయతకు బాధపడుతూ కూతురు భానుమతితో చెప్తూ ఉన్నాడు భగత్.
నేను అన్నీ సర్దుకున్నాను నాన్న, నువ్వేం కంగారుపడకు , నాకు తెలీదా అక్కడికి వెలితే మల్లీ బయటకు రాలేనని, నేను ఈజీగా ఇమిడిపోతాను నాన్న అక్కడ, భయపడకు వెలదామా అని అడిగింది భానుమతి.
మీ అమ్మ ఎక్కడికి వెల్లిందిరా అని అడిగాడు భగత్.
ఇప్పుడదంతా అవసరం లేదు నాన్న, నేను లేనప్పుడు అయినా అమ్మను తిట్టకుండా ఉండు, చెల్లి జాగ్రత్త అని చెప్పి తన క్రచ్ ( నడవడానికి సపోర్ట్ గా ఉండే కర్ర) తీసుకుని కుంటుకుంటూ బయటకు నడిచింది భానుమతి.
లగేజ్ ని పట్టుకుని భగత్ ముందు వెలితే, చేతికర్ర సహాయంతో మెల్లగా నడుచుకుంటూ బయటకు వచ్చింది భానుమతి.
ఆమె ఎప్పుడెప్పుడు ఇంట్లో నుండి బయటకు కాలు పెడుతుందా అని ఎదురుచూస్తుంది భానుమతి పినతల్లి పార్వతి.
పేరుకి పార్వతీ అయినా రాక్షస గుణం నుండి వచ్చిందనడానికి ఏమాత్రం తీసిపోదు ఆమె ప్రవర్తన.
ఊ ఊ అంటూ మూతి తిప్పుతూ, రావే దరిద్రం మన ఇంటిని వదిలి ఇన్ని రోజులకు పోతుంది, ఇల్లు కడిగి శుభ్రం చేసుకుందాం అంటూ తన కూతురు అయిన త్రిశూలని పిలిచి చెప్తుంది పార్వతి.
నేనెందుకు క్లీన్ చేయాలి అమ్మా, పనివాళ్లు ఉన్నారు వాల్లకు చెప్పు, నాకు డస్ట్ అంటే పడదు అని నీకు తెలుసు కదా అంటూ ముఖం చిట్లిస్తూ మాట్లాడి, వెలుతున్న భానుమతిని చూస్తుంది త్రిశూల.
అవన్ని మాటలు తనకు వినిపించనట్టుగా గేట్ దాటి వెలిపోతుంది భానుమతి, భగత్ కూతురికి నూటొక్క జాగ్రత్తలు చెప్పి జాగ్రత్త తల్లి వెళ్లగానే ఫోన్ చేయు, నిన్ను ఈ టైమ్ లో పంపిస్తున్నందుకు నన్ను క్షమించరా .
నీతో పాటు వస్తే మీ అమ్మ అరచి గోల చేస్తుంది, వెళ్లగానే ఫోన్ చేయు తల్లి అంటూ చెప్పి టైమ్ చూస్తాడు.
అప్పటికి రాత్రి పది గంటలు అవుతుంటే టెన్షన్ గా ఉంటుంది అతనికి ఒంటరిగా ఆడపిల్లని అంత దూరం పంపిస్తున్నాము అందులో కాలు కూడా సరిగ్గా లేదు అని.
అతని భయాన్ని అర్థం చేసుకున్న భానుమతి తండ్రి చేతిని పట్టుకుని, నేను జాగ్రత్తగానే వెలతాను నాన్న, వెల్లగానే ఫోన్ చేస్తాను అని తండ్రికి ధైర్యం చెబుతుంది.
ఇంతలో బుక్ చేసుకున్న బస్ రావటంతో, క్లీనర్ ఫోన్ నంబర్ తీసుకుని, దిగేటప్పుడు జాగ్రత్తగా దించండి బాబు అంటూ అతనికి చెప్పి ఆమె సీట్ లో కూర్చునే వరకు చూసి అప్పుడు బస్ దిగుతాడు భగత్.
తండ్రి కేరింగ్ కు మురిసిపోతూ వెల్లొస్తాను నాన్న అంటూ చెప్పి, బస్ బయలుదేరగానే కల్లు మూసుకుంటుంది సీట్ బెండ్ చేసి.
భానుమతి చురుకైన పిల్ల, తల్లి చిన్నప్పుడు చనిపోతే అతని ఇంటివారు మల్లీ పెల్లి చేసారు భగత్ కి అతను వద్దని ఎంత చెప్పినా వినకుండా, ఆ ఇంటికి కోడలుగా వచ్చిన పార్వతి అతనికి భార్య అయింది కాని భానుమతికి తల్లి కాలేకపోయింది.
భగత్ ఉన్నప్పుడు ఒకలాగా లేనప్పుడు ఒకలాగా చూసుకునేది భానుమతిని.
భగత్ ఆ విషయం తెలుసుకుని నిలదీస్తే, మీకు మీ కూతురే ఎక్కువా అంటూ ఏడుస్తూ గొడవపడి విషం తాగడానికి ప్రయత్నించింది.
అప్పటికే రెండు సంవత్సరాల త్రిశూల ఉంది ఆమెకు, ముందున్న భార్యను పోగొట్టుకుని భానుమతి తల్లి లేనిది అయిపోయిందనే ఆమె కోసం మల్లీ పెల్లి చేసుకున్నాడు, ఇప్పుడు పార్వతి కూడా అలా అయితే ఎలా అని భయపడ్డాడు, పార్వతికి ఎదురు చెప్పడం మానేసాడు కాని భానుమతి విషయంలో ఆమెతో గొడవలు పడుతూ ఉంటాడు.
