NaReN

NaReN

Saturday, February 26, 2022

ఇంకా పిండాలా నాయనా....

 ఇంకా పిండాలా నాయనా....


బలప్రదర్శనలో అంశంగా 

ఒక వస్తాదు నిమ్మకాయ బద్దని పూర్తిగా రసం పిండివేసి, జనంకేసి చూసి క్రూరంగ నవ్వి, "మీలో ఎవరైన వచ్చి 

ఈ బద్దని పిండి ఇంకా *ఒక్క చుక్క రసం* తెప్పించినా వెయ్యి రూపాయిలిస్తా!" 

అని సవాల్ చేశాడు.

   చాలామంది ప్రయత్నించి వెనక్కి తప్పుకున్నారు. 


వస్తాదు మళ్ళీ నవ్వి ఇంకా సవాల్ చేశాడు. 


అప్పుడో బక్కచిక్కిన మధ్య వయసాయన వచ్చి ఆ పిండేసిన నిమ్మబద్ద డిప్పని పిండేసరికి జలజలా రసం కారింది. 

బిత్తరపోయిన వస్తాదు.

ఆయనకి పాదాభివందనం చేసి, 

కన్నీళ్ళతో వెయ్యి రూపాయలు ఆయనకిచ్చి, 

"స్వామీ మీరేం చేస్తుంటారు?" అని అడిగాడు.

..

....

....


*" ఇన్ కం టాక్స్ డిపార్ట్ మెంట్ "*  

అన్నాడాయన.

😜😃

ఇంకా పిండాలా నాయనా...అని వెళ్లిపోయాడు

Friday, February 25, 2022

వారంలో 5 KGలు తగ్గండి లేకపోతే డబ్బు వాపస్

 వారంలో 5 KGలు తగ్గండి

 లేకపోతే డబ్బు వాపస్



😂😂😂😂😂😂😂


🙇ఒక లావాటి వ్యక్తి పేపర్ లో " వారంలో 5 KGలు తగ్గండి,

 లేకపోతే డబ్బు వాపస్" అనే ప్రకటన చూసి వాళ్ళకి ఫోన్ చేసాడు.🙇


🙋 ఒక అమ్మాయి ఫోన్ ఎత్తి, “రేపు ఉదయం ఆరు గంటలకు రెడీ గా 

వుండండి” అని చెప్పింది.🙋


💃తర్వాత రోజు ఉదయం 6 గంటలకు అతను తలుపు తెరవగానే, 

షార్ట్, షూ వేసుకున్న ఒక ఆందమైన అమ్మాయి "నన్ను పట్టుకోండి, ముద్దు పెట్టుకోండి" 

అని పరిగెట్టటం మొదలుపెట్టింది.

అతను బాగా కష్టపడి పరిగెట్టాడు, కాని పట్టుకోలేకపోయాడు.

మొత్తానికి వారంలో 5 KGలు మాత్రం తగ్గిపోయాడు.

.

.🕴️ఈ సారి అతను 10 KGల ప్రోగ్రామ్ తీసుకున్నాడు

తర్వాత రోజు ఉదయం 6 గంటలకు అతను తలుపు తెరవగానే, 🚶


💃షార్ట్, షూ వేసుకున్న ఇంతకు ముందుకన్నా అందమైన అమ్మాయి  

"నన్ను పట్టుకోండి, ముద్దు పెట్టుకోండి" అని పరిగెట్టటం మొదలుపెట్టింది.

అతను బాగా కష్టపడి పరిగెట్టాడు, కాని పట్టుకోలేకపోయాడు.

మొత్తానికి వారంలో 10 KGలు మాత్రం తగ్గిపోయాడు.🤷


.

.

👲అతనికి ఇది బాగా నచ్చి ఈ సారి అత్యాశకి పోయి

ఈ సారి అతను 25 KGల ప్రోగ్రామ్ అడిగాడు. 

కస్టమర్ కేర్ వాడు" నిజంగా 25KG ప్రోగ్రాం కావాలా మీకు?” అని అడిగాడు.

అతను "కావాలి పంపించండి"అన్నాడు.

తర్వాత రోజు ఉదయం 6 గంటలకు అతను తలుపు తెరవగానే, 

ఒక గొరిల్లా లా వున్న ఒక అమ్మాయి " నాకు దొరికావో,

ముద్దు పెట్టుకుంటా" అంది...


 పరుగు అందుకున్నాడు... యెంత తగ్గాడో తెలియదు, ఇంకా దొరకలేదు!!🏃

Thursday, February 24, 2022

నడక మంచిదే కదా

 

నడక మంచిదే కదా..



