NaReN

NaReN

Saturday, April 8, 2023

కొంచెం రిలాక్స్ కోసం...🤪🤪😂😂🤣🤣

 కొంచెం రిలాక్స్ కోసం...🤪🤪😂😂🤣🤣


'నాన్నా .. అమెరికా లో నా ఉద్యోగం పోయేలా ఉంది '


'ఏం ఫర్లేదు .. వెంటనే ఇక్కడికొచ్చేయి '


'వచ్చి ఏం చెయ్యాలి ?'


'ఓ స్కూలు పెట్టు ?'


'ఏ స్కూలు ? డ్రైవింగ్ స్కూలా ?'


'నీ మొహం .. ఇంటర్నేషనల్ స్కూలు .. స్టార్టెడ్ బై ఫారిన్ రిటర్న్డ్ ఎన్నారై అని టాగ్ లైన్ పెడదాం '


'ఎన్నారై అంటేనే ఫారెన్ కి వెళ్లినవాడు కదా .. మళ్ళీ ఫారిన్ రిటర్న్డ్ ఎందుకు ?'


'నువ్వు తిరిగొస్తున్నావుగా ..అందుకు .. అయినా మన వాళ్ళు ఫారిన్ రిటర్న్డ్ అంటే బొద్దింకనైనా నెత్తినెట్టుకుంటార్రా .. '


'సరే .. స్కూలెక్కడ పెడదాం ? బోల్డు స్థలం, పర్మిషన్లు  గట్రా కావాలి కదా '


'ఏవఖ్ఖర్లేదు .. మన అపార్ట్మెంట్ కాంప్లెక్సులో నువ్వు పంపిన డబ్బుల్తో మూడు ఫ్లాట్లు కొన్నాం కదా .. రెండు ఫ్లాట్లు కలిపి స్కూలెట్టేద్దాం '


'అపార్టుమెంట్లో స్కూలా ?.. జనం వస్తారా ?'


'జనందేముంది ?.. ఏవెట్టినా వస్తారు .. కొంచెం హడావిడి చెయ్యాలంతే .. '


'హడావిడి ఏమిటి ?'


'అంటే .. ఆల్రౌండ్ డెవలప్మెంట్ అఫ్ కిడ్స్ , మల్టీ-లాంగ్వేజ్ స్కిల్స్ , టాబ్లెట్ బేస్డ్ టీచింగ్, హార్స్ రైడింగ్ , స్విమ్మింగ్  లాంటివి బ్రోచర్ లో పెట్టామంటే .. ఇంక చూస్కో '


'ఏమిటీ ..అవన్నీ నేర్పిస్తామా ?'


'మరదే ..రోజూ చిప్సూ , అడ్డమైన చెత్తా మన స్కూల్లో కొనిపిస్తాం కదా ..గుండ్రం గా పెరుగుతారు.. అదే ఆల్రౌండ్ డెవలప్మెంట్  , ఇంక ఆళ్ళు ఎలాగా ఇంట్లో ఇంగ్లిష్ మాట్లాడతారు , మన స్కూల్లో తెలుగు , హిందీ చెప్పేమనుకో అదే మల్టీ లాంగ్వేజ్ స్కిల్స్ .. టాబ్లెట్ లో గేమ్స్ నేర్పిద్దాం .. టాబ్లెట్ బేస్డ్ టీచింగ్ .. ఆళ్లిచ్చే డొనేషన్ తో వచ్చే ఏడాది కల్లా .. శంషాబాద్ తర్వాత చీపుగా ల్యాండ్ కొనేసి ఇంటర్నేషనల్ క్యాంపస్ అని ఓ బిల్డింగ్ కట్టేసి , పక్కనే ఒక స్విమ్మింగ్ పూలూ , ఓ రెండు గుర్రాలూ కొన్నామంటే సరిపోద్ది '


'బావుంది ..కానీ ఇన్నేసి స్కూళ్ళు ఉండగా మన స్కూలుకే ఎందుకెక్కువగా రావాలి ?'


'ఎందుకంటే .. మన స్కూల్లో ఫీజెక్కువ కాబట్టి .. మన ఎదవ జనానికి రేటెక్కువ అంటే క్వాలిటీ ఎక్కువ కామోసనుకునే వెర్రి ఉందిగా మరి !'