అప్పటినుండి బానుమతికి దూరంగా ఉన్నా, తండ్రి ప్రేమ పంచుతూనే వచ్చాడు, తరువాత కొన్ని రోజులకు బానుమతికి ఒక యాక్సిడెంట్ లో ఒక కాలు విరిగి, అది అతుకకుండా ఉండిపోయింది.
ఎవరి మీద ఆధారపడని భానుమతి కాలు విరిగాక కూడా తన పనులు తను చేసుకుంటూ ఉంది, ఆమెకు స్నేహంగా తన దగ్గర ఉన్న చేతికర్రే తోడుగా మారింది.
ఇప్పుడు భనుమతి వెళుతుంది తన కన్న తల్లి పుట్టిన ఇంటికి, తన అమ్మమ్మ ఇంటికి.
భానుమతి అమ్మమ్మ పేరు ఇందిరా, తన కూతురు చనిపోయినప్పటినుంచి , ఆ ఇంటికి ఈ ఇంటికి మాటలు తగ్గిపోయాయి, భానుమతిని చూడాలనిపించడంతో భగత్ గారికి ఫోన్ చేసి పిల్లను పంపించు ఇక్కడ కొన్ని రోజులు ఉంచుకుని పంపిస్తాను అని చెప్పింది.
పెద్దావిడ గారి మాటలు కాదనలేక భానుమతిని హైదరాబాద్ కి పంపిస్తున్నాడు భగత్.
విజయవాడలో రాత్రి బస్ ఎక్కితే పొద్దున దిగుతారు, సేఫ్టీ చూసి మరీ భానుమతికి బస్ ఎక్కించి ఇంటికి వచ్చాడు భగత్.
పొద్దున ఎనిమిది గంటలకు హైదరాబాద్ లో బస్ దిగిన భానుమతి ఆటో తీసుకుని ఇందిరా గారి ఇంటిముందు దిగింది.
ఇంద్ర భవనం లాంటి ఇల్లు ఇందిరా గారిది.
ఇందిరా గారికి ఇద్దరు పిల్లలు, ఒకరు భానుమతి వాల్ల అమ్మ అయితే ఇంకొకరు మోహన్ గారు.
మోహన్ గారు ఒక కంపెనీలో మానేజర్ గా వర్క్ చేస్తూ, పెల్లి చేసుకుని ,రాను రాను తనే ఒక కంపెనీ పెట్టేంతగా ఎదిగిపోయాడు మోహన్, తన చెల్లిని మంచిగా ఉన్నటువంటి ఇంటికే ఇచ్చారు, భానుమతి పుట్టగానే తన చెల్లెలు చనిపోయేసరికి దూరం వచ్చేసి హైదరాబాద్ లో స్థిరపడ్డారు.
మోహన్ కి ఒక కొడుకు ఒక కూతురు, కొడుకు భార్గవ్, కూతురు భవిక.
భార్గవ్ మంచిగా చదువుకుని ఇప్పుడు ఒక లెక్చరర్ గా స్థిరపడ్డాడు, భవిక ఇప్పుడు ఎం. బి. ఎ ఫస్ట్ ఇయర్ లో ఉంది.
తండ్రి తెచ్చిన ఆస్తిని లెక్కచేయకుండా తనకంటూ గుర్తింపు తెచ్చుకోవాలని, తన పాషన్ అయిన లెక్చరర్ గా పనిచేస్తున్నాడు.
ఇరవై ఏడేల్ల భార్గవ్ కి పెల్లిచేయాలని ఇంట్లో అనుకున్నారు, కాని భవిక ఉండటంతో ఆమె పెల్లి తరువాత చెయ్యాలి అని ఫిక్స్ అయ్యారు.
మోహన్ గారి భార్య చందన, చందన తన అన్న కూతురితోనే భార్గవ్ పెల్లి జరిపించాలని అనుకోవటంతో ఒకే చేసారు ఇంట్లో అంతా.
భార్గవ్ కి కూడా ఆ ప్రపోజల్ నచ్చడంతో ఒకే అన్నాడు, అందులోనూ తన మరదలు అప్సరసలా వంక పెట్టడానికి లేకుండా ఉంటుంది, తన ఇంట్లోనే ఆమె కూడా ఉండటంతో ఒప్పుకున్నాడు పెల్లికి.
పొద్దున్నే లేచిన భార్గవ్ మెడిటేషన్ చేసి,ఫ్రెష్ అప్ అయి డైనింగ్ ఏరియాకు వచ్చాడు.
ఇందిరా గారితో పాటుగా తల్లి ,తండ్రి ,చెల్లెలు ,మరదలు అక్కడే ఉండటంతో అందరికి ఒకేసారి మార్నింగ్ విష్ చెప్పి కూర్చున్నాడు తినడానికి.
భవిక పక్కన కూర్చున్న భార్గవ్ ని చూసి లేచి వచ్చి అతన పక్కన సీట్ లో కూర్చుంది మరదలు లావణ్య.
లవ్ తినే దగ్గర నుండి లేవద్దు అని నీకెన్ని సార్లు చెప్పాను మారవా నువ్ అన్నాడు తింటూనే.
నువ్ నా పక్కనే ఉండాలి బావా, లేకపోతే నాకు నచ్చదు అంటూ కూర్చుని తను కూడా టిఫిన్ చేయడం మెుదలు పెట్టింది.
తన అన్న కూతురు తనింటి కోడలు కాబోతుంది అని సంతోషపడుతూ అందరికి టిఫిన్ వడ్డిచటంలో మునిగిపోయింది చందన.
తిని అందరికి బాయ్ చెబుతూ కాలేజ్ కి వెళ్లడానికి బయటకు వచ్చి కార్ తీస్తున్నాడు భార్గవ్.
గేట్ ముందు సెక్యూరిటీతో మాట్లాడుతుంది భానుమతి, ప్లీజ్ ఒక్కసారి లోపలికి ఫోన్ చేయండి అంటూ రిక్వెస్ట్ చేస్తుంది.