శరీరం ఫిట్‌గా ఉండాలంటే ప్రతిరోజూ వాకింగ్ చేయడం తప్పనిసరి. అయితే ఏ సమయంలో వాకింగ్ చేయాలి? ఎంతసేపు చేయాలి అనేది చాలా మందికి తెలియదు. కొంతమంది ఫిట్‌గా ఉండాలని ఎక్కువసేపు వాకింగ్ చేస్తుంటారు. అలా చేయడం కూడా ప్రమాదకరమని ఆరోగ్యనిపుణులు సూచిస్తున్నారు. మనం ఆకలి వేస్తే మన పొట్టకి ఎంత ఆహారం సరిపడితే అంత ఆహారం మాత్రమే తీసుకుంటాం.
అలాగే వాకింగ్ కూడా అంతే. శరీరం తీరును బట్టి ఒక్కొక్కరు ఒక్కో విధంగా వాకింగ్ చేయాల్సి ఉంటుంది. సాధారణ ఆరోగ్యవంతులు అయితే ప్రతిరోజూ రెండు కిలోమీటర్లు నడిస్తే సరిపోతుంది. ఉదయం 5 గంటల నుంచి 7 గంటల లోపు వాకింగ్ పూర్తి చేస్తే ఆరోగ్యానికి మంచిది. ఆ సమయంలో ప్రశాంతంగా ఉండటంతో పాటు స్వచ్ఛమైన ప్రాణవాయువు మనకు లభిస్తుందని వైద్యులు చెప్తున్నారు.
వాకింగ్ చేసే సమయంలో ఆక్సిజన్ ఎక్కువ తీసుకోవాల్సి ఉంటుంది. అందువల్ల ఆలస్యంగా వాకింగ్ చేస్తే జనసంచారం ఎక్కువగా ఉండటంతో విషవాయువులు శరీరంలోకి వెళ్లే అవకాశం ఉంది. అప్పుడు ఆరోగ్యం సంగతి అటుంచితే అనారోగ్యం బారిన పడే అవకాశముంది. శరీరంలో డి విటమిన్ తక్కువగా ఉండేవారు ఉదయం 8 గంటల లోపు ఎండలో నిలబడాలి. 10 నుంచి 15 నిమిషాల పాటు ఎండలో ఉండటం వల్ల డి విటమిన్ లభిస్తుంది. ఉదయం కుదరని వారు సాయంత్రం 5 గంటల తర్వాత ఎండలో నిలబడొచ్చు. కొంతమంది కొన్ని ప్రయోజనాల కోసం వాకింగ్ చేస్తారు.
రోజూ నిర్ధారిత సమయంలో నడవడం వీలుకాకపోయినా.. వారంలో కనీసం 150 నిమిషాలు… అంటే సుమారు 2.5 గంటలు వాకింగ్ సమయం ఉండేలా ప్లాన్ చేసుకోండి. నడవమన్నారు కదా అని బద్దకంగా అడుగులు వేయకండి. వీలైనంత చురుగ్గా శరీరం మొత్తం కదిలేలా వేగంగా నడిస్తేనే ఫలితం ఉంటుంది. వాకింగ్ ప్రతిరోజూ చేయాలి. ఒకరోజు కంటే ఎక్కువ గ్యాప్ ఇవ్వకండి. వర్షాల కారణంగా లేదా ఇతర కారణాల వల్ల బయట వాకింగ్ చేయడం కుదరకపోతే.. ఇంట్లోనే వాకింగ్ చేయడానికి ప్రయత్నించండి.

Walking: వాకింక్ చేసేందుకు బద్ధకిస్తున్నారా.. ఈ ప్రయోజనాలు తెలిస్తే వద్దన్నా ఆగరు..!
Health Tips: నడక ప్రాముఖ్యత గురించి మనం పెద్దగా ఆలోచించం. కానీ నిపుణుల అభిప్రాయం ప్రకారం ఇది ప్రపంచంలోని అత్యుత్తమ వ్యాయామాలలో ఒకటి. నడక(Walking) మన శారీరక, మానసిక ఆరోగ్యానికి మేలు చేస్తుందని చాలా అధ్యయనాలు కనుగొన్నాయి. దీంతో మానసిక ప్రశాంతత లభించడమే కాకుండా కమ్యూనికేషన్ స్కిల్స్ మెరుగుపడతాయి. నడక వల్ల మన జీవితాన్ని సుదీర్ఘంగా, మెరుగ్గా మార్చే కొన్ని ప్రయోజనాల గురించి ఇప్పుడు తెలుసుకుందాం.