'మరి పర్మిషన్లు ?'


'పర్మిషన్లదేముంది ? గులాబీ రంగు బోర్డెట్టి , గులాబీ రంగు యూనిఫారం పెట్టి , లోకల్ ఎమ్మెల్యే ని ఓపెనింగ్ కి పిలిచేమంటే , మనం స్కూలు రోడ్డు మీదెట్టినా ఎగురుకుంటూ వచ్చి, పర్మిషన్లిచ్చి, ఓపినింగు చేసేస్తాడు '


'బావుంది ..స్కూలుకి పేరేం పెడదాం?.. తాతయ్య పేరెడదామా ?'


'నువ్వింకా ఎదగలేదురా ఎదవా .. జోగారావు ఇంటర్నేషనల్ పబ్లిక్ స్కూల్ అని పెడితే ఎవ్వడూ రాడు .. అందుకే ..


'ఆఁ ..అందుకే ?'


'సెయింట్ జోగా ఇంటర్నేషనల్ పబ్లిక్ స్కూల్, బై ఎన్నారైస్ , ఫర్ ఎన్నారైస్ , ఆఫ్ ఎన్నారైస్  అని పెట్టేమంటే గచ్చిబౌలి నుంచి అమీర్ పేట దాకా ఉన్న వెర్రాళ్లందరూ ఎగబడి మరీ వాళ్ళ పిల్లల్ని జాయిన్ చేసేస్తారు '. 😄😄😄

Friday, April 7, 2023

లంగూడీ అంటే తెలుసా

 ✍️✍️✍️✍️✍️✍️✍️✍️✍️✍️✍️


                   *లంగూడీ* 

                🟰🟰🟰🟰🟰

ఓ రోజున తెలుగు మేష్టారు సెలవు పెడితే ఆ క్లాసుకి నన్ను వెళ్ళమన్నారు   హెడ్మాష్టారు.

నాకు తెలుగులో పాండిత్యం లేదనీ, వ్యాకరణం క్షుణ్ణంగా చదివి ఉండలేదనీ యెట్లా తెలిసిందో మరి; కొందరికి తెల్సింది. తెల్సిందని నేనను కొంటున్నాను. లేకపోతే ఓ కుర్రాడు లేచి నాప్రాణానికి ' లంగూడీ అంటే ఏమిటండీ' అంటూ ఎందుకు అడుగుతాడు? 

లంగూడీ! లంగూడీ ఏమిటి? ఇదెక్కడి మాటరా దేవుడా! ఎప్పుడూ వినలేదే!

నాలో బయలుదేరిన గాభారాని పైకి కనబడనీయకుండా కోపంగా ముఖం పెట్టి 

' సమాసంబులం బ్రాతాదుల తొలియచ్చు' సూత్రం అర్థం అయిందా? అన్నా.

అది అర్థం అయిందండీ లంగూడీ యే అర్థం కాలేదండీ అన్నాడు వాడు.

అతగాడి వరస చూస్తే యుద్ధానికి సిద్ధం అవుతున్న ప్రత్యర్థిలా కనిపించాడు.

ఓటమి నంగీకరంచ కూడదు.  అందుకే బింకంగా వ్యాకరణం క్లాసులో ఇతర విషయాలు అడక్కు అన్నా.

' ఇది వ్యాకరణానికి సంబంధించిన దేనండీ ' వాడెంత సౌమ్యంగా అన్నా నా ప్రాణాలతో ఆడుకుంటున్నట్లు అనిపించింది. 

అప్పటికే పిల్లలు ఒకరి మొఖం ఒకరు చూసుకొంటూ తలలు వంచుకుని ముసిముసి నవ్వులు నవ్వుకొంటున్నారు. ఇంతలో నా పాలిటి భగవంతుడులా  స్కూలు ప్యూను బెల్లు కొట్టేడు. బ్రతుకు జీవుడా అనుకుని దాని అర్థం వచ్చే క్లాసులో చెప్తా లేవోయ్ అని బయట పడ్డాను.