సెక్యూరిటీ ఆమెను లోపలకు వెల్లనివ్వకుండా అడ్డుపడుతున్నాడు,చాలా సేపటి నుండి బ్రతిమిలాడి ఓపిక నశించి భగత్ గారికి ఫోన్ చేసింది.
ఫోన్ మోగడంతో దానివైపు చూసిన పార్వతికి అందులో బంగారం అని పేరు చూసి పెదవి విరుస్తూ సైలెంట్ లో పెట్టేస్తుంది భగత్ గారు వాష్ రూంలో ఉండటంతో.
నాన్న కూడా ఫోన్ లేపడంలేదు , నాకేమో అమ్మమ్మ ఫోన్ నంబర్ తెలీదు ఏం చేసేది అనుకుంటూ వెనక్కి వెల్లిపోదాం అని వెనుదిరుగేతంలో , ఎవరు ఆ అమ్మాయి అని అడుగుతాడు సెక్యూరిటిని భార్గవ్.
అతనిని చూసి, సర్ ఇతను నన్ను లోపలకు వెల్లనివ్వటం లేదు, ఒకసారి ఇందిరమ్మ గారికి ఫోన్ చేయండి, నేను ఆవిడకు తెలుసు,భానుమతి వచ్చింది విజయవాడ నుండి అని చెప్పండి అంటూ భార్గవ్ తో అంది.
ఎవరు ఈ అమ్మాయి అనుకుంటూ భానుమతిని చూసాడు, నడుము వరకు ఉన్న జడ, చేపలాంటి కల్లు, పొడవాటి ముక్కు,చిట్టి పెదాలు, నున్నటి మెడ,కొంచెం కిందకు చూపు దించాడు వెంటనే జ్ఞానం మేలుకొని చూపు తిప్పి పంపించండి తనను అని సెక్యూరిటికి చెప్పాడు.
మనసు కుదుటపడి హమ్మయ్య అనుకుంది భానుమతి.
గేట్ తీయగానే లగేజ్ దగ్గర ఉన్న చేతి కర్రను తీసుకుని గేట్ లోపలకు నడిచింది, అప్పటివరకు మామూలుగా ఉన్న భార్గవ్ మెుహం కోపంతో నిండిపోయింది.
లోపలికి వెలుతున్న తనతో ఆగు అని అరిచాడు.
కోపంగా వినిపించిన అతని వాయిస్ కి భయపడి అక్కడే నిలబడిపోయింది.
సెక్యూరిటీ ఆ అమ్మాయిని బయటకు పంపించండి, ఇంట్లోకి రావటానికి వీలులేదు ఈ అవిటివారు మా అమ్మమ్మని ఊరికే అడ్డుపెట్టుకుని డబ్బులు లాగుతూ ఉంటారు అని భానుమతిని చీదరింపుగా చూస్తాడు.
అవిటివారు అనగానే భానుమతికి ఏడుపు వచ్చింది, కల్లలో తడి చేరింది, కాని వాటిని బయటకు తీసుకురావడానికి మనసు అంగీకరించకపోవటంతో మెుండిగా నిలబడింది అలాగే.
సెక్యూరిటి ఆమె దగ్గరకు వచ్చి పదమ్మా బయటకు అన్నాడు, ప్లీజ్ అండి ఒక్కసారి ఇందిరమ్మ గారిని చూసి వెల్లిపోతాను అని బ్రతిమిలాడింది.
చెప్పేది నీకే పంపించండి ఆ అమ్మాయిని అంటూ అరిచి వెల్లి తన కార్ లో కూర్చున్నాడు.
పదమ్మా మల్లీ సార్ తిడతాడు నిన్ను పంపించలేదు అని భానుమతి లగేజ్ ని తీసుకున్నాడు సెక్యూరిటి, చేసేదేం లేక ఏడుపుని పంటి బిగువున దాచి పెట్టి కర్ర సహాయంతో గేట్ బయటకు నడిచింది.
కార్ లో కూర్చుని బ్లడీ పీపుల్, ఒకసారి సహాయం చేసిన పాపానికి మల్లీ మల్లీ ఈఇంటికి వస్తూ విసిగిస్తున్నారు, ముందు గ్రానిని తిట్టాలి , దానాలు ధర్మాలు అంటూ ఆస్తిని మెుత్తం ఖర్చుచేస్తుంది , ఆ తరువాత భవికకి ఏం ఇద్దామని అనుకుంటుంది అని ఆలోచిస్తూ కార్ స్టార్ట్ చేసి కాలేజ్ కి పోనిస్తాడు.
గేట్ బయటకు కార్ రాగానే అక్కడే సెక్యూరిటి పక్కన నిలబడిన భానుమతిని చూస్తూ, తనని ఇంట్లోకి పంపించినట్టు తెలిసిందో మీ పోస్ట్ లు ఊడతాయి అని చెప్పి వెల్లిపోయాడు.
భార్గవ్ ఎవరో తెలియకున్నా అతను అవిటిది అన్న మాట మాత్రం గుండెల్లో దిగిపోయింది భానుమతికి.
లింక్ పై క్లిక్ చేసి పూర్తి కథను చదవండి.
https://pasupuletinarendraswamy.blogspot.com/2025/06/blog-post_98.html
మన కర్తవ్యం
మన కర్తవ్యం
"నీవు లేక నేను లేను..."
"ఏవండీ, నేనో మాట అడుగుతాను, ఏమీ అనుకోకుండా, సమాధానం చెప్పాలి..."
"మళ్ళీ ఏదో భేతాళ ప్రశ్న వేసేట్టున్నావే...
సరే, నాకు కొత్త కాదుగా...రానీ..."