1. నడక జ్ఞాపకశక్తిని మెరుగుపరుస్తుంది..
నడక మెదడును ఉత్తేజపరుస్తుంది. ఇది మతిమరుపు ప్రమాదాన్ని తగ్గిస్తుంది. జ్ఞాపకశక్తిని మెరుగుపరుస్తుంది. యూనివర్శిటీ ఆఫ్ వర్జీనియా వారి పరిశోధన ప్రకారం, నడక పెద్దవారిలో డిమెన్షియా, అల్జీమర్స్ ప్రమాదాన్ని తగ్గిస్తుంది.
2. తీవ్రమైన వ్యాధుల ప్రమాదాన్ని తగ్గిస్తుంది..
నడక ఊబకాయం, అధిక రక్తపోటు, కొలెస్ట్రాల్‌ను తగ్గిస్తుంది. దీనితో పాటు మధుమేహం, క్యాన్సర్, గుండె జబ్బులు కూడా నడకకు దూరంగా ఉంటాయి. హార్వర్డ్ మెడికల్ స్కూల్ ప్రకారం, వారానికి కేవలం రెండున్నర గంటలు నడవడం వల్ల గుండె జబ్బులు వచ్చే ప్రమాదం 30 శాతం వరకు తగ్గుతుంది.
3. ఒత్తిడిని తగ్గిస్తుంది..
రోజుకు కొన్ని నిమిషాలు నడవడం వల్ల మీ మానసిక స్థితి మెరుగుపడుతుంది. ఆందోళన తగ్గుతుంది. ప్రకృతిలో నడకకు వెళ్లినప్పుడు ఈ ప్రభావం ఎక్కువగా ఉంటుంది. నడక మీ కండరాలు, ఎముకలను బలపరుస్తుంది. దీంతో ఒత్తిడి కూడా తక్కువే.
4. మంచి నిద్రకు మేలు చేస్తుంది..
నడక మన శక్తిని రెట్టింపు చేస్తుంది. దీనితో పాటు, ఇది నిద్ర సమస్య నుంచి బయటపడటానికి సహాయపడుతుంది. ఆర్థరైటిస్ ఫౌండేషన్ ప్రకారం, 50 నుంచి 75 సంవత్సరాల వయస్సు గల స్త్రీలు ప్రతిరోజూ కొంత సమయం పాటు నడవడం వల్ల నిద్రకు ఇబ్బంది ఉండదు.
5. నడక మంచి వ్యాయామం..
నడకను కేవలం చిన్న వ్యాయామంగా భావించడం తప్పు. బ్రిస్క్ వాకింగ్ మీ మొత్తం శరీరానికి చక్కని వ్యాయామాన్ని అందిస్తుంది. నడకను అధిక-తీవ్రత కలిగిన వ్యాయామంగా మార్చడానికి, మీరు భారీ బ్యాగ్‌తో నడవవచ్చు.
6. నడక సంబంధాలను మెరుగుపరుస్తుంది..
మీ భాగస్వామి లేదా పిల్లలతో కలిసి నడవడం వల్ల మీ సంక్లిష్ట సంబంధాలను పరిష్కరించుకోవచ్చు. కలిసి నడుస్తున్నప్పుడు, మీరు మీ మనసులో మాటలు మాట్లాడటం ద్వారా మీ సంబంధంలో కమ్యూనికేషన్‌ను పెంచుకోవచ్చు. ప్రతిరోజూ తమ ఇంటి చుట్టూ తిరిగే వ్యక్తులు, వారి సామాజిక సంబంధాలు కూడా చాలా మంచివని అనేక పరిశోధనలలో వెల్లడైంది.
7. ఎక్కడైనా, ఎప్పుడైనా నడివొచ్చు..
జిమ్ లాగా, నడవడానికి సభ్యత్వం అవసరం లేదు. మీరు ఎప్పుడైనా, ఎక్కడికైనా ఉచితంగా ప్రయాణించవచ్చు. నిపుణుల అభిప్రాయం ప్రకారం, మీరు ఒక రోజులో 30 నిమిషాల నడక చేయవచ్చు. ఉదాహరణకు, పని తర్వాత 10 నిమిషాల నడక, భోజనం తర్వాత 10 నిమిషాల నడక, ఎవరితోనైనా మాట్లాడేటప్పుడు 10 నిమిషాల నడక ఎంతో చక్కని వ్యాయామంగా మారుతుంది.
8. రోజుకు 10 వేల అడుగులు నడవాల్సిన అవసరం లేదు..
రోజుకు 10,000 అడుగులు వేయాలని చాలా మంది అంటుంటారు. కానీ, అమెరికా నేషనల్ ఇన్స్టిట్యూట్ ఆఫ్ హెల్త్ చేసిన పరిశోధన ప్రకారం, ఇదిిజహ అవసరం లేదు. 2019లో జరిగిన ఈ పరిశోధన ప్రకారం రోజూ 4-8 వేల అడుగులు నడవడం వల్ల మరణాల ముప్పు తగ్గుతుంది.

🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻

వర్ణమాలతో పెళ్లి ఆహ్వానం

 వర్ణమాలతో పెళ్లి ఆహ్వానం

—————————————-—————————



 *అ* - *అరుదైన* అమ్మాయి

 *ఆ* - *ఆకతాయి* అబ్బాయి

 *ఇ* - *ఇద్దరికి* 

 *ఈ* - *ఈడు* జోడి కుదిరి

 *ఉ* - ఉంగరాలను తొడిగి

 *ఊ* - ఊరంతా ఊరేగించారు

 *ఋ* - *ఋణాల* కోసం 

 *ఎ* - *ఎ* వరెవరినో అడుగుతూ ఉంటే

 *ఏ* - *ఏనుగు* లాంటి కుభేరుడితో అడిగి

 *ఐ* - *ఐశ్వర్యం* అనే కట్నం ఇచ్చి

 *ఒ* - *ఒకరికి* ఒకరు వియ్యంకులవారు

 *ఓ* - *ఓర్పుతో* ఒప్పందం చేసుకొని

 *ఔ* - *ఔదార్యాని* ఇరు కుటుంబాలకు

 *అం* - *అందించాలని* కోరుకుంటూ

 *అ* : - *అ* : అంటూ

 *క* - *కలపతో* తయారయిన పత్రికలపై 

కలంతో రాసిచ్చి

 *ఖ* - *ఖడ్గలతో* నరికిన పందిరి ఆకులను

 *గ* - *గడప* ముందుకు తీసుకొచ్చి

 *ఘ* - *ఘనమైన* ఏర్పాట్లు చేయించి

 *చ* - *చాపుల* (బట్టలు)నింటిని కొని

 *ఛ* - *ఛత్రం* (గొడుగు) పట్టి గండదీపాని

 *జ* - జరిపిస్తూ

 *ఝ* - *ఝాము* రాత్రి దాక

 *ట* - *ట* పకాయలను కాలుస్తూ

 *ఠ* - *ఠీవిగా* (వైభవంగా)

 *డ* - *డ* ప్పులతో

 *ఢ* - *ఢం* ఢం అని శబ్దాలతో సాగుతుంది

 *ణ* - కంక *ణా* లు చేతికి కట్టుకొని

 *త* - *తట్టలో* తమలపాకులు పట్టుకొని

 *థ* - థమన్(మ్యూజిక్ డైరెక్టర్) డప్పులతో

 *ద* - *దగ్గరి* బంధువులను పిలిచి

 *ధ* - *ధ* నవంతులను కూడా పిలిచి

 *న* - *న* అనే నలుగురిని పిలిచి

 *ప* - *పది* మందిని పలకరిస్తూ

 *ఫ* - *ఫంక్షన్* కి రావాలని చెప్తూ

 *బ* - *బ* లగాలతో బంగార దుకాణాలకు వెళ్లి

 *భ* - *భటువులని* (ఆభరణాలు) కొని

 *మ* - *మంగళ* స్నానాలు చేయించి, రాజసూయ

 *య* - *యాగం* లాంటి పెళ్లి కి 

 *ర* - *రా* రండోయ్ వేడుక చూద్దాం అని చెప్పి

 *ల* - *లక్షణమైన* 

 *వ* - *వధూవరులను* మీరు

 *శ* - *శతమానం* భవతి అని

 *ష* - *షరతులు* లేకుండా ఆశీర్వదించడానికి

 *స* - *సప్తపది* (పెళ్లి) వేడుకలో

 *హ* - *హంగు* ఆర్భాటాలతో రెడీ అయిన మండపంలో

 *ళ* - క *ళ* త్రం (భార్య) కాబోతున్న ఆమె ప్రక్కన వరుడు కూర్చొని

 *క్ష* - *క్షత్రియ* చెంత ఉండే బ్రాహ్మణుల సాక్షిగా జరిగే ఈ పెళ్లి కి

 *ఱ* - *ఱరండి*,,, 

అక్షర దోషాలు  తెలియజేయండి.

భావం చూడండి,,,,

చదవండి, 

ఆనందించండి

తెలుగును ఆస్వాదించండి

వయస్సు దాటుతున్న వేళ

 వయస్సు దాటుతున్న వేళ

  

 *1. ఈ సమయం  ఇన్నాళ్ళూ  సంపాదించినదీ,  దాచుకున్నదీ  తీసి  ఖర్చు  పెట్టె  వయసు.తీసి  ఖర్చు  పెట్టి  జీవితాన్ని  ఎంజాయ్  చెయ్యండి.*  


 *దాన్ని  ఇంకా  దాచి  అలా  దాచడానికి  మీరు  పడిన  కష్టాన్ని,  కోల్పోయిన ఆనందాలనూ*  *మెచ్చుకునేవారు  ఎవరూ  ఉండరు  అనేది  గుర్తు పెట్టుకోండి* 