తర్వాత ఆ మాట కోసం ఎన్ని నిఘంటువుల్ని తిరగేశానో లెఖ్ఖ లేదు!

ఎవర్నైనా అడుగుదామంటే నామోషీ. అసలు అసలలాటి పదం ఉందో  లేదో తెలీదు.

'మేష్టారూ వాడు మిమ్మల్ని ఏడిపించడానికి అన్నట్టున్నాడండీ అని వాళ్ళు నవితే?

అందుకే ఆ సంగతి అంతటితో మరిచి పోయాను.  కనీసం మరిచిపోయినట్లు నటించాను.

కానీ, ఆ గడుగ్గాయి కుర్రా డెందుకు మరిచి పోతాడు?  నన్ను ఏడిపించ డానికే కంకణం కట్టుకొన్నాడు. తర్వాత క్లాసులో అడగనే అడిగేడు.  నేను భయపడి నంతా అయ్యింది.

నేను తెల్లమొహం వెయ్యడం, తబ్బిబ్బు పడడం, వాడు కూర్చోకుండా అర్థం చెప్పవలసిందే అన్నట్లు జండా కొయ్య లాగా నుంచునే ఉండడం, తక్కిన పిల్లల్లో కొందరు చాటుగానూ, కొందరు బాహాటంగానూ నవ్వుతూ ఉండడం - నాకు తెలియదు అని చివరికి ఓటమిని అంగీకరించి ' అయినా ఎక్కడుంది ఆ మాట? ' అని చిరాకు పడ్డాను.

ఇదిగోనండీ ఈ వ్యాకరణ పుస్తకంలో అంటూ ముందుకు వచ్చాడు. నా గుండె గుభిల్లుమంది.  తీరా  వాడిచ్చిన పుస్తకం చూద్దును కదా నాకూ నవ్వు వచ్చింది.  అప్పటికే సముద్రఘోషలా ఉంది క్లాసంతా నవ్వులతో.  

ఇంతకీ అదేంటో తెలుసాండీ?.....చిన్నయ సూరి వ్యాకరణ సూత్రంలో మాట అది. " ఇ, ఈ, ఎ, ఏ లం గూడి " అని. లం అనే అక్షరాన్ని దాని ముందు అక్షరంతో కలపకుండా తర్వాత అక్షరంతో కలిపి చదివి నా ప్రాణమూ పరువూ రెండూ తీశాడు.

తెలియక అలా చేశాడంటారా? ఒక్క నాటికీ నమ్మను.


తొలి శాసనంలో తెలంగాణం!!

 *తొలి శాసనంలోతెలంగాణం!!*


" తెలంగాణ " పదాన్ని తొలిసారిగా ప్రస్తావించిన "శాసనం" రాజదాని హైదరాబాదుకు సమీపంలోనే వుందన్న

విషయం చాలామందికి తెలియదు!!

సంగారెడ్డి జిల్లా రామచంద్రపురం మండలం

BHEL కంపెనీ  లింగంపల్లి దగ్గరలో గల

"తెల్లాపూర్" గ్రామంలో వున్న ఈ శాసనాన్ని

తెల్లాపూరు శాసనంగా తెలంగాణ శాసనంగా

వ్యవహరిస్తారు!!

దీన్ని వేయించింది #విశ్వకర్మ వంశస్థులైన

నాగోజు, అయ్యలోజు, వల్లభోజులు!!


ఈ శాసనాన్ని చెక్కింది ఓజు రుద్రోజు, సిరిగిరోజులు!! క్రీ.శ. 8-1-1418 నాటిది ఇది!!

24 పంక్తులు గల ఈ శాసనం దాదాపు

600 ల సంవత్సరాలనాటిది!! ఇది 1986లో

లభించింది!! ఈ శాసనము 13వ పంక్తిలో

#తెలంగాణపురం అని వున్నది!! అది రాను

రాను తెల్లాపూరు గ్రామంగా మారింది!!


*శాసనసంగ్రహం!!*


#విశ్వకర్మ వంశంలో జన్మించిన మయిలోజు

పుత్రుడు పోచోజు. ఇతని కుమారుడు నాగోజు

ఈయన కుమారుడు మల్లోజు!!