"ఏమీ లేదు, మన పిల్లలా...సప్తసముద్రాల అవతల,
ఎక్కడో విదేశాల్లో ఉంటున్నారు, మనిద్దరమే ఇక్కడ
వృద్ధ దంపతులం ఉంటున్నాం. దేవుడి దయవల్ల తిండికి, బట్టకి, లోటు లేకుండా సొంతింట్లో పడి, కాలక్షేపం చేసేస్తున్నాం..."
"అయితే...?"
"మనకా, రాను రాను ఓపికలు తగ్గుతున్నాయి, పూర్వకాలంలో వాళ్ళలాగ, పిల్లల దగ్గిర ఉండలేము, వాళ్ళూ ఇక్కడికి రాలేరు, ఎప్పుడైనా మనం అక్కడికి వెళ్ళినా, ఆరు నెల్లవగానే ఇక్కడికొచ్చేయాలి...
ఇలా అంటున్నానని, బాధపడొద్దు...ఒకవేళ నాకు
ఏమైనా అయితే, మీరు ఒంటరిగా ఎలా బతగ్గలరా
అని నాకు బెంగ ! రోజూ పడుకున్నా, ఇలాంటి
ఆలోచనలతో సరిగ్గా నిద్రపట్టి చావట్లేదు !
వెధవ కలలు కూడా, అలాంటివే వస్తున్నాయ్...
ఈమధ్య !"
"అలాగా ? నాక్కూడా అలాంటి బెంగలే పట్టుకుంటున్నాయ్...
నువ్వు పైకి తేలావు - నేను తేలట్లేదు...అంతే తేడా !
ఇలాంటి వాస్తవాలు మాట్లాడితే, మీ ఆడవాళ్ళందరికీ సెంటిమెంట్లు అడ్డొచ్చేస్తాయి ! ఎలాగూ ఆ టాపిక్
నువ్వే తెచ్చావు కాబట్టి, ఓసారి నా మనసులోమాట చెప్పేస్తాను, నేను చెప్పేదానికి అడ్డు రాకుండా,
శ్రద్ధగా విను...
నీకంటే నేను పెద్ద, పైగా, సాధారణంగా
మగాళ్ళకంటే ఆడవాళ్ళు ఎక్కువ కాలం బతుకుతారు, నాకేమైనా అయితే, నీ పరిస్థితి ఏంటి ?"
"అలాంటి అశుభం మాటలు మాట్లాడకండి,
శుక్రవారం పూటా..."
"అదిగో మళ్ళీ...సెంటిమెంట్లు తేవద్దన్నానా?
పూర్తిగా విను ! నువ్వు వెళ్ళిపోయినా,
నేను వెళ్ళిపోయినా, లోకం ఏమీ ఆగిపోదు !
కాకపోతే, ఇన్నాళ్ళూ ఎంతో ఆరోగ్యంగా, ఆనందంగా,
కలిసి బతికి, మన ఇద్దరు పిల్లల్నీ పెంచి పెద్దచేసి,
బాగా చదివించి, ఒకింటివాళ్ళని చేసి, సంతోషంగా విదేశాలకు పంపించాం. వాళ్ళు, వాళ్ళ పిల్లలు - సంసారాలతో చాలా ఆనందంగా వృద్ధిలోకొస్తున్నారు...
నా పెన్షన్ డబ్బుల తోటి, బ్యాంకు వారిచ్చిన
ఆరోగ్య బీమాతోటి, ఇంతకాలం బాగానే బతికేస్తున్నాం..."
"దేవుడు ఎప్పటికీ మన్నిలాగే రక్షిస్తాడు..."
"రక్షిస్తున్నాడు కనుకనే, ఇలా ఏళ్ళు నిండినా, ఆరోగ్యంగా, ఆనందంగా ఉండగలుగుతున్నాం !
అసలు సంగతి చెబుతాను, విను...
నీకు ఎన్నిసార్లు నేర్పినా, మన సందు చివరున్న
ఏటీఎం కి వెళ్ళి, డబ్బులు తేగలవా ?
అత్యవసరమైతే, చేతిలో ఉన్న సెల్ ఫోన్ నుంచి
క్యాబ్ బుక్ చెయ్యగలవా ?
ఎన్నిసార్లు చెప్పినా, నీ బుర్రలోకి వెళ్ళిందా ?
ప్రాణాపాయ స్థితిలో, అంబులెన్స్ బుక్ చెయ్యగలవా ?
నన్ను హాస్పిటల్ దాకా తీసికెళ్ళగలవా ?
ఇన్సూరెన్స్ కార్డు ఎక్కడుందో, ఎప్పుడైనా పట్టించుకున్నావా ? దాన్ని ఎలా వాడాలో తెలుసా ?
నీ మనవలతో ఎన్నిసార్లు ఫోన్లో మాట్లాడినా,
'మీరు అన్నీ నేర్చేసుకోండి, వంట, ఈత, కారు డ్రైవింగు, కరాటే, డాన్సు, సంగీతం, అన్నీ వచ్చెయ్యాలి' అని వాళ్ళకి క్లాసులు తీసుకుంటావు కానీ, నువ్వు, ఇక్కడ, నీకు అవసరమైన కనీస విషయాలు నేర్చుకుంటున్నావా?
భగవద్గీత రోజూ చదువుతుంటావే...
అందులో దేవుడు ఏం చెప్పాడో, అవన్నీ వంటబట్టించుకుంటున్నావా ?
అసలు నాకెంత పెన్షన్ వస్తుందో చెప్పు చూద్దాం...
ప్రతి నెలా మనకెంత ఖర్చవుతుందో తెలుసా, నీకు ?
మన ఇంటికి ఎంత టాక్స్ కడుతున్నాం ? ఎంతసేపూ
నీ చీరలు, నగలు, ఇంట్లో వున్న గిన్నెలు, తప్పేళాలూ జాగ్రత్తగా చూసుకుంటావుగానీ...
ఇంట్లో గ్యాస్ అయిపోతే, బుక్ చేయగలవా ?