 *2. మీ  కొడుకులూ,  కోడళ్ళూ  మీరు  దాచిన  సొమ్ముకోసం  ఎటువంటి  ఆలోచనలు చేస్తున్నారో? ఈ  వయసులో  ఇంకా  సంపాదించి*  *సమస్యలనూ,  ఆందోళనలూ  కొని తెచ్చుకోవడం  అవుసరమా?* 

 *ప్రశాంతంగా  ఉన్నది  అనుభవిస్తూ జీవితం  గడిపితే  చాలదా?* 


 *3. మీ  పిల్లల  సంపాదనలూ,  వాళ్ళ  పిల్లల  సంపాదనల  గురించిన  చింత  మీకు  ఏల?*  *వాళ్ళ  గురించి  మీరు  ఎంత  వరకూ  చెయ్యాలో  అంతా  చేశారుగా?*  *వాళ్లకి  చదువు,  ఆహారం, నీడ మీకు  తోచిన  సహాయం  ఇచ్చారు.  ఇపుడు  వాళ్ళు  వాళ్ళ  కాళ్ళమీద  నిలబడ్డారు.ఇంకా  వాళ్ళకోసం  మీ  ఆలోచనలు  మానుకోండి. వాళ్ళ  గొడవలు  వాళ్ళను  పడనివ్వండి.* 


  *4. ఆరోగ్యవంతమైన  జీవితం  గడపండి.   అందుకోసం  అధిక  శ్రమ  పడకండి. తగిన  మోతాదులో  వ్యాయామం  చెయ్యండి. (నడక, యోగా   వంటివి  ఎంచుకోండి) తృప్తిగా  తినండి.  హాయిగా  నిద్రపోండి.*   *అనారోగ్య  పాలుకావడం  ఈ వయసులో  చాలా  సులభం,  ఆరోగ్యం  నిలబెట్టుకోవడం  కష్టం.  అందుకే  మీ  ఆరోగ్య  పరిస్థితిని  గమనించుకుంటూ  ఉండండి. మీ వైద్య  అవుసరాలూ,  ఆరోగ్య  అవుసరాలూ   చూసుకుంటూ  ఉండండి.  మీ డాక్టర్  తో  టచ్  లో  ఉండండి.  అవుసరం  అయిన  పరీక్షలు  చేయించుకుంటూ  ఉండండి.*  *(ఆరోగ్యం  బాగుంది  అని  టెస్ట్ లు  మానేయకండి)* 


 *5. మీ  భాగస్వామికోసం  ఖరీదైన  వస్తువులు  కొంటూ  ఉండండి.  మీ  సొమ్ము  మీ  భాగస్వామితో  కాక  ఇంకెవరితో  అనుభవిస్తారు?* *గుర్తుంచుకోండి ఒకరోజు  మీలో  ఎవరో  ఒకరు  రెండో  వారిని  వదిలిపెట్టవలసి  వస్తుంది.  మీ డబ్బు  అప్పుడు  మీకు  ఎటువంటి  ఆనందాన్నీ  ఇవ్వదు.  ఇద్దరూ  కలిసి  అనుభవించండి.* 


 *6. చిన్న  చిన్న  విషయాలకు  ఆందోళన  పడకండి. ఇప్పటివరకూ  జీవితం  లో  ఎన్నో  ఒత్తిడులను  ఎదుర్కొన్నారు.   ఎన్నో  ఆనందాలూ,  ఎన్నో  విషాదాలూ  చవి  చూశారు.  అవి  అన్నీ  గతం.* 

 *మీ  గత  అనుభవాలు మిమ్మల్ని  వెనక్కులాగేలా  తలచుకుంటూ  ఉండకండి,  మీ భవిష్యత్తును భయంకరంగా  ఊహిచుకోకండి.  ఆ  రెండిటివలన  మీ  ప్రస్తుత  స్థితిని   నరకప్రాయం  చేసుకోకండి. ఈరోజు  నేను  ఆనందంగా  ఉంటాను అనే  అభిప్రాయంతో  గడపండి.   చిన్నసమస్యలు  వాటంతట  అవే  తొలగిపోతాయి .* 


 *7. మీ  వయసు*  *అయిపొయింది  అనుకోకండి.  మీ  జీవిత  భాగస్వామిని  ఈ  వయసులో  ప్రేమిస్తూనే  ఉండండి. జీవితాన్ని  ప్రేమిస్తూనే  ఉండండి. కుటుంబాన్ని  ప్రేమిస్తూనే  ఉండండి. మీ  పొరుగువారిని  ప్రేమిస్తూ  ఉండండి.* 


  *"జీవితంలో ప్రేమ, అభిమానం, తెలివితేటలూ  ఉన్నన్ని నాళ్ళూ   మీరు  ముసలివారు  అనుకోకండి.* *నేను  ఏమిచెయ్యగలనూ  అని  ఆలోచించండి.  నేను  ఏమీ  చెయ్యలేను  అనుకోకండి"* 