మల్లోజు  పుత్రులైన నాగోజు, అయ్యలోజు,

వల్లభోజులు  తెలంగాణాపురంలో "నడబావి"

ని ఆచంద్రార్కం వుండేలా నిర్మించారు!!

ఈ బావికి  కలు కంబాలు(రాతిస్థంబాలు)

ఏతామును నిర్మించి, నీటిని ఉత్తర కొసన

వన్న మామిడితోటకు పారేవిధంగా ఏర్పాటు

చేశారు!(ఇందులో వున్న "ఉత్తరంపుగొమ్మనం"

పెట్టించిన మామిడివనం)అనే పదప్రయోగం

వున్నది! మేము మామిడివనం పెట్టినం!

మామిండ్లు మా ఇండ్లు అనే ప్రయోగాలు

తెలంగాణాలో వాడుకలో వున్నాయి!!


మరోవ్యక్తి అయ్యలోజు అప్పటి బహమనీ

సుల్తాను తాజుద్దీను ఫిరోజు షా పట్టపురాణికి

బంగారు గాజులు, మెడలో హారాలు చేశారట!

అంటే ఆ వంశస్థులకు ఆనాటి పాలకులతో

మంచి సంభంధాలు వుండేవి అని తెలుస్తుంది!


*ప్రస్తుతం*


చుట్టూ ఇళ్ళమధ్యన కాసింత స్థలంలో

నాలుగున్నర ఎత్తైన పీఠం మీద వేప చెట్టు

కింద ఆలయాల్లో వుండే "నాగినశిల"ను

తలపిస్తూ నిలచి వుంది ఈ శాసనం!!

విశ్వకర్మ వంశస్థులు నిర్మించిన "నడబావి"

ఇప్పుడు లేదు. 


*కొసమెరుపు*


* ఒకప్పటి విశ్వకర్మ వంశస్థుల వైభవం! వారే

శాసనాలు లిఖంప జేశారంటే అక్కడి ప్రాంత

సామంత ప్రభువులైనా వుండాలి!! లేదా గ్రామ

అధికారులైనా అయివుండాలి!!


* శాసనాలు చెక్కడంలో కానీ రాగి రేకులపై

చారిత్రక అంశాలతో పాటు, పురాణగాథలను

కానీ మంత్ర,యంత్ర విషయాలను వ్రాయటం లో గాని విశ్వకర్మీయులది అందె వేసిన చేయి!!


*వారు "ఓజు" లు అని పిలువబడేవారు!!

తాళపత్ర గ్రంథాలు లిఖించటంలో కూడ

వారు నైపుణ్యమును ప్రదర్శించేవారు!!

వారు "వ్రాయసగాండ్లు"గా ప్రసిద్ధినొందారు!!


*దేవాలయ శిల్పంలో కానీ ఆగమశాస్త్రాదుల

యందుగాని వారు బహు ప్రవీణులు!!

చారిత్రక శాసన నిర్మాణకర్తలు!!విశ్వకర్మలు!!

మొత్తము భారతజాతి వారికి ఋణపడివుంది!

దయచేసి నవ్వండి!

 *దయచేసి నవ్వండి!*

 మీరు ఉపాధ్యాయులైతే, మీరు నవ్వుతూ తరగతిలో ప్రవేశిస్తే, పిల్లల ముఖం పైన చిరునవ్వును చూస్తారు!


*దయచేసి నవ్వండి*

మీరు వైద్యులైతే, రోగికి నవ్వుతూ చికిత్స చేస్తే, అప్పుడు రోగి యొక్క విశ్వాసం రెట్టింపు అవుతుంది.


*దయచేసి నవ్వండి*

మీరు గృహిణి అయితే, ఇంటి పనులన్నీ నవ్వుతూ చేయండి, ఆపై చూడండి మొత్తం కుటుంబంలో ఆనందం వెల్లివిరుస్తుంది.


*దయచేసి నవ్వండి*

మీరు ఇంటి పెద్ద అయితే, మీరు సాయంత్రం నవ్వుతూ ఇంట్లోకి ప్రవేశిస్తే, మొత్తం కుటుంబంలో ఆనంద వాతావరణం ఏర్పడుతుంది.