కరెంట్ బిల్లు ఎక్కడ కట్టాలో, ఎలా కట్టాలో తెలుసా ?
నీ ఫోన్ నువ్వు రీఛార్జ్ చేసుకోగలవా?
మనకి, ఏ బ్యాంకులో, ఎన్ని డిపాజిట్లు ఉన్నాయో,
ఆ రసీదులు ఎక్కడున్నాయో పట్టించుకున్నావా ?
నీ పేరున వున్న బ్యాంకు అకౌంటు తాలూకు
నెట్ బ్యాంకింగ్ ని, ఎలా ఆపరేట్ చెయ్యాలో,
కనీసం, దాని పాస్ వర్డ్ ఏమిటో గుర్తుంచుకుంటావా ?
నేను రాసిన వీలునామా ఎక్కడుందో గుర్తుందా ?
అన్నీ నేనే చూడాలా ? నేను నీకు గుమాస్తానా ?"
"మీరు చాలాసార్లు చెప్పారు కానీ...
నాకు బుర్రలోకి వెళ్ళవు ! హాయిగా, అండగా,
మా ఆయనుండగా, ఆ గొడవలన్నీ నాకెందుకు, దండగ !"
"అక్కడే వచ్చింది, నీలాంటి వాళ్ళతో చిక్కు !
నువ్వు ఆ రోజుల్లో ఇంటర్ పాసయ్యావు కానీ,
లోకజ్ఞానం మాత్రం నీకఖ్ఖర్లేదు ! పోనీ, నేను చెబుతుంటే...నన్ను, నా మాటల్ని పట్టించుకోకుండా,
ఏదో ఒకటి చెప్పి, అక్కణ్ణించి జారుకుంటావ్...
ఈసారి నుంచీ, రాత్తిళ్ళు పడుకోబోయే ముందు,
నువ్వు వెళ్ళిపోతే నేను ఎలా బతుకుతాను అని కాకుండా, నేను వెళ్ళిపోతే నువ్వు ఎలా బతకాలో ఆలోచించు !"
"బాబోయ్, ఇలాంటివన్నీ నాతో అనకండి,
తల్చుకుంటేనే భయం వేస్తోంది !
దేవుడా, నన్నే ముందర తీసికెళ్ళిపో..."
"ఆయన మనం చెప్పినట్టు వినడు, ఆయన చేసేవన్నీ మనమే వినమ్రంగా స్వీకరించి, మనోధైర్యంతో,
ఆయన ఇచ్చిన అవకాశాల్ని వినియోగించుకుంటూ,
మన శేషజీవితాల్ని ప్రశాంతంగా లాగించెయ్యాలి...
అర్థమైందా, తెలిసిందా, బోధపడిందా ?"
"బాబోయ్, ఎరక్కపోయి మీతో ఏదో మనసులో
మాట చెబితే, మీదంతా రివర్స్ ఇంద్రజిత్తా లేదా నరేంద్రజిత్తా !
మనసంతా పాడైపోయింది...కాసేపు దేవుడి పుస్తకాలు చదువుకుంటూ, దేవుడు గూడు దగ్గర కూర్చుని వస్తాను..."
"ఆ దేవుడు చెప్పేది కూడా అదే...
'కర్తవ్యము నీ వంతు - కాపాడుట నా వంతు' అని !"
దట్స్ ఆల్ యువర్ హానర్.....
******
Saturday, June 7, 2025
పర్యావరణ జాజి
పర్యావరణ జాజి
దూరవిద్య ద్వారా రెండు పీజీలు చేసిన "జాజి "అనే వ్యక్తి వారానికి ఐదు రోజు పొద్దున్నే తన బండి తీసుకుని, నల్లమల అడవిలోకి వెళ్ళి ,అక్కడ కనిపించే ప్లాస్టిక్ వ్యర్థాలు లాంటివి తను తెచ్చుకున్న సంచీ లో వేసి తెచ్చి చెత్త ఇరుకునేవాళ్లకి ఇస్తాడు.ఇలా పాతికేళ్ల నుండి చేస్తున్నాడు..అలాగే వర్షాకాలం మొదలవగానే విత్తనాలను తీసుకెళ్లి రోడ్డుకి పక్కన ఖాళీ ప్రదేశాల్లో చల్లేసి వస్తాడు.. కొన్నాళ్ళకి అవి మొలకెత్తాయో లేదో చూసుకుని వస్తాడు.
పల్నాడు కి చెందిన "జాజి" దినచర్య ఇది.జాజి అసలు పేరు komera Ankarao .
అంతేకాదు ప్రకృతి పాఠశాల పేరు తో పుస్తకం రాశాడు.తన ప్రాంతం కి చుట్టూ ఉండే ఐదువేల పైన పాఠశాలకు వెళ్ళి పిల్లలకి ప్రకృతి పరిరక్షణ పై అవగాహన కార్యక్రమాలు చేశాడు.
ఎన్నో పురస్కారాలు వచ్చాయి.
The week మ్యాగజైన్ ఈతని మీద ఒక కథనం రాసింది.
అడవులు పర్యావరణ పరిరక్షణ అంటూ తనపని తను చేసుకుంటూ, ప్లాస్టిక్ వ్యర్థాలను పక్షులు, జంతువులు తినకుండా ఏరిపారేస్తూ ,భూమ్మీద మనిషిగా పుట్టినందుకు ఎంతో కొంత కాకుండా తలకుమించిన భారాన్ని ఇష్టం గా మోస్తూ ప్రకృతి కోసం కష్టపడుతున్న ఫారెస్ట్ మ్యాన్ ( జాజి) అంకారావ్ కొమెర ను అటవీ పరిరక్షణ సలహాదారు గా ఏపీ ప్రభుత్వం నియమించింది..