 *8. ఆత్మాభిమానం  తో  ఉండండి  (మనసులోనూ బయటా  కూడా) హెయిర్  కట్టింగ్  ఎందుకులే*  *అనుకోకండి.  గోళ్ళు  పెరగనియ్యిలే అనుకోకండి.  చర్మసౌందర్యం  మీద  శ్రద్ధ   పెట్టండి.  పళ్ళు  కట్టించుకోండి. ఇంట్లో  పెర్ఫ్యూమ్ లూ,  సెంట్లూ ఉంచుకోండి. బాహ్య  సౌందర్యం  మీలో అంతః సౌందర్యం  పెంచుతుంది అనే  విషయం  మరువకండి.  మీరు  శక్తివంతులే!* 

  

 *9. మీకు  మాత్రమె  ప్రత్యేకం  అయిన ఒక  స్టైల్స్ ఏర్పరచుకోండి.  వయసుకు  తగ్గ  దుస్తులు  చక్కటివి  ఎంచుకోండి. మీకు  మాత్రమె  ప్రత్యేకం  అయినట్టుగా  మీ  అలంకరణ ఉండాలి.  మీరు  ప్రత్యేకంగా  హుందాగా ఉండాలి.* 


 *10. ఎప్పటికప్పుడు  అప్ డేట్  గా  ఉండండి. న్యూస్ పేపర్లు  చదవండి. న్యూస్ చూడండి.  పేస్  బుక్ , వాట్సాప్ లలో  ఉండండి. మీ  పాత  స్నేహాలు  మీకు  దొరకవచ్చు.*  


 *11. యువతరం ఆలోచనలను  గౌరవించండి.* 

 *మీ  ఆదర్శాలూ  వారి  ఆదర్శాలూ  వేరు  వేరు  కావచ్చు. అంతమాత్రాన  వారిని  విమర్శించకండి* .


 *సలహాలు  ఇవ్వండి,* *అడ్డుకోకండి. మీ  అనుభవాలు  వారికి  ఉపయోగించేలా  మీ  సూచనలు  ఇస్తే  చాలు. వారు  వారికి  నచ్చితే  తీసుకుంటారు.  దేశాన్ని  నడిపించేది వారే!* 


 *12. మా  రోజుల్లో ...  అంటూ   అనకండి.  మీరోజులు  ఇవ్వే!* 

 *మీరు  బ్రతికి  ఉన్నన్ని  రోజులూ   " ఈరోజు నాదే"  అనుకోండి* 


 *అప్పటికాలం  స్వర్ణమయం  అంటూ  ఆరోజుల్లో   బ్రతకకండి.*  

 *తోటివారితో కఠినంగా  ఉండకండి.* 


 *జీవితకాలం  చాలా  తక్కువ.  పక్కవారితో కఠినంగా   ఉండి* *మీరు  సాధించేది  ఏమిటి?*  *పాజిటివ్  దృక్పధం,*  *సంతోషాన్ని  పంచే  స్నేహితులతో  ఉండండి.*  *దానివలన  మీ  జీవితం  సంతోషదాయకం  అవుతుంది.*  *కఠిన  మనస్కులతో  ఉంటె   మీరూ  కఠినాత్ములుగా  మారిపోతారు.*  *అది  మీకు  ఆనందాన్ని  ఇవ్వదు.  మీరు  త్వరగా  ముసలివారు  అవుతారు.* 


 *13. మీకు  ఆర్ధికశక్తి  ఉంటె,  ఆరోగ్యం  ఉంటె   మీ  పిల్లలతో  మనుమలతో  కలిసి ఉండకండి. కుటుంబ సభ్యులతో  కలిసి  ఉండడం  మంచిది  అని  అనిపించవచ్చు.  కానీ  అది  వారి  ప్రైవసీకి  మీ  ప్రైవసీకి కూడా  అవరోధం  అవుతుంది.వారి  జీవితాలు  వారివి.*  

 *మీ  జీవితం  మీది. వారికి  అవుసరం  అయినా,  మీకు  అవుసరం  అయినా  తప్పక  పిల్లలతో  కలిసి  ఉండండి.* 


 *14. మీ  హాబీలను  వదులుకోకండి.*  *ఉద్యోగజీవితం  లో  అంత  ఖాళీ  లేదు  అనుకుంటే  ఇప్పుడు  చేసుకోండి.* 

 *తీర్థ  యాత్రలు  చెయ్యడం,  పుస్తకపఠనం, డాన్స్, పిల్లినో, కుక్కనో  పెంచడం,  తోట పెంపకం, పెయింటింగ్ ...  రచనా  వ్యాసంగం   ...  ఏదో  ఒకటి  ఎంచుకోండి.* 