*దయచేసి నవ్వండి*

మీరు ఒక వ్యాపారవేత్త అయితే మీరు సంతోషంగా కంపెనీలోకి ప్రవేశిస్తే, ఉద్యోగులందరి మనస్సు యొక్క ఒత్తిడి తగ్గుతుంది చూడండి.

 

*దయచేసి నవ్వండి*

మీరు దుకాణదారులైతే, నవ్వుతూ మీ కస్టమర్‌ను గౌరవిస్తే, కస్టమర్ సంతోషంగా ఉంటాడు, మరియు మీ దుకాణం నుండి వస్తువులను తీసుకుంటాడు, మీ బిజినెస్ పెరుగుతూనే వుంటుంది.


*దయచేసి నవ్వండి*

తెలియని వ్యక్తి వీధిలో తారసపడితే  వారిని చూసి చిరునవ్వు నవ్వండి, అతని ముఖం పై కూడా నవ్వు ని చూడవచ్చు, వాతావరణం ప్రశాంతత సంతరించుకుంటుంది.


*దయచేసి నవ్వండి*

ముఖం పై చిరునవ్వు కోసం  ఎలాంటి ఖర్చు అవసరం లేదు, కానీ చిరునవ్వు వల్ల మనతో పాటు మనవారి జీవితాల్లో అనందం చూడవచ్చు.


*దయచేసి నవ్వండి*

ఎందుకంటే మీ చిరునవ్వు చాలా ముఖాల్లో చిరునవ్వు తెస్తుంది.


*దయచేసి నవ్వండి*

ఎందుకంటే మీరు ఈ జీవితాన్ని మళ్ళీ పొందలేరు.


*దయచేసి నవ్వండి*

కోపంలో ఇచ్చిన దీవెనలు కూడా చెడుగా కనిపిస్తాయి, మరియు నవ్వుతూ, ప్రేమతో తిట్టినా కూడా బాధకలగదు, బాగుంటాయి.


*దయచేసి నవ్వండి*

ఎందుకంటే ప్రపంచంలోని ప్రతి వ్యక్తి వికసించే పువ్వులు, వికసించే ముఖాలు ఇష్టపడతారు.


*దయచేసి నవ్వండి*

ఎందుకంటే మీ నవ్వు ఎవరికైనా ఆనందాన్ని కలిగిస్తుంది.


*దయచేసి నవ్వండి*

ఎందుకంటే ఒకరినొకరు చూసుకున్న తర్వాత మనం నవ్వుతూనే ఉన్నంతవరకు కుటుంబంలో సంబంధాలు బాగాఉంటాయి.


*దయచేసి నవ్వండి*

ఎందుకంటే ఇది మానవుడి గుర్తింపు. ఒక జంతువు నవ్వలేదు. మానవులు మరియు జంతువుల మధ్య వ్యత్యాసం ఇదే! అందువల్ల, మీ స్వంతంగా చిరునవ్వు నవ్వి ఇతరుల ముఖంలో చిరునవ్వు తెచ్చుకోండి.

 *మొత్తం మీద*

*నవ్వటం ఒక యోగం.!*

*నవ్వించటం ఒక భోగం.!*

*నవ్వక పోవటం ఒక రోగం*!

Thursday, April 6, 2023

తిన్న ఆహారం అరగకపోతే

 *💁🏻‍♂️ తిన్న ఆహారం అరగకపోతే కడుపులో గ్యాస్ ఫామ్ అవుతుంది.*

〰〰〰〰〰〰〰〰

    *తిన్న ఆహారం అరగకపోతే కడుపులో గ్యాస్ ఫామ్ అవుతుంది. తద్వారా కడుపులోనూ.. ఛాతిలోనూ మంట మొదలవుతుంది. మరి దీని నుంచి బయపడటం ఎలా? ఈ సమస్యకు ఇంట్లో దొరికే వస్తువులతో చెక్ పెట్టేయవచ్చా? లేదంటే దీని కోసం కూడా మెడికల్ షాపునకు పరిగెత్తాలా?*