అతనో సంచీ భుజానికి తగిలించుకుని అడవుల్లో కనిపించే వ్యర్థాలను ఒక్కడే సంచీలో వేసుకుని తిరగడం చూసి అతని కి పర్యావరణం పట్ల ఉన్న బాధ్యత చూసి,ఈరోజు అతన్ని వెతుక్కుంటూ వచ్చిన అధికారం చూసి నల్లమల నుండి చిన్న చిన్న అడవుల్లో ఉండే చాలామంది సంతోషపడతారు.
నాన్నా రియల్ హీరో..
నాన్నా రియల్ హీరో..
ఒకరోజు ఒక అమ్మాయి తన తండ్రి దగ్గరకి వచ్చింది,
" నాన్నా..! నేను ఈ కష్టాలు పడలేను. నాకు జీవితం అంటేనే విసుగేస్తోంది.
నాకే ఇన్ని కష్టాలు రావాలా..? " అంటూ తన బాధలను చెప్పుకుంటూ
వెక్కి వెక్కి ఏడవడం మొదలుపెట్టింది.
తండ్రి మౌనంగా విన్నాడు. ఏమీ మాట్లాడలేదు.
చిన్నగా నవ్వుకుంటూ వంటింట్లోకి నడిచాడు.
గ్యాస్ పొయ్యి మీదున్న - మూడు బర్నర్ల మీద మూడు గిన్నెలు పెట్టాడు.
వాటిల్లో నీళ్ళు పోసి ఒకదానిలో బంగాళా దుంపలు ( ఆలుగడ్డలు),
మరొకదానిలో కోడిగుడ్లు, ఇంకో గిన్నెలో కాఫీగింజలు వేశాడు.
తండ్రి తనతో అలా నిర్లక్ష్యముగా ఉండి,
ఏమీ మాట్లాడకుండా చేస్తున్న పని మీద కోపం వస్తున్నా -
అలాగే చూడసాగింది ఆ అమ్మాయి.
అలా 20 నిముషాలు మరిగించాక - స్టవ్ ని కట్టేసి, ఆ గిన్నెలను దింపి,
వాటిని కూతురు ముందు పెట్టి ఏమి జరిగిందో పరిశీలింఛి చెప్పమన్నాడు.
నాన్న ' అలా ఎందుకు చేసాడా పని..' అని అయోమయముగా ఉన్న ఆ కూతురు వాటిని పరిశీలించాక అంది,
" ఏముందీ..! దుంపలు మెత్తబడ్డాయి. కోడిగుడ్డు గట్టిపడింది.
కాఫీ డికాషన్ వచ్చింది........
అయినా ఇదంతా నన్ను ఎందుకు అడుగుతున్నావు నాన్నా?.. " అంది.
అప్పుడు ఆ తండ్రి చిన్నగా నవ్వి,
" ఆ మూడింటికీ ఒకే రకమైన ప్రతికూలత ఎదురయ్యింది. అంటే ఒకేలా ఒకే రకమైన గిన్నెల్లో, అదే గ్యాస్ వేడినీ, వేడి నీటినీ చవిచూశాయి.
కానీ, ఒక్కొక్కటి ఒక్కొక్క రకంగా స్పందించాయి అని గమనించావా?
మామూలుగా గట్టిగా ఉండే దుంపలు ఇప్పుడు మెత్తబడ్డాయి.
చితికిపోయే గుడ్డు గట్టిపడింది.
గట్టిగా ఉండే కాఫీ గింజలు మెత్తపడి, వాటిలోని రసాన్ని ఊరించి,
నీటిరంగునే మార్చింది.. అవునా..!!
ఇప్పుడు చెప్పు..
వీటిల్లో - నీవు ఎలా ఉండాలి అనుకుంటున్నావు?
మెత్తబడిపోతావా..? ( ఇప్పుడు నీవున్న స్థితి అదే.. )
గట్టిపడిపోతావా..?
పరిస్థితులను మారుస్తావా...?
ఇక్కడ నీదే ఎంపిక,
దానిమీదే ఇందాక నీవడిగిన ప్రశ్నకి సమాధానం ఉంది.." అన్నాడు.
ఆ అమ్మాయి మొఖంలో ఏదో తెలీని వెలుగు. కన్నీళ్లు ఆగిపోయాయి. బాధలేదు.
దాని బదులుగా ఆ కళ్ళల్లో అంతులేని ఆత్మవిశ్వాసం కనిపించింది..
" నాన్నా! యూ ఆర్ మై రియల్ హీరో.. మెంటార్.. ఎవర్ అండ్ ఫరెవర్.." కృతజ్ఞతాభావంతో అంది...
100 మందికి చేరేలా షేర్ చేయండి
Thursday, June 5, 2025
పిన్ కోడ్ కు ఇక సెలవు
*పిన్ కోడ్ (PIN CODE) కు ఇక సెలవు!*
〰️〰️〰️〰️〰️〰️〰️〰️〰️
*డిజి పిన్ను (DIGI PIN) ఆవిష్కరించిన పోస్టల్ శాఖ* ఇది మన దేశ కొత్త చిరునామా వ్యవస్థ.
*ముఖ్యమైన ప్రయోజనాలు*
4 చదరపు మీటర్ల వైశాల్యంలో కచ్చితమైన ప్రదేశాన్ని గుర్తించవచ్చు.
చిరునామా రాసేటపుడు ఉపయోగించే పిన్ (పోస్టల్ ఇండెక్స్ నంబర్) కోడ్ అవసరం తగ్గబోతున్నది. తపాలా శాఖ కొత్తగా డిజిటల్ చిరునామా విధానం డిజిపిన్ ను ప్రారంభించింది.