 *15. ఇంటిబయటకు  వెళ్ళడం  అలవాటు  చేసుకోండి.  కొత్త  పరిచయాలు  పెంచుకోండి.* *పార్కుకి  వెళ్లండి, గుడికి  వెళ్ళండి,  ఏదైనా  సభలకు  వెళ్ళండి.  ఇంటిబయట  గడపడం  కూడా  మీ  ఆరోగ్యానికి  మేలు  చేస్తుంది.* 


 *16. మర్యాదగా   మాట్లాడడం  అలవాటు  చేసుకోండి.  నోరు  మంచిది  అయితే  ఊరు  మంచిది  అవుతుంది.*  *పిర్యాదులు  చెయ్యకండి. లోపాలను  ఎత్తిచూపడం  అలవాటు  చేసుకోకండి. విమర్శించకండి. పరిస్థితులను  అర్ధం  చేసుకుని  ప్రవర్తించండి. సున్నితంగా  సమస్యలను  చెప్పడం  అలవాటు  చేసుకోండి.* 


 *17. వృద్ధాప్యం  లో  బాధలూ,  సంతోషాలూ  కలిసి  మెలసి  ఉంటాయి.  బాధలను  తవ్వి  తీసుకుంటూ ఉండకండి.* *అన్నీ  జీవితంలో  భాగాలే* 


 *18. మిమ్మల్ని  బాధపెట్టిన  వారిని  క్షమించండి* 

 

 *మీరు  బాధపెట్టిన  వారిని  క్షమాపణ  కోరండి* 


 *మీ తోపాటు  అసంతృప్తిని  వెంటబెట్టుకోకండి.* 


 *అది మిమ్మల్ని విచారకరం  గానూ,* 

 *కఠినం గానూ   మారుస్తుంది* 

 *ఎవరు  రైటు అన్నది  ఆలోచించకండి.* 


 *19. ఒకరిపై పగ  పెట్టుకోవద్దు* 

 *క్షమించు,  మర్చిపో,  జీవితం  సాగించు.* 


 *20. నవ్వండి నవ్వించండి. బాధలపై  నవ్వండి* 

 *ఎందరికన్నానో  మీరు  అదృష్టవంతులు.* 

 *దీర్ఘకాలం  హాయిగా  జీవించండి.* 


 *ఈ వయసు వరకు  కొందరు  రాలేరు  అని  గుర్తించండి.* 

 *మీరు  పూర్ణ  ఆయుర్దాయం  పొందినందుకు   ఆనందించండి.*


పెళ్లి సాధారణంగా జరగాలి - షష్టిపూర్తి ఘనంగా జరగాలి!!

 పెళ్లి సాధారణంగా జరగాలి - షష్టిపూర్తి ఘనంగా జరగాలి!!

〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️






1. మానవుని సంపూర్ణ ఆయుర్దాయం 120 సంవత్సరాలు అని జ్యోతిష్య శాస్త్రం చెబుతున్నది.


2. 60 సంవత్సరాలు నిండినప్పుడు చేసుకునేది షష్టిపూర్తి.


3. ప్రతివారికీ మృత్యువు 60 వ యేట ఉగ్రరథుడు అను పేరుతో, 70 వ యేట భీమరథు డు అను పేరుతో, 78 వ యేట విజయరథు డు అను పేరుతో ఎదురుచూస్తుంటాడు.


4. ఆరోగ్య సమస్యలకు తట్టుకోవటానికి చేసే శాంతి ప్రక్రియ షష్టిపూర్తి.


5. బృహస్పతి, శని 30 సంవత్సరాలకు మానవుని జన్మకాలంలో ఉన్నరాశికి చేరటానికి 60 సంవత్సరాలు పడుతుంది. వాళ్ళిద్దరూ తాము బయలుదేరిన రాశికి చేరుకోవటంతో మానవుని జీవితం మరలా ప్రారంభమవుతుంది. తిరిగి జీవితం ప్రారంభం ఐనట్లు సంకేతం.


6. మానవుడు పుట్టిన తెలుగు సంవత్సరాలు (60) నిండుతాయి కనుక షష్టిపూర్తి.



7. షష్టిపూర్తి సందర్భంగా ఆయుష్కామన యజ్ఞము చేస్తారు. ఆయువును కోరి చేయు యజ్ఞము ఆయుష్కామనయజ్ఞము.


8. పెద్దలు ఈ ఆయుష్కామన యజ్ఞాన్ని చేసే పధ్ధతిని ఇలా చెప్పారు.