   *Indigestion: తిన్న ఆహారం అరగకపోవడం వల్ల కడుపులో మంట.. గ్యాస్ సమస్యతో పడలేకపోతుంటే ఈ ఒక్కటి చేయండి చాలు..!*

    *తిన్న ఆహారం అరగకపోతే కడుపులో గ్యాస్ ఫామ్ అవుతుంది. తద్వారా కడుపులోనూ.. ఛాతిలోనూ మంట మొదలవుతుంది. మరి దీని నుంచి బయపడటం ఎలా? ఈ సమస్యకు ఇంట్లో దొరికే వస్తువులతో చెక్ పెట్టేయవచ్చా? లేదంటే దీని కోసం కూడా మెడికల్ షాపునకు పరిగెత్తాలా? అంటే వంటింటి చిట్కాలు సరిపోతాయి అనడం కన్నా అద్భుతంగా పనిచేస్తాయనడం మేలేమో. ముఖ్యంగా మన ఆహార అలవాట్లు లేదా జీవనశైలి కారణంగా కడుపు నొప్పి, గ్యాస్, ఉబ్బరం వంటి అనేక సమస్యలు వస్తుంటాయి. వీటికి మన వంటింట్లో ఉండే ఇంగువ, వాముతో చెక్ పెట్టేయవచ్చు.*

*🍃ఇంగువతో ఆరోగ్య ప్రయోజనాలు..*

   *జీర్ణక్రియ మెరుగుపడటానికి ఇంగువ ఎంతగానో ఉపయోగపడుతుంది. ఇక భారతీయ వంటకాలలో ఇంగువను సర్వసాధారణంగా ఉపయోగిస్తారు. ఇంగువలో ఉండే యాంటీ-వైరల్, యాంటీ బాక్టీరియల్ లక్షణాలు మొత్తం ఆరోగ్యానికి చాలా సహాయపడతాయి. ఇంగువను నీటిలో కలిపి తాగడం వల్ల జీర్ణక్రియ ఆరోగ్యంగా, వేగవంతమవుతుంది.*

*🍃వాముతో ఆరోగ్య ప్రయోజనాలు..*

   *వాములో ఉండే థైమోల్ కడుపులో గ్యాస్ట్రిక్ రసాన్ని విడుదల చేయడం ద్వారా జీర్ణక్రియను మెరుగుపరుస్తుంది. ఇంగువ, వాము కలిసి అజీర్ణం, ఆమ్లత్వానికి అద్భుతమైన ఔషధంగా పని చేస్తాయి. అందుకే ఇంగువ, వాము నీరు జీర్ణక్రియను మెరుగుపరచడంలో సహాయపడతాయి.*

*🍃ఇంగువ, వాము కలిపిన వాటర్ తీసుకోవడం వల్ల ప్రయోజనాలు..*

   *ఇంగువ, వాము కలిపి నీటిలో నానబెడితే వాటిలో ఉండే పోషకాలు నీటిలోకి వచ్చేస్తాయి. ఇక ఆ నీటిని తీసుకోవడం వలన కడుపు ఉబ్బరం, గ్యాస్, మలబద్దకం వంటి సమస్యల నుంచి ఉపశమనం కలుగుతుంది. రోగనిరోధక శక్తి పెరుగుతుంది. అజ్వైన్‌లో ఉండే యాంటీ ఆక్సిడెంట్లు మీ రోగనిరోధక శక్తిని పెంచుతాయి. మీ శరీరాన్ని ఇన్‌ఫెక్షన్ల నుంచి రక్షిస్తాయి. అంతేకాకుండా దగ్గు, జలుబు మరియు ఆస్తమా వంటి శ్వాస సంబంధిత సమస్యలను తగ్గించడంలో సహాయపడతాయి. బరువు తగ్గడానికి కూడా ఇంగువ, వాము నీరు ఉపయోగపడతాయి. ఈ నీటిని తీసుకోవడం వల్ల ఆహారం చక్కగా జీర్ణమై బరువు తగ్గడానికి ఉపయోగపడుతుంది.*

*🍃ఇంగువ, వాము వాటర్ ఎలా తయారు చేసుకుంటే ప్రయోజనం?*

   *ఇంగువ, వాము నీటిని తయారు చేయడం చాలా సులభం. ఒక పాన్‌లో ఒక గ్లాసు నీరు తీసుకుని, వాటిలో ఒక స్పూన్ వాము వేసి బాగా మరిగించాలి. ఇక ఆ నీటిలో నాలుగో వంతు ఇంగువ.. నల్ల ఉప్పు వేసి బాగా కలపి దానిని తీసుకోండి.*

Saturday, April 1, 2023

స్త్రీ అంటే అవసరం కాదు ధైర్యం..