* *పిన్ కోడ్ ఓ ప్రాంతానికి సంబంధించినది కాగా,*
* *డిజిపిన్(DIGI PIN) ఓ ఇల్లు లేదా భవనానికి కచ్చితమైన గుర్తింపు సంఖ్య.* దీనిలో 10 క్యారెక్టర్లు (అంకెలు, అక్షరాలు, గుర్తులు) ఉంటాయి. దీనిని ఉపయోగించినప్పటికీ తపాలా చిరునామా మారదు. అయితే, డిజిపిన్ అనేక రంగాలకు విస్తరించిన తర్వాత, జీఐఎస్ సిస్టమ్స్ ఇంటిగ్రేట్ అయిన అనంతరం సవివరమైన తపాలా చిరునామాను ఇవ్వవలసిన అవసరం తగ్గుతుంది.
*ఆఫ్లైన్లోనూ* ..
కూడా ఉపయోగించు కోవచ్చు. దీనికి సంబంధించిన ప్రోగ్రామింగ్ కోడ్స్ తపాలా శాఖ పబ్లిక్ డొమైన్లో ఉంచింది. దీని ద్వారా ప్రజలు డిజిపిను డీకోడ్ చేయవచ్చు.
అత్యవసర సేవలు, డెలివరీస్ ను సమర్ధవంతంగా నిర్వహించవచ్చు.
అన్ని రకాల ప్రదేశాలకు ఈ విధానాన్ని
*డిజిపిన్ను ఎలా పొందాలి?*
https://dac.indiapost.gov.in/mydigipin/home 2
డిజిపిన్ ను పొందవచ్చు. ఈ వెబ్సైట్ను సందర్శించి, తమ ఇంటిని గుర్తించి, డిజిపిన్ ను సృష్టించవచ్చు. అంబులెన్స్. అగ్నిమాపక శకటాలు వంటి అత్యవసర సేవలు సకాలంలో అందడానికి ఈ డిజిపిన్ దోహదపడుతుంది. ముఖ్యంగా మారుమూల ప్రాంతాలవారికి ప్రయోజనకరం. అంతేకాకుండా ఆన్లైన్ షాపర్స్, లాజిస్టిక్స్ ప్రొవైడర్స్ వంటివారికి, ఫ్లిప్ కార్ట్, అమెజాన్ వంటి ఆన్లైన్ ఈ-కామర్స్ ప్లాట్ఫామ్స్ వేగంగా, కచ్చితంగా డెలివరీ చేయడానికి కూడా ఇది ఉపయోగపడుతుంది.
*ఉపయోగించవచ్చు* .
వ్యక్తిగత డాటాను స్టోర్ చేయరు కాబట్టి వ్యక్తిగత గోప్యత ఉంటుంది.
*డిజిపిన్ గురించి*
ఇది దేశవ్యాప్తంగా జియోకోడెడ్ అడ్రసింగ్ సిస్టమ్. దీనిని ఐఐటీ హైదరాబాద్, ఇస్రో లోని ఎస్ఆర్ఎస్సీలతో కలిసి తపాలా శాఖ అభివృద్ధి చేసింది. ఇది భారత దేశాన్ని సుమారు 4m x 4m గ్రిడ్స్ (ఇండ్లు, కార్యాలయాలు, సంస్థలు మొదలైనవాటి)గా విభజిస్తుంది. ప్రతి గ్రిడ్కు అక్షాంశాలు, రేఖాంశాల
ఆధారంగా 10 క్యారెక్టర్ల ఆల్ఫాన్యూమరిక్ కోడ్ను ఇస్తుంది.
*పిన్కోడ్, డిజిపిన్ మధ్య తేడా*
సాధారణ తపాలా చిరునామాలో ప్రాంతం, వీధి, ఇంటి నంబరు ఉంటాయి. డిజిపిన్లో 10 క్యారెక్టర్ల ఆల్ఫాన్యూమరిక్ కోడ్ ఉంటుంది. ఇది అక్షాంశాలు, రేఖాంశాల స్థానాల ఆధారంగా ఉంటుంది. స్పష్టమైన చిరునామా చెప్పే అవకాశం లేని గ్రామీణ ప్రాంతాలు, అడవులు, మహాసముద్రాలు వంటివాటిలో డిజిపిన్ ఎంతో ఉపయోగకరం.
〰️〰️〰️〰️〰️〰️〰️〰️〰️〰️
Wednesday, June 4, 2025
నాన్నను మరచి పోతున్నామా...
నాన్నను మరచి పోతున్నామా...