9. ‘’ తెల్లని నూతన వస్త్రముపై తూర్పు దిక్కుగా 12 గీతలు గీచి వాటిమీద అయిదు గీతలు గీసి మొత్తము 60 గదులు వచ్చే విధంగా చేస్తారు. వరుసకు 12 అయిదు వరుసలు తూర్పు దిక్కున బియ్యం పోసి కలశం ఉంచుతారు. ప్రభవ నుంచి క్షయ వరకు 60 సం " అధిదేవతలతో ఆవాహన చేస్తారు. దక్షిణాయన ఉత్తరాయణ దేవతలను, 6 ఋతువులను 12 మాసములను ఆవాహన చేస్తారు.


పక్షములను,తిదులను వారములను - వారదేవతలు అయిన - సూర్యుడు, చంద్రుడు, అంగారకుడు, బుధుడు, గురువు, శుక్రుడు, శని ని ఆవాహన చేస్తారు - వీరికి అధిదేవతలు - అగ్ని, జలము, భూమి, విష్ణువు ఇంద్రుడు, ప్రజాపతి లని ఆవాహన చేస్తారు - వీరికి అధిదేవతలు శివుడు, దుర్గ, కుమారస్వామి, బ్రహ్మ - ఇంకా ఏకాదశ రుద్రులు, నక్షత్ర దేవతలు 27 యోగములు 11 కరణములు ఇలా అందరి దేవి దేవతా స్వరూపాలని మృత్యుంజయుని ఆవాహన చేసి బ్రాహ్మణోత్తములు మంగళాచరనములతొ వేదయుక్తంగా ఈ కార్యక్రమం జరిపిస్తారు. అపమృత్యు నివారణార్థం హోమాల్ని, జపాలని కుడా చేస్తారు.తదుపరి బ్రహ్మలను సత్కరించి బంధుమిత్రులతో విందు ఆరగిస్తారు.


10. పూర్వకాలంలో పురుషుడు ఏ వేడుక చేసుకున్నా భార్యకు కూడా జరగినట్టే భావించేవారు కనుక స్త్రీలకు మళ్ళీ విడిగా షష్టిపూర్తి చేసే ఆచారంలేదు.


11. పెళ్లి సాధారణంగా జరగాలి. షష్టిపూర్తి ఘనంగా జరగాలని పెద్దల మాట. ఎందుకంటే షష్టిపూర్తి దృఢమైన ఆత్మీయతల సుగంధం పరిమళించే సందర్భం కనుక.


12. బిడ్డలు తమ కృతజ్ఞతను తమ తల్లిదండ్రులకు అర్పించుకొనే అపురూప సందర్భం షష్టిపూర్తి.

〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️

Thursday, February 17, 2022

భార్యే ఇంటికి ఆభరణం

 *భార్యే ఇంటికి💍 ఆభరణం!!*

అలాంటి భార్యకు ఎన్ని ఆభరణాలు కొనిచ్చినా తక్కువే.

(మీ వివాహ దినోత్సవం సందర్భంగా నా కవితా బహుమతి)

_____________________

పసుపులేటి నరేంద్రస్వామి


భరించేది భార్య,

బ్రతుకునిచ్చేది భార్య,

చెలిమినిచ్చేది భార్య 

చేరదీసేది భార్య,

ఆకాశాన ☀️సూర్యుడు   లేకపోయినా...


ఇంట్లో  భార్య లేకపోయినా...


అక్కడ జగతికి వెలుగుండదు.


ఇక్కడ ఇంటికి వెలుగుండదు


భర్త వంశానికి సృష్టికర్త,

మొగుడి అంశానికి మూలకర్త,


కొంగు తీసి ముందుకేగినా...

చెంగు తీసి మూతి తుడిచినా...

ముడిచినా

తనకు ఎవరూ సాటి లేరు ఇలలో...


తను లేని ఇల్లు... 

కలలో.... కూడా

ఊహకందని భావన


బిడ్డల నాదరించి...

పెద్దల సేవలో తరించి

భర్తని మురిపించి...మైమరపించి

బ్రతుకు మీద ఆశలు పెంచి... 

చెడు ఆలోచనలు త్రుంచి...

భ్రమరంలా ఎగురుతూ...

భర్తను భ్రమల నుండి క్రిందకు దించుతూ...

కళ్ళు కాయలు కాచేలా...వేచి చూస్తూ...

భర్త జీవితాన పువ్వులు పూచేలా చేస్తూ....

జీతం లేని పని మనిషి...

జీవితాన్ని అందించే మనసున్న మనిషి...

ఏమిచ్చి తీర్చుకోగలం భార్య రుణం,

ఆమెకు భారం కాకుండా ఉండడం తప్ప

అదే  భార్యకు మనమిచ్చే విలువైన ఆభరణం

కొసమెరుపు

ఆమెకు ఆమే సాటి అయినా చేయిద్దాం  ఓ చిన్న 💍ఆభరణం దానికి కూడా చేయాలా మీతో రణం🤼‍♀️

Followers

About Me

My photo
Catch me on IHDHFIFIEE