 స్త్రీ అంటే అవసరం కాదు ధైర్యం..

 

రామునికి       —       సీత

కృష్ణునికి        —       రాధ 

ఈశునకు      —    ఈశ్వరి

మంత్ర పఠనంలో —   గాయత్రి 

గ్రంధ పఠనంలో    —      గీత

దేవుని యెదుట

     వందన, అర్చన, పూజ, హారతి, ఆరాధన

     వీరికి తోడుగా  శ్రద్ధ


మన దినచర్యలో భాగంగా

ఉదయానికే—ఉష, అరుణ

సాయింత్రం     —   సంధ్య

చీకటైతే           —   జ్యోతి, దీప

పడకలో -            మేనక 

పడుకున్నాక    —   స్వప్న


చూచేటప్పుడు— నయన

వినేటప్పుడు  —   శ్రావణి

మాట్లాడునప్పుడు—వాణి

ఓరిమిలో        -వసుధ

వడ్డించేటప్పుడు-అన్నపూర్ణ

నడుస్తున్నప్పుడు—  హంస

నవ్వుచున్నప్పుడు  —  హాసిని, ప్రసన్న

అద్దంలో చూస్తే—  సుందరి

చేసేపనికి  -స్పూర్తి

పని చేయడానికి    —  స్పందన

మంచి పనికి —  పవిత్ర

ఇష్టంగాచేసే పనికి  —  ప్రీతి

నీరు త్రాగునపుడు —  గంగ

ఐస్క్రీమ్ తినేటప్పుడు —  హిమజ

సినిమా చూస్తున్నప్పుడు —  చిత్ర

అబద్ధ మాడునపుడు —  కల్పన

నిజం చెప్పేటపుడు —సత్యవతి, నిర్మల

ఆలోచనలప్పుడు  —  ఊహా, భావన

చదువుచున్నప్పుడు  —  సరస్వతి

వ్యాపారంలో      —   ప్రతిభ , ప్రగతి

సంతోషంలో—   సంతోషి

కోపంలో       —   భైరవి

ఆటలాడునప్పుడు—  ఆనంది 

గెలుపు కోసం— జయ, విజయ

గెలిచిన తర్వాత  —   కీర్తి

     

      సరిగమలు నేర్చునపుడు  —  సంగీత

      పాటలు పాడునపుడు  —  శృతి, కోకిల

      తాళం వేయునపుడు  —   లయ

      

సాహిత్య గోష్టిలో    —   కవిత 

నగరాన్ని కాపాడుతూ  —   ప్రకృతి


జీవిత గమనంలో మనతో

విద్యాభ్యాసంలో  —   విద్య

సంపాదనప్పుడు —   లక్ష్మి

చేసేవృత్తిలో        —   ప్రేరణ,

పని చేసి వచ్చాక —  శాంతి

చిన్నతనంలో — లాలన

మధ్యవయస్సులో -మాధురి

ముసలితనంలో- కరుణ, మమత

జీవితాంతం మనతో  —  “జీవిత”.🙏 


బాగుంది కదా!మన తెలుగుభాష యొక్క గొప్పతనం.


🌹💐🙏🙏

ప్రతి తండ్రి గొప్పగా,గర్వంగా ఉండండి.

 ప్రతి తండ్రి గొప్పగా,గర్వంగా ఉండండి.


ఒక గర్భవతైన భార్య,

*ఆమె భర్త ఇలా*

*మాట్లాడుకుంటున్నారు..*


*భార్య:* 


ఏం అనుకుంటున్నావ్..?

అబ్బాయి పుడతాడనా ?

అమ్మాయనా..??