*నాన్నకు కన్నీళ్లు ఉన్నాయి*
*నాన్నలందరికి అంకితం..*
*దయచేసి పూర్తిగా చదవండి
*నాన్న మనకోసం ఏం చేశాడో..*
*ఏం కోల్పోయాడో మనకు తెలియదు..!*
*జీవితాంతం పిల్లల కోసం తపిస్తూ..*
*వారి అభివృద్ధి కోసం పాటుపడే వ్యక్తి తండ్రి.*
*తన పిల్లల కోసం జీవితంలో ఎన్నో కోల్పోతాడు తండ్రి. నాన్న మన కోసం ఏం చేశాడో మనకు తెలియదు.*
*ఎన్ని కష్టాలు పడ్డాడో తెలియదు..!*
*ఎందుకంటే..నాన్న ఎవరికీ చెప్పడు.*
*పిల్లలకి, భార్యకి అసలు చెప్పడు.*
*అమ్మలా ప్రేమను బయటికి చూపించడం నాన్నకు రాదు. నాన్న ఇంటికి ఎప్పుడో వస్తాడు, వెళ్లిపోతాడు.*
*బిజీగా ఉన్న నాన్న రాత్రి పూట ఇంటికి వచ్చి మంచం మీద ఎదుగుతున్న పిల్లల్ని చూస్తుంటాడు..*
*"ఎప్పుడూ పనేనా..? కాస్త ఇంటి దగ్గర ఉండొచ్చుగా.."* *అని చిరాకు పడుతున్న అమ్మ మాటలు వింటుంటాం.*
*పిల్లలు కూడా నాన్నను మిస్‌ అవుతుంటారు.*
*నిజానికి నాన్నను నాన్నే మిస్‌ అవుతుంటాడు.*
*పెళ్లై, పిల్లలు పుట్టగానే నాన్న జీవితం నాన్న చేతుల్లో ఉండదు.*
*మనందరి కోసం నాన్న రాత్రి, పగలు పనిచేయాలి.* *చదువులు, సమస్యలు, బంధువులు, పండగలు, బర్త్‌డేలు, ఆసుపత్రులు..*
* *వీటన్నింటితో నాన్న నలిగిపోతుంటాడు.*
*ఆయనకు ఆరోగ్య సమస్యలు వస్తుంటాయి.*
*వృద్ధాప్యం వల్ల అని పిల్లలు అనుకుంటారు.*
*వృద్ధాప్యం ఇంకా రాలేదు..*
*మీ కోసం అనుక్షణం కరిగిపోతూ, కాలిపోతున్న నాన్నకి లోపల ఆరోగ్యం ఎంత దెబ్బ తింటోందో తెలియదు.* *నాన్న డాక్టర్‌ను కలిసిన విషయం కూడా మనకు తెలియదు.*
*ఎందుకంటే..ఆ రిపోర్ట్‌లు తీసుకుని ఇంటికి రాడు.*
*తన పిల్లలు గొప్ప వాళ్లు అవుతారని నాన్నకు విపరీతమైన నమ్మకం.* *అందుకే అప్పులు చేసి చదివిస్తాడు.*
*ఆఫీసుకు సెలవు పెట్టి, స్కూల్‌లో పిల్లల సీటు కోసం లైన్‌లో నిల్చుంటాడు.*
*మీరు పరీక్ష రాస్తుంటే బయట* *రోడ్డు పక్కన ఎండలో నిల్చుని ఉంటాడు.*
*పిల్లలు ఏదో సాధించేస్తారని ఆశ.*
*ఆస్తులు అమ్మేసి కూతురి పెళ్లి ఘనంగా చేస్తాడు.*
*ఎక్కడ, ఎన్ని సంతకాలు పెడతాడో మనకు తెలియదు.* *కొన్ని వందల సార్లు అమ్మ ఏడ్వడం చూశాం కానీ, నాన్న ఏడ్వడం ఎప్పుడైనా చూశారా..?*
*నాన్న కూడా ఏడుస్తాడు.*
*కానీ మీ ముందు ఏడ్వడం ఆయనకు ఇష్టం ఉండదు. ఎక్కడో ఒంటరిగా కూర్చుని ఏడుస్తాడు.*
*పిల్లలు పెద్దయి, ఏదో పని చేసుకునే సమయానికి..*
*నాన్న అన్నీ అమ్ముకుని, అంతా ఆరిపోయి, అంతంత ఆరోగ్యంతో మిగిలిపోతాడు.*
*అప్పుడే పిల్లలు నాన్నకు ఎదురు చెప్పడం మొదలు పెడతారు.*
‘ *ఇన్నాళ్లూ వీళ్ల కోసం ఇంత చేశానా..?*
*నేను ఎవరి కోసం బతికాను..?’*
*అనే ఆలోచనలు నాన్నకు వస్తాయి.*
*‘నా కోసం నేను ఏదీ దాచుకోలేదే..’ అనుకుంటాడు.*
*నిజానికి ‘నేను’ అనే ఆలోచన అప్పటి వరకు నాన్నకు తెలియదు.*
*ఉన్న రెండు ఎకరాలు నాన్న పోగొట్టాడు అనుకుంటాం. ఎందుకంటే అమ్మ అలాగే చెబుతుంది కాబట్టి.*
*ప్రతి కొడుకు ఏదో ఒక సమయంలో నాన్నను ఏడిపిస్తాడు.*
*నాన్న గుండెల పై తంతాడు. అప్పటికి ఏడ్వడానికి నాన్నకు కన్నీళ్లు కూడా మిగలవు.*
*అవి ఎప్పుడో ఆవిరైపోయుంటాయి.*
*కొడుకు ఎంత మంచివాడు..* *ప్రయోజకుడైతే తండ్రి అంతే ఎక్కువ బాధ్యతగా సమస్యలు ఎదుర్కొంటాడు. అతడికి ఎంత సక్సెస్‌ వస్తే.. అంత ఎక్కువగా తండ్రిని ఏడిపిస్తాడు.*
*(పాజిటివ్ గా ఆలోచించండి) ఇది నిజం.*
*మీకు కొడుకు పుడితే వాడి స్నేహితుల పేర్లు గుర్తుంటాయి.*
*బర్త్‌డే వస్తే, పిల్లల్ని ఆహ్వానిస్తాం.*
*కానీ, మీ నాన్న స్నేహితులు ఎవరో మీకు తెలియదు.* *అసలు మీ నాన్న పుట్టిన రోజు కూడా మీకు గుర్తుండదు. ఎందుకంటే*
*మీ పిల్లలే మీ భవిష్యత్తని ఫీల్‌ అవుతారు. నాన్న మీ భవిష్యత్తు కాదు. కానీ నాన్నకు మీరే భవిష్యత్తు..*
*మీ కోసం రిస్క్‌ తీసుకోలేక, ధైర్యం సరిపోక మీ నాన్న తన కెరీర్‌ను నాశనం చేసుకున్నాడు.*
*మీ మూలంగానే మీ నాన్నలో ఉన్న ఎనర్జీ పోయింది. ఎక్స్‌ట్రార్డినరీ అవ్వాల్సిన ఎంతో మంది నాన్నలు జీవితంలో తమ పిల్లల కోసం ఆర్డినరీగా మిగిలిపోయారు..’*
*అమ్మానాన్నలు బ్రతికున్నంత వరకు బాగా చూసుకోండి*
*ప్రతీ నాన్నకు నా సెల్యూట్*
Subscribe to:
Posts (Atom)