*భర్త:*


అబ్బాయనుకో...

వాడికి లెక్కలు

నేర్పుతాను...

ఇద్దరం కలిసి గేమ్స్

ఆడుకుంటాం... 

స్విమ్మింగ్

నేర్పుతా... 

చెట్లెక్కడం

నేర్పుతా... 

అమ్మాయిలతో 

ఎలా మాట్లాడాలో

నేర్పుతా... ఇంకా....


*భార్య:*


చాలు చాలు! 

మరి అమ్మాయి పుడితే..!?


*భర్త:* 


అమ్మాయైతే 

ఏం నేర్పనవసరంలేదు...!

అదే నాకు

నేర్పుతుంది... 


నేనేం తినాలి... 

ఏం తినకూడదు...

ఏం మాట్లాడాలి... 

ఏం మాట్లాడకూడదు... 

నేను ఎలాంటి బట్టలు

వేసుకోవాలి... 


ఒక రకంగా 

మా అమ్మ లాగా

అన్నమాట... 


ఇంకా నేను దానికి

ప్రత్యేకంగా ఏం

చేయకపోయినా 

నన్ను హీరోలా చూసుకుంటుంది... 


నన్నెవరైనా

బాధపెట్టారనుకో, 

వాళ్ళని అస్సలు

క్షమించదు... 

ఎదురు తిరుగుంది... 


భర్త దగ్గర కూడా 

నాగురించి గొప్పగా

చెప్తుంది... 

మా నాన్న నాకోసం 

అది చేసాడు... 

ఇది చేసాడు అనీ... 


*భార్య:*


సో..అమ్మాయైతే ఇవన్నీ

చేస్తుంది... 

అబ్బాయైతే 

చేయడంటారు

అంతేగా..??


*భర్త:*


కాదు..

అబ్బాయైతే ఇవన్నీ

మనల్ని చూసి నేర్చుకుని

చేస్తాడు... 


అమ్మాయికి 

బై బర్త్ వచ్చేస్తాయ్... 


*భార్య:*


అదేం 

శాశ్వతంగా మనతోనే 

ఉండిపోదు కదా..!


*భర్త:*


ఉండదు... 

కానీ మనం దాని గుండెల్లో

ఉండిపోతాం... 


అందుకని 

అది ఎక్కడ ఉంది 

అన్నది సమస్య కాదు..!


Daughters 

are Angles... 

Born with

unconditional 

love and care forever...


అందుకని 

ఆడపిల్లల

తల్లిదండ్రులు

అదృష్టవంతులు...


కూతురంటే కూడికల,

తీసివెతల లెక్క కాదు

నీ వాకిట్లో పెరిగే 

'తులసి మొక్క'... 


కూతురంటే 

దించేసుకొవలసిన 

బరువు కాదు..

నీ ఇంట్లో వెలసిన 

'కల్పతరువు'... 


కూతురంటే 

భద్రంగా చూడవలసిన

గాజు బొమ్మ కాదు... 

నీ కడుపున పుట్టిన 

మరో "అమ్మ"... 


కూతురంటే

కష్టాలకు,కన్నీళ్ళకు

వీలునామా కాదు ...

కల్మషం లేని 

'ప్రేమ' కు చిరునామా...


కళ్యాణమవగానే 

నిన్ను విడిచివెళ్ళినా...

పరిగెత్తుకొస్తుంది నీకు 

ఏ కష్టమెచ్చినా... 


తన ఇంటి పేరు

మార్చుకున్నా

కడదాకా వదులుకోదు

పుట్టింటి పైన ప్రేమను...


కొడుకులా

కాటి వరకు

తోడురాకపోయినా... 

అమ్మ అయి 

నీకు ప్రసాదించగలదు 

మరో జన్మ...


కూతురున్న 

ఏ ఇల్లు అయినా

అవుతుంది.. 

దేవతలు 

కొలువున్న కోవెల... 


*కూతురిని కన్న* 

*ఏ తండ్రి అయినా* 

*గర్వపడాలి యువరాణిని*

*కన్న మహారాజు లా..*💐

Followers

About Me

My photo
Catch me on IHDHFIFIEE